تكفون ، وش هي قصة التحمّـــــل في التأمين ؟؟؟

[No.1]

السلام عليكم
سيارتي جديدة وعليها تأمين شامل ، شريتها عن طريق البنك الاهلي

المهم قدّر الله والحرامية :mad: سرقوا المرايات الجانبية ( القزاز )
اخذت تقرير من الشرطة بالواقعة ورحت للبنك الاهلي :mad: ومن ثم لشركة التأمين :mad:
اسمها ( عهد )
عطوني عهد ورقة للعيسى لحساب تكلفة القطع واجور اليد

طبعا السعر كان :eek:1800
تخيلوا بس على قزار المرايات

المصيبة
ـــــــــــــــــــــــــــــ
موظف التأمين يقول بنسوي لك تعميد للعيسى بالتصليح
لكن عليك نسبة تحمل 700 ريال :confused:؟!!!

انا : هذا وانا مسوي تأمين شامل :no: ؟
هو : نعم :)
انا : ياخوي هذي سرقة ماهو حادث :mad:
هو : وان كان ، وازيد بلاك بلا ، لو تعرضت لحادث آخر في نفس
السنة تتضاعف قيمة التحمّل :confused:؟!!

ـــــــــــــــــــــــــــــــــ
الآن

هل كلام الموظف صحيح ؟
اذا كان صحيح ، فهل مبلغ التحمل ثابت ام متغير ؟
اذا لم يكن كلام الموظف صحيح فعلى من اشتكي
على البنك ام شركة التأمين ؟ واشتكيهم لمن ؟

اذا صحت قصة تضاعف مبلغ التحمل
معناه اني بمجرد تركيب المرايات بتسرق مرة ثانية ويتضاعف
المبلغ ويا ليل مطولك ..:no2:
ــــــــــــــــــــــــــــ
ردكم علي ضروري ومهم
ولا اعذركم ، اللي ما يعرف يسأل واحد تعامل مع التأمين

لا تخلوني

[ثورة الشك]

ياخوي الله يعينك ويعوضك انت انسرقت المرايا من سارق يعني مواطن او مقيم

البلا انا سيارتي لها اسبوع راحت من عند البيت وانا ادور عليها واخرها القاها عند حجز المرور وهم اللي سحبوها تدري ليش


لان واحد جاهم قالهم السياره هذي صدمت سيارتي قامو المرور جابو الونش وسحبوها من عند البيت من غير ماادري عنها الابعد اسبوع

وانا مبلغ بالشرطه عن سرقه السياره من تاريخ فقدانها

[غضنفر]

اخي ثورة الشك
مشكلة المرور
ليس لديهم نظام آلي لتسجيل السيارات المتواجدة في الحجز
انما تسجل لديهم في اوراق وتخزن في ملفات
ويكون البحث يدوي
لذلك في العادة ونظرا لكبر حجم الملف
لايتم البحث عن كل السيارات
افضل طريقة
ان تبحث عن سيارتك بنفسك وتحتسب الاجر

[No.1]

حيا الله الاخوان

وجبر الله مصاب الجميع

يعني ما عطيتوني الراي جزاكم الله خير

[سعد777]

ياليت والله
لأني مثلك ماخذ من البنك الأهلي بس تأميني ميد غلف
بس والحمدلله مابعد مرينا عليهم

[.أبوعبدالرحمن]

الله يعين الجميع


والله يستر

[تيتشر]

وضعي قريب من وضعك يالحبيب

معاي فكتوريا

وانسرقت الاستبنه اول مره ودفعت 700

والمره الثانيه انسرقت الاستبنه والمسجل .. ودفعت 1000 ريال

ودفعت زياده 500 ريال ( بدل استهلاك ) يقولون ان القطع اللي انسرقت استلكتها فتره معينه .. وعلى حسبتهم طلعت تقريبا 500

وكل ما صار سرقه تزيد

عشان كذا نصيحتي لاهل الاستبنات اللي تنسرق

اوفر لهم يروحون لمحلات الكفرات بالغرابي او التشليح ويشترون لهم من هناك اخت الجديده .. راح تكون اوفر.

