الشيب
02/02/2002, 10:10 PM
السلام عليكم ورحمة الله
هذي سالفه طلعة بر قبل 4 سنوات تقريباً وهي كالتالي في اليوم الاول من ايام عيد الفطر قررت مع الشباب نطلع للبر اخذنا الاغراض ونوينا نسوي الغدا ركبنا الجيب الصحن موديل 77 وحنا نمشي مع الطلعه ويطفي علينا الجيب طبعأخلص البنزين عندي عداد النزين خربان
لا وبعد ماسكين الخط اليسار والعالم طالعه بعد نا ماشيه طبلونها وذا ريوست بالجيب يبي يقفل علي الفرامل لا بعد والدركسون يطلع معي المهم نزلت الشباب وخليتهم يشرون للسيارات الجايه علشان توخر صيرين تقل مرور ،جابه الله واحد من الشباب ماقصر راح وجاب بنزين والحمدالله مشت على خير وقفنا عند المحطه وعبينا بالنزين واخذاً أغراضنا وتوكلنا على الله ودخلنا بالبر وصلنا الموقع رحنا ندور مكان نجلس فيه وراذاك واحد يشر و قفنا عنده وقلنا خير انشالله قال حنا غاطسين بالطين يوم جينا وراذاك الجمس وراة غاطس ذيك الغطسه القشرى قلت للشباب خلنا نحمع من ذا الحمض ( وما جر غصنه)
ونحط تحت الكفرات ( عزكم الله) ورفيه معنا محش واخذه واحد من الشباب وحنا قمنا نقطع بيدينا (نتل) وأنا أناظر ولد راعي الجمس يبي يجمع معنا ولا يعرف وشلون يقع الحمض ويقطعه مثل قطف الورد قلت له خلاص قضينا طبعاً قلتها له(( بدلع )) حطينا تحت الكفرات وحطينا القنص وجرينا بساعده جيب ثاني معنا والشباب يدفون من ورا وجو بعد شباب اجويد يدفون معنا كان خوي مشخص بثوب العيد ومن زين الحظ واقف ورا الكفر و بدينا نجرو خذ ذيك الرشه على ثوب خوي ( رشه سوبر ديلوكس) والعالم تضحك عليه طلعنا الجمس طبعاً يوم بغيننا نمشي ولا واحد من الاجاويد الي دفوا طبعاً يقول تعالو اطلعوني وعلى ها الحال خمس سيارات ما صدقنا خبر نقطي ونقل موقع نقعد فيه جينا نصلح الغدا مالقينا رز ولا بصل عد لا و جيبين معنا كيلك وشابوره على بالنا نبي نحلي بها العصر واخذناه ودقينا فيه وبغينا نصلح الشاهي ورا ما فيه سكر وخذا وسب وعقب السب الي جاني بغين نلعب ورقه (((( جلد))))) ترانا ما نعرف ذاك الوقت بلوت وانا الى الحين ما أعرفها وفيه واحد من الشباب عصفته يبي كيك والي عندنا مخلص المهم قلناله اصبر وبحسر وقال ابروح تمش قلنا بكيفك قلنا بس خلك على الطريق وعلى جالى الماء علشان اذا بغينا نمشي نلقاك قال خلاص راح الولد،واخذتنا السوالف وخذ مراجد مع بعض ومشينا ندور الرجال ونفر منا ومنا وتدور على الخط ونرجع اللديره ولا نلقى أحد واضلمت العين ( غابت الشمس) ونسأل هنا وهناك إلي نسأله يقعد يحقق والي يسال عقب ما نعلمه السالفه به فقع حولكم والي يسأل يقول السياره للبيع والي يلزم على العشاء فقدنا الأمل انا نلقى الرجال ودورن من اساعه خمس الى عشرورجعنا وعلمنا اهل الحبيب وصارات اتصالات وأشوى الحمد الله معنا خاله بالكشته اجتمعوا قربائه علشان يدورونه وأنا بعد رحت للبيت وجمعت الشباب والله وصله الفرقه الأولى حول15 سياره نصهم ما أعرفهم فزعه الله يسلمهم سيارتين واقفين يجبسون ( لقافه) وراح خال الرجال مع اخوه يبلغ الشرطه وخوي قاعد بالسيره مكتم واخوه نازل يقدم بلاغ يوم ناظر ولا أبوالشباب جاي يتصكع ولاعبره ولا ناضره وينزل خوي يمسكه ويدخله القسم ويلغي البلاغ المهم سألنا الحبيب قلنا وينك قال كسرت يمين عن العالم علشان (............) وبعده ضيعت ومسكت خط ثاني وطعلت على الخط واشرت لسياره ورجمني بالديره ورحت للمطعم وتعشيت عقبها ماعد خليته يطلع معي وهذي السالفه حاصله معي بحذافيرها حلوة [ حذافيرها ]
