رفع السياره

[يازين الربيع]

السلام عليكم
اخوااااااني
انا سيارتي شروكي ابي ارفعه مع ورا وش طريقة رفعته وكم تكلف تقريبا.
تكفوووووووووون ابي الرد عاجلا وشكرا

[نويتش]

السلام عليكم ورحمة الله وبركاته ...


اخوي في كذا طريقه للرفعه؟؟

في طريقه مرتبه ميه ميه وتعيش معاك طول العمر وزياده اطال الله في عمرك وعمرنا وجميع المسلمين

وفي طريقه ماتعمر معاك وايد ..

الطريقه السليمه انك ترفع بمعاونيات وسبرنقات ومعاون سكان وهاذي تطلبها من امريكا او غيرها لان اهناك القطع مكفوله وماكرتها معروفه ..

وفي طريقه انك تروح حق حداد تشيل الريشه اللي ورا مالت الوكاله الشد بلاده وتركب ريشه جمس او اي ريشه تكون طويله ورفيعه عشان ترفع السياره ومن جدام تركب ربله فوق او تحت السبرنق تضغط السبرنق وترفع السياره او تركب كعكه المنيوم في احجام تاخذ الحجم اللي يناسبك

وعلى فكره الرفعه الثانيه فيها اضرار وايد راح تسمع اصوات القرقعه والهيئه تنتهي بسرعه واي مطبه تطمر السياره بشكل غير العاده ؟؟ وبعدين القير راح يطلع صوت من سرعة 110 وانت صاعد ؟؟

ليش لانه القير ارتفع والبككس مارتفع ظل مكانه والقير اللي ارتفع مع السياره وبهالحاله يصير القاردن ممغوط لو تنزل تحت السياره تشوفه تحس انه راح يطيح .. الله يحفظك ويحفظنا وجميع المسلمين

ولازم تنزل القير جم سانتي على شان يروح الصوت والطريقه جسر القير تنزله وتفصل صاجه او بليته حديد لها قياسات معينه على حسب الارتفاع تخرمها على مكان البراقي ملوت الجسر وتصير مكانها بين الجسر والشاصي وتركب الجسر عليها وتشد البراغي وطبعا لازم تغير البراغي تطولهم لان البراغي الشد بلاده لمن تركبهم مكانهم ماراح يطولون الشاصي لانك حطيت الصاجه او البليته فبهالحاله الجسر راح ينزل والقير ينزل على الجسر والبرغي القديم ماراح يطول ولازم تطول البرغي على حسب الارتفاع مال الصاجه ولها قياس وحسابات مو شغل مش حالك والسلام؟؟

لكن انت اذا تبي ترفع شي بسيط يعني 3 صانتي ان شاء الله ماراح يصير عندك شي وماعطيك ضمان ولا كفاله انا اقول ان شاء الله مايصير شي ؟؟

هذا اذا كنت بس تبي ترفع السياره من ورا؟؟

في طريقه ثانيه تركب سبرنقات ملوت قراند شروكي ممتازين على حسب الكلام انا ماجربتهم؟؟

انا جربت معاونيات جبريل اللي لونهم ابيض على ما اعتقد نوعهم غاز مو زيت؟؟ مكتوب عليهم الماركه svt امريكيه؟؟ مادري كنديه نسيت والله

المهم نصيحه من اخوك قبل لا تدفع الفلوس وتمشى جرب السياره عدل شوف فيها اصوات في شي ولازم تشرط على الميكانيكي اذا صار شي بالسياره صوت او شي تغير يرجع السياره نفس ماكانت وماياخذ فلوس او تعطيه نص المبلغ كيفك .. اللي اوله شرط اخره نور ؟؟

فمان الله

[نويتش]

والسعر تقريبا عندنا بالكويت من 15 لي 20 دينار للرفعه كامله من جدام و ورا

وعلى فكره التعب والشغل كله ورا اذا تبي تبدل الريشه يعني حط ببالك من 10 ونازل

واذا تبي واحد يرفع مضبوط بصناعية الجهرا عندك الايراني عسكر معروف بالصناعيه

وشغله حلو واهوا حلو هاهاهااهها الصراحه خوش ريال نفسه حلوه وغشمرجي ويخاف الله
فمان الله