[Black VTC]

اخوي رقم 1 الله يجعلها آخر المصائب والله لا يوريك مكروه عموماً العقد شريعة المتعاقدين ارجع لبنود العقد بند بند و اطلع عليها ( ارجع للوكالة اللي شريت منهم السيارة ) راح تحصل شروط التأمين ونسب التحمل في كل شي ... اهم شي في التأمين لا يمكن ان تتحمل اخطائك على الغير فمثلاُ في حالة حصول حادث لا قدر الله راح تتحمل شركة التأمين كامل التكلفة ... و بالمناسبة عن الحديث عن شركات التأمين فترا تبي يبداء الجيل الثالث من التأمين وهو ربط شركات التأمين بشبكة مع بعض + ربطهم بالمرور للاطلاع على سجل الحوادث و سجل المخالفات المرورية فكلما ارتكب المستفيد لحوادث اكثر و مخالفات مرورية اكثر زاد مبلغ التأمين عليه ... وبما اننا نتحدث عن المخالفات المرورية فان جميع الحوادث الناتجة عن مخالفات مرورية صريحة لا يغطيها التأمين كقطع الاشارة او معاكسة خط السير ؟؟!!...

[No.1]

جزاكم الله خير
الكلام الاخير اللي صار هو التالي :

هذه شروط وبنود البنك الاهلي مع شركات التأمين التي يتعامل معها
وهو من يضع الشروط التي تناسبه بالاتفاق مع شركة التأمين.

الحادث الاول ياخذون عليك 700 ريال

الحادث الثاني ياخذون 1250 ريال

الحادث الثالث ياخذون 2000 ريال تزيد قليلا او تنقص قليلا ( نسيت )

الحادث الرابع ( ما يا خذون شي لانهم يتوقعون انك تروح فيها )

هذه المعلومات اخذتها من موظف في شركة التأمين ، وقال لي هذا الكلام
موضح في بوليصة التأمين ، قلت المصيبة هذي عندكم ؟
فقال : هذه تاخذها من البنك .

انا البنك ضحكوا علي بقصة تأمين شامل ، ولا عطوني بوليصة ولا
موليصة ، عطوني مقفاهم بعد ما اخذوا واحد من المفاتيح الاثنين
اللي تجي مع السيارة ، وعطوني تفويض قيادة يسري مفعوله لمدة شهر
( لاتنسون تجديد التفويض مباشرة ، لو صار عليك حادث لا سمح الله
والتفويض منتهي ، ما تتحمل شركة التأمين ولا فلس ) .

الخلاصة المرة :
اذا صار عليك شي بالسيارة وكانت تكلفته لا تتجاوز 700 ريال ، فصلح
سيارتك بنفسك والله يعينك ،
مازاد عن ذلك ، احسب حساباتك وشوف ميزانيتك وحدد المناسب لك .

شركات التأمين + البنوك = شراكة نصب كبيرة جدا

كفاني الله واياكم شر كل ذي شر
والسلام

[سعد777]

جزاكم الله خير
الكلام الاخير اللي صار هو التالي :

هذه شروط وبنود البنك الاهلي مع شركات التأمين التي يتعامل معها
وهو من يضع الشروط التي تناسبه بالاتفاق مع شركة التأمين.

الحادث الاول ياخذون عليك 700 ريال

الحادث الثاني ياخذون 1250 ريال

الحادث الثالث ياخذون 2000 ريال تزيد قليلا او تنقص قليلا ( نسيت )

الحادث الرابع ( ما يا خذون شي لانهم يتوقعون انك تروح فيها )

هذه المعلومات اخذتها من موظف في شركة التأمين ، وقال لي هذا الكلام
موضح في بوليصة التأمين ، قلت المصيبة هذي عندكم ؟
فقال : هذه تاخذها من البنك .

انا البنك ضحكوا علي بقصة تأمين شامل ، ولا عطوني بوليصة ولا
موليصة ، عطوني مقفاهم بعد ما اخذوا واحد من المفاتيح الاثنين
اللي تجي مع السيارة ، وعطوني تفويض قيادة يسري مفعوله لمدة شهر
( لاتنسون تجديد التفويض مباشرة ، لو صار عليك حادث لا سمح الله
والتفويض منتهي ، ما تتحمل شركة التأمين ولا فلس ) .