:D
هذي سالفه طلعة بر قبل 4 سنوات تقريباً وهي كالتالي في اليوم الاول من ايام عيد الفطر قررت مع الشباب نطلع للبر اخذنا الاغراض ونوينا نسوي الغدا ركبنا الجيب الصحن موديل 77 وحنا نمشي مع الطلعه ويطفي علينا الجيب طبعأخلص البنزين عندي عداد النزين خربان
لا وبعد ماسكين الخط اليسار والعالم طالعه بعد نا ماشيه طبلونها وذا ريوست بالجيب يبي يقفل علي الفرامل لا بعد والدركسون يطلع معي المهم نزلت الشباب وخليتهم يشرون للسيارات الجايه علشان توخر صيرين تقل مرور ،جابه الله واحد من الشباب ماقصر راح وجاب بنزين والحمدالله مشت على خير وقفنا عند المحطه وعبينا بالنزين واخذاً أغراضنا وتوكلنا على الله ودخلنا بالبر وصلنا الموقع رحنا ندور مكان نجلس فيه وراذاك واحد يشر و قفنا عنده وقلنا خير انشالله قال حنا غاطسين بالطين يوم جينا وراذاك الجمس وراة غاطس ذيك الغطسه القشرى قلت للشباب خلنا نحمع من ذا الحمض ( وما جر غصنه)
ونحط تحت الكفرات ( عزكم الله) ورفيه معنا محش واخذه واحد من الشباب وحنا قمنا نقطع بيدينا (نتل) وأنا أناظر ولد راعي الجمس يبي يجمع معنا ولا يعرف وشلون يقع الحمض ويقطعه مثل قطف الورد قلت له خلاص قضينا طبعاً قلتها له(( بدلع )) حطينا تحت الكفرات وحطينا القنص وجرينا بساعده جيب ثاني معنا والشباب يدفون من ورا وجو بعد شباب اجويد يدفون معنا كان خوي مشخص بثوب العيد ومن زين الحظ واقف ورا الكفر و بدينا نجرو خذ ذيك الرشه على ثوب خوي ( رشه سوبر ديلوكس) والعالم تضحك عليه طلعنا الجمس طبعاً يوم بغيننا نمشي ولا واحد من الاجاويد الي دفوا طبعاً يقول تعالو اطلعوني وعلى ها الحال خمس سيارات ما صدقنا خبر نقطي ونقل موقع نقعد فيه جينا نصلح الغدا مالقينا رز ولا بصل عد لا و جيبين معنا كيلك وشابوره على بالنا نبي نحلي بها العصر واخذناه ودقينا فيه وبغينا نصلح الشاهي ورا ما فيه سكر وخذا وسب وعقب السب الي جاني بغين نلعب ورقه (((( جلد))))) ترانا ما نعرف ذاك الوقت بلوت وانا الى الحين ما أعرفها وفيه واحد من الشباب عصفته يبي كيك والي عندنا مخلص المهم قلناله اصبر وبحسر وقال ابروح تمش قلنا بكيفك قلنا بس خلك على الطريق وعلى جالى الماء علشان اذا بغينا نمشي نلقاك قال خلاص راح الولد،واخذتنا السوالف وخذ مراجد مع بعض ومشينا ندور الرجال ونفر منا ومنا وتدور على الخط ونرجع اللديره ولا نلقى أحد واضلمت العين ( غابت الشمس) ونسأل هنا وهناك إلي نسأله يقعد يحقق والي يسال عقب ما نعلمه السالفه به فقع حولكم والي يسأل يقول السياره للبيع والي يلزم على العشاء فقدنا الأمل انا نلقى الرجال ودورن من اساعه خمس الى عشرورجعنا وعلمنا اهل الحبيب وصارات اتصالات وأشوى الحمد الله معنا خاله بالكشته اجتمعوا قربائه علشان يدورونه وأنا بعد رحت للبيت وجمعت الشباب والله وصله الفرقه الأولى حول15 سياره نصهم ما أعرفهم فزعه الله يسلمهم سيارتين واقفين يجبسون ( لقافه) وراح خال الرجال مع اخوه يبلغ الشرطه وخوي قاعد بالسيره مكتم واخوه نازل يقدم بلاغ يوم ناظر ولا أبوالشباب جاي يتصكع ولاعبره ولا ناضره وينزل خوي يمسكه ويدخله القسم ويلغي البلاغ المهم سألنا الحبيب قلنا وينك قال كسرت يمين عن العالم علشان (............) وبعده ضيعت ومسكت خط ثاني وطعلت على الخط واشرت لسياره ورجمني بالديره ورحت للمطعم وتعشيت عقبها ماعد خليته يطلع معي وهذي السالفه حاصله معي بحذافيرها حلوة [ حذافيرها ]
:D