أسعار السوبر سفاري 2007 مستعمل

[مقطّع الريضان]

أعضاء المنتدى المحترمين السلام عليكم
انا ناوي انشاء الله تعالى بعد شهرين اني اطق vtc مستعمل 2007 فل كامل لاكن مولازم يكون جلد ونيفيقيشن
لكن اجهل الاسعار في الرياض .
عشان كذا افزعولي بالسعر يالنشاما
ويكون ماشي من العشرين وفيها لاكن النضيف النضيف
ودمتم

[أبو LAMeS]

تحياتي أخوي مقطع الريضان ( تقطعهن بالعافية )
أذكر تقريبا قبل شهرين يعني قبل رمضان قبل ما ينزل موديل 2008 حصلت واحد سوبر سفاري ماشي في حدود الستين محدود 116 ألف طبعا رخيص لكن لا تنسى أنه ماشي في حدود الستين تخيل موتر موديل 2007 ماشي مثل الممشى أكيد راعيه ما خلى شعيب ألا وقطعه تبي الصراحة جزمت عليه إلا شوي ولا ردني ألا ممشاه الغير طبيعي على موديله
وحصلت ثاني ماشي في حدود الأربعين كان مسيوم 127 ألف والبيع قريب لكن كان فيه ضربة في الباب الخلفي معدلة تعديل دون رش بوية وشفت أنه غالي على ممشاه والضربة وخليته
يعني أنت راح تحصل اللي تبي وخصوصا أن موديل 2008 ما تغير عن 2007 سعره قريب من هذه الأسعار
وشكرا

[خبراوي]

بالنسبه للمشى عادي انا موتري 2007 ماشي 60 الف بس الموتر له سنه تقريبا عندي ولا رحت فيه لا شعيب ولا غيره الممشى هب شرط النظافه شرط نظافة الموتر هي الي تحكم ع سعره ممكن فيه موتر ماشي 5 الاف ولكن فيه دعمه والا موتر ماشي 15 الف وتلقاه مكروج كرج الاستخدام هو الي يحكم ع نظافة الموتر والا ياكثر المواتر الي يردون العداد ويزعمون انه ماشي شوي وهو مكروج

المهم اخوي الموتر اذا جيت تشتريه شوف نظافة الموتر وبديه ثم عداده وسعر النيسان بتلاقي طلبك 110 تقريبا

[مقطّع الريضان]

مشكورين يالربع على سرعه التجاوب لكن ياشباب هل الاسعار هذي متأكدين للسوبر سفاري الفل الكامل
احس ان السعر واطي شوي وانا ماادري
انا راس مالي بعد ما تنخلني نخل 120000 فا هل تجيب لي 2007 فل كامل نضيف .
ودمتم

[تنوم]

انا اخدمك واجيبلك 2007 درجه 2 ب 136 جديد نادر بالسوق

[مقطّع الريضان]

كفو والله اخوي تنوم
جديد تقصد ما مشى واجد ولا على الزيرو
ثانيا اخوي وش اللي يفرق درجة 2 عن 3
ودمت اخي العزيز

[Under_net]

السلام عليكم ورحمة الله

أعطيك أسعار السيارات عندنا بالدوحة .. لأني دورت مثلك على موديلات 2005 2006 2007

2007 سوبر سفاري مخمل الجير أظنه اوتو العداد حول 30000 ، سعر العرض 13000 ريال

2006 سوبر سفاري جلد الجير عادي مع شاشة مركبة خارج الوكالة العداد 43 ألف السعر 110 آلاف

2007 سوبر سفاري أوتوماتيك العداد أظن حول الثلاثين .. السعر بين 130 و 135

2005 سوبر سفاري اتوماتيك مخمل حسب النظافة بين 95 إلى 100 ألف .. والممشى بحدود الستين

مع الشكر

[حد الرهايف]

2007 في المعارض (الرياض ) من 135000 الى 145000 طبعا اللؤلؤي الجلد الممشى تحت العشرين وعلى ذلك قس اما 2008 يفرق عن 2007 السوبر وجود النفيقيشن سعر السوبر المخمل 167000 اما الجلد 176000 اتمنى انى افدت

[دحيم العبود]

اخوي السوبر سفاري 2007 نظيف ماتلقاه اقل من 140000 خصوصا اللولوي نادر ماتلقاه معروض

[دحيم العبود]

تحياتي أخوي مقطع الريضان ( تقطعهن بالعافية )
أذكر تقريبا قبل شهرين يعني قبل رمضان قبل ما ينزل موديل 2008 حصلت واحد سوبر سفاري ماشي في حدود الستين محدود 116 ألف طبعا رخيص لكن لا تنسى أنه ماشي في حدود الستين تخيل موتر موديل 2007 ماشي مثل الممشى أكيد راعيه ما خلى شعيب ألا وقطعه تبي الصراحة جزمت عليه إلا شوي ولا ردني ألا ممشاه الغير طبيعي على موديله
وحصلت ثاني ماشي في حدود الأربعين كان مسيوم 127 ألف والبيع قريب لكن كان فيه ضربة في الباب الخلفي معدلة تعديل دون رش بوية وشفت أنه غالي على ممشاه والضربة وخليته
يعني أنت راح تحصل اللي تبي وخصوصا أن موديل 2008 ما تغير عن 2007 سعره قريب من هذه الأسعار
وشكرا

اخي هل من المعقول
سوبر 2007 ماشي 60000 محدود 116 الف
سوبر 2007 ماشي 40000 مسيوم 127 الف والبيع قريب ( مع وجود ضربه في الباب )

[دحيم العبود]

انا اخدمك واجيبلك 2007 درجه 2 ب 136 جديد نادر بالسوق

الرجال يبي سوبر سفاااااري والي تتكلم عنه سفاري 2

[مقطّع الريضان]

الشكر موصول لجميع الاخوة على المشاركة مع اني تحطمت شوي من الاسعار
يعني 120000 ما تجيب سوبر سفاري فل كامل ما هو جلد 2007 نضيف :(
وهل تتوقعون يا اخوان ان الاسعار راح تنزل في اجازة الحج خصوصا اذا نزل 2008 مستعمل بالسوق ولا ما تتوقعون يمدية.
ودمتم