هذا اللي مضيق صدري !!!!!!!!!!!

[ق ب م 632]

السلام عليكم




يالله حيهم




وشلونكم يااربع كلن بأسمه ؟؟





ابشركم اليوم وصلت لدريتي بعد جوله بدأت من الرياض وانتهت من الرياض مره اخرى المهم يااخوان ماحصلت الموتر اللي ينشد عليه الظهر والشريطيه مثل ماتعرفون الكل منهم يبي يربح اكبر مكسب يقدر عليه حتى لوه يبيع ذمته ماعنده مانع لدرجه اني لقيت هدد 2003 يقول راعيه يسام بـ90 الف فقلت يمكن نظيف والنظيف يأخذ حقه ومن هالكلام المهم طلبت منه اجرب السياره واول ماشغلته لقيتها تدخن دخان ازرق وايضا لقيت الزيت ناقص والبدي حدث ولاحرج وش تقول وش تخلى مابه مغز ابره الا وفيه سمكره ومعاجيين الوان واشكال هذا احمر وهذا اصفر وهذا ابيض وخلها على ربك المهم قلت له :وش اللي اشوفه هذا النظيف اللي تقول عنه ؟؟!! قال :يارجال الموتر يدخن علشانه مبطى بالكراج وماتحرك وطبيعي انه يبي يدخن :confused: >>يبي يستخف بي علشان اشتري موتره حسبي الله عليه المهم مسكت ثوبي وحطيت نعولي بيدي وحطيت رجلي لاابوك لاابو جيبك :D

ومالكم بطويله واطلع للدمام بعد ماشفت ان مافيه فايده قعدتي بالرياض واقول عساني القى فيها ((منوتي كحيلان)) وافتك من عوار الرأس ومن ذا الشريطيه وبعد ماوصلت رحت للمعارض ولقيت بها واحد بس ردني موديله قديم شوي 2001 يقول راعيه يسام بـ77 الف والبيع 80 الف والموتر مااقول انه نظيف بالحيل لكن حليل وغويلي شوي بالنسبه للمديله وطبعا تركته وقلت ياماجد لاتستعجل وعسى الله يجيب الموتر اللي مابه عذرايب وهذا انا هالحين اتنطط من ديره للديره مثل ابن بطوطه علشان هالجيب وللاسف مالقيت وللمعلوميه ترا لي كم شهر وانا على هالطريقه لكن مالله كتب لي شى ...وماخليت منتدى الا وحطيت به اعلان ورقم جوالي ومااشوف اي ردود تذكر .....



وهذه سالفتي من اولها لتاليها وانا ماشكيت لكم الا من ضيقه الصدر ولولا معزتكم ماقلت



ننتظر ردوكم ونقاشاتكم وفزعتكم بعد


محبكم/
العبدلـــــــــــــي

[الربذي]

وعليكم السلام

اخوي ماجد الله يعينك الحين الجيوب ارتفعت يارجل تصدق واحد باع موتره وهو شاريه قبل ثلاث سنوات جي اكس باعه بربح تخيل والبعض وصل سعر الوكاله وهو مستعمل بس طبعا غير موجود في الوكاله ابي اقولك الوكاله بس غاليه مره مره طيب انت مصر على التويوتا شف نيسان
وانا مثلك ياخوك اذا بعت بتراب الفلوس اذا ابي اشتري ذهب صافي كلش غالي غالي

[ق ب م 632]

وعليكم السلام

اخوي ماجد الله يعينك الحين الجيوب ارتفعت يارجل تصدق واحد باع موتره وهو شاريه قبل ثلاث سنوات جي اكس باعه بربح تخيل والبعض وصل سعر الوكاله وهو مستعنل بس طبعا غير موجود في الوكاله ابي اقولك الوكاله بس غاليه مره مره طيب انت مصر على التويوتا شف نيسان
وانا مثلك ياخوك اذا بعت بتراب الفلوس اذا ابي اشتري ذهب صافي كلش غالي غالي


الله يجزاك خير يالربذي وكلامك والله ان واقع والكل يعاني منه


وانا ماودي اعمم الموضوع على الغلا كافه لكن حبينا نخص ذا الموتر بذات لاني ابيه وخاطري فيه بس انهد حيلي من الدوره بالمعرض والسفريات


وطبعا النيسان موتر وهو خير بديل للاندكروزر بس حتى اخوي الباترول الفتك ابو اصطبات فل كامل يتعدا الـ110 الى 130 الف ويمكن اكثر بعد :confused:

والصراحه اني كنت متحير بينهم بالحيل بس استخرت وصملت على الجكس الـ2003 وفوق والمبلغ اللي معي 90 الف ويمكن اقدر ازود الى 95 الف ريال وماعاد اقدر ازود وراهم ريال واحد .....


