سؤال لأهل الخبرة المكشاتية

[شقن بقا]

أخواني ما ودي أطوّل عليكم سيارتي نيسان باترول ربع موديل 93 نوره ما هو بذيك القوة وودي أقوّي النور ( ركبت شمعات غازية ألمانية بقوة 100 شمعة ) ومثل ماهو إن كان عندكم راي عطوني إياه لا هنتوا يالقروم

[شقن بقا]

مو معقول يالمكشاتية تخذلوني
طلبت المشورة والراي منكم و13 مشاهدة للموضوع ولا فيه واحد رد علي الموضوع كتبته في 11/4 واليوم 11/6 يعني اليوم الثالث ولا فيه رد والشرهة كبيرة

[باترول 4×4]

والله يالغالي لو عندي خبرة أفدتك لكن أتوقع والعلم عند الله مامثل أنوار الوكالة ، ليش ماتشري وكالة وتريح بالك . وأظن أنوار الوكالة من 91 إلى 97 زي بعضه .

[.أبوعبدالرحمن]

وانا اخوك العذر والسموحة

والحمدلله المشكلة بسيطة باذن الله


اول شيء ركب شمعة H4 اللي هي القزازة اللي يتركب فيها اللمبة وخذ صناعة المانية


ثانيا ركب لمبة اوسرام اسمها كذا ( اوسرام ) 100 على 80 طبعا صناعة الماني كذلك


ثالثا ركب كتاوت ياباني لونه اصفر


وان شاء الله تدعيلي

طبعا هذا كله مجرب


واتمنى اني افدتك

[عاشق ا لمطر]

انا من راي اخوي ابو عبد الرحمن بس اذا الشمعات مرمله(طاقها رمل اوعجاج)لازم تغيرها.

[NissaN 1990]

رأيي من رأي أخوي أبو عبدالرحمن بالضبط أنا معي باترول ومركبله نفس الشمعات إلا النور اللي تركب فيه الشمعه مركب له نور أسمه (هيلا) والشمعات أسمها (أوسرام ) ومركب كتاوت وكلها مع شغل الكهربائي 300 ريال وماشاء الله نور فارش مع الخط ولونه أبيض وقوي مره

[غضنفر]

عز الله ان اوسرام هي الدوا
وانا مع الشباب في كلامهم

[شقن بقا]

الأخ باترول 4×4
مشكور يالحبيب وماقصرت

أبو عبدالرحمن الصفيّان
بشرك الله بالخير عز الله شرحت فأبنت ووفيت وكفّيت
يالغالي بدون قصور في الإخوة الآخرين مع العلم إني مركّب الشمعات
H4 بس اللمبة ماهي ( أوسرام ) والكتاوت اللي مركبه أسود ورايح أجرب الكتاوت اللي تقول عليه وإن شاء الله يضبط معاي لك عظيم شكري وتقديري

عاشــق المطر
مشكور يالحبيب على المشاركة والإفادة وما قصرت
وترانـــا كلنا عاشـــــقين المطر مثلك الله يرزقنا المطر ويسقينا

NissaN1990
مشكور أخوي نيسان على تجاوبك وبارك الله فيك

غـضنــــــــــفر
مشكور أخوي الغضنفر على ردك ومشاركتك بارك الله فيك


لا عدمناك منتدى نكشت فيه

[.أبوعبدالرحمن]

الله ييسر امرك