أشري ولالا TOYOTA Landcruiser G

[najazy]

السلام عليكم ورحمة الله وبركاته
ياجماعة أنا ودي أشري جيب وفكرة بالتويوتا وفكرة بالG
فهل أنتم توافقونني ولا رايكم أغير ووش تنصحون
وإذا أحد يقدر يعطين عنه معلومات
مكينه وقوة وسعر ووو.إلخ
ولكم مني جزيل الشكر
ويامال الجنة

[مـدحـدر]

اخي الكريم ان كانت ما تهمك المواصفات والشكل


توكل على الله ولا تنسى الاستخاره


عن نفسي ما ادفع بموتر سعره فوق الميه الف ولا فيه اي مواصفات

الا انه دبل ( دفع رباعي )

شكلك ما شفت الموتر ع الطبيعه ههههههههههههههههههههههههههه


عندك خيارات كثيره لا تستعجل

[ناوي نيه]

وش المديل الي تبيه
وبعد اذن راعي المووضوع الي يخبرلي g مستعمل مديل 98 99 لايبخل علي وهي تقريبن كم اسعارها ؟ الله لايهينكم

[عاشق السيل]

وعليكم السلام ورحمة الله وبركاته ،،

إذا كنت تسأل عن الموتر بذاته ،، تراه من أجود وأقوى وأصبر سيارات الدفع الرباعي !!

أما إذا كنت تبحث عن البديل بمواصفات أفضل وقريب من السعر ،، أنصحك تاخذ باترول 4800 قير عادي أنشط وأريح وأرخص ،،

هذي وجهة نظري الخاصة ولك الاختيار وتقبل مروري يالغالي ....




.

[بواسامه]

اياني واياك تشتري جي بمية الف وتقعد تدور عليه تقفل ابوابه يدوي
خذ اقل منه موديل وجكس
الله يوفقك

[.أبوعبدالرحمن]

اذا تقدر تاخذ جي اكس

فهو افضل بمراحل كثيييييييييييييييييييييييييييييييييييييييييييييييي ييييييييييرة

[خبراوي]

الجي اكس افضل بكثير من الجي

والفرق واضح خصوص اذا كان مواصفات خليجي

يعني الفرق الجي اكس بيكون فيه فتحه وثلاجه ومكيفين وقزاز كهرب وابواب كهرب وشنطه والفرق بالسعر بسيط وانا اذكر انه فيه جي اكس ار موديل 2005 ماشي 82 الف كم مسيوم 110

[الحرالنداوي]

توكل على الله وماجاك مني

[التسعه شفر]

توكل على الله
ومن ناحية الازرار حقت الابواب
يمدحون الغرابي .. ركب لك سنترلوك اصلي والله يعطيك خيره ..

[بدون مقدمات]

انا اقول توكل على الله
G الخليجي يجي بعضه ابواب كهرب وقزاز كهرب والشكل الخارجي مافيه فرق بينه وبين الgx السعودي (السياحي)

[Qna9Al-Jubail]

توكل على الله انا معاي G خليجي 2004 توني ماخذه مستعمل قزاز كهرب وابواب

[najazy]

هلا والله بالطيبين
تراي والله منشغل وماقدرة أرد عليكم
والله أحرجتوني بردودكم ونصحكم الجميل
وتراي زي ماقال أخوي ماشفته إلى الحين ولكن اللي أعرفة إنك مجرد تركبله جنوط يصير شكله من برا حلو وأنا أحب الشي اللي مابه فخفخة أخف للموتر وأطول عمر ..
على العموم رأيكم بالجي إكس في محله وإحتمال كبير أغير
وأرجوا ممن يعرف أسعار المستعمل من الجي والجي إكس مابين 2005-2007
يعلمنا
ويامال الجنة

[najazy]

أقول ياجماعة مافيه أحد يجيبلنا الأسعار
Qanas Al-jubail
بكم شريت فيدك
قصدي جيبك

[سيف الظفير]

بسم الله الرحمن الرحيم


والصلاة على اشرف الآنبياء والمرسلين سيدنا ونبينا محمد صلى الله عليه وسلم


أمــــا :


بخصوص سؤالك يا الغالي


أقــول :


من منطلق تجربة شخصية لأغلب السيارات الدفع الرباعي الكبيرة من


جمس 8100 سوبربان ويوكون وفورد أكسبدشن وجيب لكزس LX470 ولاندكروزر


أفضــل سيارة للدفع الرباعي الاندكروزر موديل 2006 - 2007 بالذات من ناحية المنظر والشكل وشكل السيارة الخارجي الجميل المميز .


http://www.channel4.com/4car/media/best-in-class-used/large-4x4/03-large/toyota-landcruiser-amazon.jpg



أفضــل الاندكروزر من ناحية
1/ القوة
2/ الشكل
3/ تحمل الطرق الوعرة
4/ الأفضــــل بدون منافس في المناطق الرملية .
5/ الأفضـــل عند مواجهه المناطق بعد الأمطار وقطع الشعبان الوعرة .
6/ارتفاع السيارة عن مستوى سطح الأرض
7/ سيارة عميلة جداً .
8/ قطع السيارة متوفرة بكل مناطق المملكة
9/ رخص قطع الغيار .
10/ سيارة حازت على رضاء الكثير من العملاء ومن مختلف الطبقات الأجتماعيه
11/ السيارة الأولى عند ملاك الابل الذين يعبرون مئات الكيلو مترات براً وهم أكثر الناس فهماً وعرفاً بسيارات الدفع الرباعي الأفضـــل .
12/ سيارة القنــص الأولى بكل جدارة بشهادة الكثير من الصقاقير (أمراء /شيوخ / صقاقير هواه )
13/سيارة تتميز بقلة المشاكل على مر السنين .
14/ الاندكروزر سيارة متينة جداً ولايكاد تسمع الاصوت الخارجية على الطرق السريعه (اذا كانت جديدة) .
15/ يحتوى على خزانين للوقود وهذه ميزة تبرزه عن المنافسيـــن .


وغيرها من العديد من المواصفـــات الجبارة التى يعرفها ملاك لاندكروزر والتى سطرها لهم جيب لاندكروزر على الطرقات السريعة وداخل المدن وبالذات على سفوح الجبال وعلى الأراضي الوعره وداخـــل الكثبان الرمليـــة .
وفي ونهاية الموضوع أسئل الله العلى القدير أن يوفق الجميع ويرزقهم
وأسئــل الله أن يغيثنا .


أخوكم / سيـف الظفـيــر


-------------------------


نصيحة أخوية لكاتب الموضوع / أنصحك بالمرور على معرض آل جميع بالنسيم بالرياض


لرؤية الاندكروزر الاسود
( قير عادي / هزاز /ونش فتحه / استبنتين )موديل 2007 خطوط ذهبية


فعلاً هذا الجيب آسـر للقلووووب . أتمنى مرورك للمعرض


ولن تندم .

[القبقب]

خذ الجي أكس (الهدد) الخليجي ولن تندم .