والصراحه اللي شفت من الجيوب بمعارض خلتني اقول ان المبلغ اللي عندي مايمسك ولاكسره جيب 2001 ؟!!




عسى ربي يبارك لك وننتظر الاخوان

[salehhd]

السلام عليكم

كان الله في عونك والاند سار سعرة جنون والحين بجي الشكل الجديد وبطلعون فيه كل العزاريب وبيرفعون سعر القديم ومالك الا الصبر ولا تستعجل وان شاء الله تلقى مرادك

[سيف الظفير]

الله يكون بالعون ياخوي

ولكن أبيك تشوووف معرض آل جميع بالنسيم

عندهم جيوب طيبة ومزيونة حيـــــــل وجديدة

صحيح اسعارها غالية بس على الكيــف للبر ورسمية

ومنها واحدً لونه اسود قير عادي فتحة هزاز ونش خليجي وكفر علاقي بلوتوث ومواصفات تاخذ القلب

واللون كما قلت اسود وخطوط ذهبي وخليجي و 2007 بس انه غويلي

166000 ريال

والله يرزقك بالجيب النظيف وبأذن الله الجديد

[بارق الخير]

الله يكون بعونك ويبلغك مرادك وياليتني أعرف أحد أدلك عليه


تحياتي أخوك



بار ق الخير


.

[الربذي]

لاتستعجل اخوي اصبر شوي لو الواحد اذا نوي خلاص مايقدر يطيل اكثر يدخله الملل واحيانا يطبح على سياره ويتحسف والناس اغلبهم الا من رحم الله يمدح السيارة ويوصله الثريا وكلامه مجانب لصواب افحص الموتر بنفسك ياكثر قصص النصب والغش في هذا المجال والله يوفقك بالموتر اللي في بالك بارخص الاسعار ويعطيك من خيره ويقاك شره وايكفينا واياكم شر هالحديد

[برق السما]

وش اقول وش اخلي !!

واحد من الربع بايع له باث قبل شهرين وأنا اللي رايح معه >> شاهد عيان !

والموتر فيه سمكره ورش , وكل من جاه علمه مكان الرش والسمكره [وهي واضحه حتى الغشيم يعرفها]

المهم ان شراها واحدن من هالشريطيه -لاكثرهم الله-

تصدق ,, قبل اسبوع كنت بالمعارض واشوف سيارة خويي عارضها هالشريطي , يوم سألته كم سيمت؟؟
قال لي سعر يفرق 10,000 عن السعر اللي شاريها !!! , والبلا انه يقول انها على الشرط ويعطيك من هالحلوف ان ماجا البدي شي ونظيفه !!

وانا امسكه واوريه مكان الرش , وهو يحلف ويقول ابد يا رجال الموتر وكاله !!



مثل هالشخص وش تبي تسوي به بنظرك ؟؟

[بيت طين]

والله وانا اخوك الله يصبرك اذا تبي احد من شريطية الرياض عطيتك جواله يمتخلك موتر نظيف والمستخدم للاسف اغلبه ملعوب فيه الا ان شريت من رجال تعرفه من يوم فكه من الوكاله وهو تحت يده ولا استخر واشتره اقساط ابركلك من دوخة الراس تعرفه وتعرف نظافته وللاسف اذا بغيت تبيع موترك وانت تقول الحق ماتلقي من يشتريه كلا يتهرب منك بسبب الصدق والله يوفقك بالخير وتقبل تحياتي..

[البيـرق]

اجل وش رايكم باللي باع موتره جكس ار اسود 2003 قبل سنة تقريبا

وباعه وهو مصدوم بالوجه وبالبالبين يمين لا وقوية

وبعد اربع شهور يلقاه بمعرض ؟؟؟؟؟؟ ويقول ابد مافيه الا حك بالباب بس......

والمشكلة الي يقول هالكلام هو نفسه الي شاريه مني......

وبعدها بشهر لقيته مع واحد على النية واسأله للبيع قال ايه......ويقول مافيه الا الي ذكره لي الشريطي؟؟؟

ويقول شكلك من الناس الي مثلي يدور لون اسود...قلت ايه ايه....الله يكون بعونه بس.........

[شبح الصحراء]

هههههههه الشريطية سمعتهم بالحضيض يستاهلون على الكذب على الناس واستغلال جهلهم وحاجتهم والله ان الشريطي الحين يستحي يقول عن نفسه شريطي صارت الناس تكرههم وتكره مجالسهم .
اخوي يقولون مد رجليك على قد لحافك والفلوس اللي معاك تقتدر تشتري فيها موتر جديد وش حدك على القديم ولو كان فيه خير ما باعوهن اصحابهن عليك بالفورنتشر ستة سيلندر جديد أو هايولكس دبل جديدة أو باترول جديد ستاندرد أو برادو جديد ستة سيلندر ستاندرد تحصلها بحول سعرك أو ازود شوي .