الخلاصة المرة :
اذا صار عليك شي بالسيارة وكانت تكلفته لا تتجاوز 700 ريال ، فصلح
سيارتك بنفسك والله يعينك ،
مازاد عن ذلك ، احسب حساباتك وشوف ميزانيتك وحدد المناسب لك .

شركات التأمين + البنوك = شراكة نصب كبيرة جدا

كفاني الله واياكم شر كل ذي شر
والسلام

تصدق مشوها علينا
التجديد لا بد منه وش دخل التجديد في التامين انا دافعها من حسابي الله لا يبارك فيهم بس يبون يسرقون الله لا يبارك فيهم

[السهران1]

الله لا يوريكم مكره ان شاء الله جميعا

[Black VTC]

تصدق مشوها علينا
التجديد لا بد منه وش دخل التجديد في التامين انا دافعها من حسابي الله لا يبارك فيهم بس يبون يسرقون الله لا يبارك فيهم

اخوي سعد ولا يهون باقي الاخوان هذي مشكلة عظيمة البنوك و شركات التأمين وشركات بيع السيارات يحسبونها دايم صح شعب لا يقرا ولا يطلع على البنود يعني بس يقولون تأمين شامل ونطير بالعجة و نفرح بهالمميزات وبالاخير نصب × نصر ؟؟!!..

الافضل ان الواحد يقرا الشروط و يطلع على جميع الوثائق و يدرس وضعة زين ... يعني سيارة تأجير منتهي بالتمليك + تأمين شامل مضروب ؟؟!!+ تفويض يجدد + اذا بغيت تسافر بالموتر خارج السعودية الزموك بتفويض بقيمة 100ريال مع تأمين على المركبة بقيمة وقدرها 500 ريال تأمين خارجي غير التأمين اللي تبي تدفعه اذا كنت في الحدود وبالاخير معهم مفتاح اسبير و يشيلون السيارة من عند البيت اذا تأخرت بالسداد ... طيب الله موسعة عليك بدال ما تدخل في برنامج تقسيط منتهي بالتمليك و بفوائد مرتفعة و وجع رأس وعدم استقرار و الوكيل يحس انك على قد حالك ويبتزك ... خذ لك مبايعة (تورق) او (مرابحة) من احدى البنوك اللي فيها رقابة شرعية و بع المواد المشتراة وخذ كاشك و تنقى الموتر اللي في بالك و رز عمرك عند وكيل السيارة وقله ابدفع لك كاش بلا تأمين بلا تأجير بلا بطيخ

[النجم الأول]

القوي يأكل الضعيف....لاحول ولاقوة إلابالله.

[Mohammed_S]

اييييييييييييييييه

الا يا امة ضحكت من جهلها الامم

الشكوى لله لو تشكي بيديك ورجليك

الله يعوضك بس

[googl11]

الشرع ( المحاكم الشرعية ) تنصفك ولو الحق مع شركة التأمين
السبب
هناك حساسيه شديده بينهما

[شروكي ربع]

اللي اعرفه ان التعاونية تاخذ 500 ريال تحمل ..


وما ادري هل تزيد مع تزايد الحوادث ؟؟


بس ما اتوقع ..


ولا اتوقع فيها تجديد ..


والتحمل هذه الزامية في كل حادث يصير خصم مبلغ من الاجمالي للتقدير ..


وغالبا يكون ثابت ..


انا شفت اكثر من حالة عند التعاونية والمبلغ لها كلها 500 ريال ..


بس ممكن كلهم اول مرة يسوون حوادث ..


***********


نقطة مهم جدا ً :


اذا سويت حادث بسيط - لا قدر الله -


وتتوقع تكلفته 500 وفيها لا تروح لهم ابد ..

لانك دافع هالمبلغ دافعه لهم ..


والشيء الأهم :


ان اذا رحت لهم وطلع التقدير اقل من 500 وقالوا ادفع ..


وانت قلت لا لا هونت ما ابيكم تصلحونها باصلحها انا ..


راح يقولون اما تدفع او يلغى التأمين مبااااااااااااشرة ..


يعني يطير التأمين عليك ..


فالواحد لازم يحسبها قبل لا يروح لهم ..