تكفون ياهل الإمارات والي عنده خبره لا يبخل علي

[ابو حسان الجنوبي]

تكفون يارجال



انا طالع للإمارات الأسبوع الجاي دوره لمدة أسبوع وانا ابيلي شروكي موديل 2000كلاسيك ومدري عنه كيفه بالإمارات .

وكمان ابيلي رانجلر موديل2005 الي عنده خبره يفيدني كيف الاسعار هناك وفين الاقيها لاني عندي اكثر من جيب بالسعودية معروضة علي بس غالية شوي ومخزنه وهذولي ابيها لرجال غالين عندي.

[ابو حسان الجنوبي]

معقوله المشاهدين 47ولا رد واحد ؟

[هاوي البر]

الاخ شروكي الجنوب
انا توني جاي من الامارات من شهر تقريبا
السيارات متواجده بكثرة في الشارقة
بس تبي نصيحتي ما راح تحصل شي نظيف الا نادر انا رحت وتقطعت رجليني من الدوران وما حصلت شي عليه القيمة و اذا حصلت شي نظيف ضربوك بذاك السعر ولا تنسى ان وراك جمارك و انتبه لشي مهم قالها لي شخص اماراتي صاحب معرض قال بعض الناس ينقصون من العداد اجل القى جيب 2003 يقول ماشي 35 الف و شكل الموتر مكروف وغيرها حصلت كثير من هذي الحراكات واغلب الي ماسكين المعارض هناك عراقية ومن فلسطين و سوريا
اذا تبي خذ من الجلابه اهل الامارات لانهم في الغالب صادقين ويعطيك الي في الموتر كله
وموفق ان شاء الله

[ابو حسان الجنوبي]

الله يعطيك العافية ويبيض وجهك

[4800VTC]

اخوي هاوي الله لا يهينيك عطنا بعض اسعار المواتر ومواصفاتها اللي حصلتها في الشارقه لاني ناوي ابيع السفاري واشتري لاندكروزر

[هاوي البر]

والله يا اخوي الفتك العنوه للامارات لشراء سيارة ما تسوى
انا كان ذهابي خاص لشراء سياره رحت الى ابو ظبي وجلست فيها يوم كامل فريت معارضهم معرض معرض
ثم ذهبت للبريمي على الحدود مع مدينة العين وفريتها كلها ثم رحت لمدينة الشارقة وفريت اغلب معارضها
و المعارض في مدينة الشارقة هي اكبر معارض في دولة الامارات تقريبا حتى اني وجد ناس من ابو ظبي جايين للشارقة يشترون منها ولما قلت لهم ليه ما تشترون من ابو ظبي قالوا السيارات في الشارقة اكثر ويجلبون لها من دبي ايضاً وفي الحقايقة العنوه لشراء سيارة من الامارات ما تسوى نصحني بها شخص قبلي وقال لا تروح دقني ما راح تحصل شي نظيف و ان حصلت بيضربونك في السعر ولا سمعت كلامه قلت يمكن الرجال ما دور زين او ما تفحص المواتر ولكن زي ما يقولون الي ما يطيع يضيع
وهناك مشكلة ثانية بتواجهد الي هي تحويل الفلوس فيه تشديد عن اول عقب مسائل الارهاب يعني ما تستطيع الان تحول مبلغ لاي بنك في الامارات الا بوجود حساب لك هناك رحت للراجحي ورحت لبنك انجاز التابع لبنك البلاد قال ما نقدر نحول لك حواله الا عند وجود حساب لك في اي بنك في الامارات او تحول لحساب احد الاشخاص في الامارات فقط غيره ما تقدر
وعند الحدود مشددين الجمارك على الكاش وحاطين لوحه عند المنفذ الحدودي بضروره ابلاغ رجل الجمرك لاي مبلغ بحوزتك بحدود 60 الف ريال لتسجيله لديهم و اكيد بيسالونك عن سبب حمله ولازم ترجع به معك او تثبت لهم في الرجعة فيما صرفته فواتير بضاع او شراء سياره او غيره يعني صارت الاجراءات شوي معقده
و الخلاصة السيارات غاليه وما تسوى 2003 الفل يوصلونه 103 الف الى 105 الف ولا تنسى الجمارك في حدود 3 الاف ومصاريف سفرك

[ابو خطاب]

هذاك اول في سيارات الامارات مطمع.........اما الحين السعر نفسه وسوقنا اقل دهاء في الغش والتحايل .. الا ان كان السيارات الاوربية والامريكية الاسعمال الياباني .. تاخذها من الميناء وعساك تسلم من الصدأ والتلف.. والا ان اخذتها من معرض يبي يبعها عليك اغلى من بيع السوق .. لا وقدامك جمارك ولوحات .. يعني تبي تطلع مغبون :
1- قل نظافه .
2- غش مع مرتبة الشرف الاولى .
3- اغلى من بيع السوق.