[ابوقاسم]

توكل على الله وخذ لك جديد وعلى قد فلوسك واذا تقدر بالتقسيط تاخذ اللي على كيفك
وابعد عن المستعمل تراه شين وقوي عين يعني به عله ويطلب التصليح
وما تقدر تطنش
والله يعينك

[امفحطه ابناقه]

وعليكم السلااااااااااااااااام

يحليلكم انتو والمواتر اقول شكله المنتدى ما فيه ابنيات اضاهر انه انا ابروووووووووووووحي


الله يوفقك اب هدد ازين من الي انت شفت قول امين بس

[asd0505]

حياك الله اخوي ( لايضيق صدرك ابد الحمدلله والشكر له على كل حال ) انت بخير ونعمه ياعيوني مبلغك هذا يجيبلك شاص لاندكروز 2005 او 2006 نظيف او نقول جديد طامر عليه ونا خوك في هالشتوية ولاجيت تبيعه اما بعته براس ماله او خسارة الف الفين وتصور الامور واضحة عندك بعد فترة وتلقى السياره الي تبيها الهون كله بركه 0 الله يوفقك لما فيه الخير 0

[الجفن]

الله يجزاك خير فلوسك تجيب لك سيارة جديد وتروح تدور على مستعمل الجديد ما فيه مثله ابدل من واحد له باع طويل في السيارات خذ لك جديد وكده عشر سنوات قدام والبديل واجد وانا انصحك على قد فلوسك خذ لك فوتشنر ست سلندر او برادو او سفاري وترك عنك المواتر الكسر

[غضنفر]

يااااااااوك
الاند اسعاره هبال
مواتر مكسرة ومكروفة وتباع بالثمانين والتسعين
لا وكل اسبوع اسعاره تزيد
نصيحتي
اذا تعرف احد من اقاربك او الي حولك راعي عيله و معه لاند و وده يبيعه اشتره منه
لو تزوده الف او الفين عن السوق
بس تشتريه وانت مطمئن
وعلى العموم الــ Gx غالبا ما يكون مكسر لانه بالعادة مع مهبول بر وصيد
فكر ببدائل اخرى
برادو او فورتشنر 6 سلندر
او تاخذلك ربع نيسان جديد
واذا تبي نصيحتي
دورلك فتك
2002-2004 Sgl قير عادي
مكيفين وثلاجة وتانكيين ودرايش واقفال تماتيك ومكينة مهبولة
اسعار الــ 2002 بحدود 63 الف
والــ 2004 بحدود الثمانين الف

[winchester]

الله يرزقك أخوي بالجـيب اللي بخـاطرك

ويبعدك عن جشع الشريطيه

خـارج الموضوع : أخوي ق ب م أنـت تعرف فيضة حسناء السبق

دمـت بود

[المُغير]

يقول راعي المثل ( صبرك على نفسك ولا صبر الناس عليك )
أنا أنصحك من خلال تجربة . الدين ابتعد عنه بكل ما تستطيع وفلوسك هذي فيها خير وبركة وتقدر تمشي نفسك باللي يتيسر وتصبر لك سنة أو سنتين وتأخذ السيارة اللي في بالك بعدما تجاهد نفسك في عدم تضييع ما جمعته أو اللي في يدك تشتري به أرض علشان ما يضيع وتبدأ تجمع ولازم تعرف أن الواحد ماهوب لزوم يستعجل من يوم يشوف الناس راكبين هالجيوب الزينه يقوم ويندب حظه ويستعجل إلا لازم يصير عنده مثلهم أبد وأنا أخوك
(ما أعطي الإنسان عطاء خيراً من الصبر ) . أو كما قال عليه الصلاة والسلام شفني وانا أخوك كان معي العام جي إكس آر 2006 خليجي بريمي ولما حدتني الظروف وبلا تردد بعتها وسترت نفسي بدراهمي والآن ولله الحمد أجمع ولا نيب مستعجل وإن شاء الله لاحقين على خير المهم إن العجله ما فيها خير صدقني الآن معي هايلوكس 2008 غمارتين ومراتاح فيه جدا وأقدر أروح به لكل الأماكن اللي كنت أروح فيها بالجيب وإن نويت أبيعه في يوم من الأيام فلن يخسر كثيراً بإذن الله وأسأل الله أن ييسر لك ما يسرك وتقبل طول مشاركتي بصدر رحب فأنا ناصح لك .
أخوك المُغير

[ق ب م 632]

السلام عليكم

كان الله في عونك والاند سار سعرة جنون والحين بجي الشكل الجديد وبطلعون فيه كل العزاريب وبيرفعون سعر القديم ومالك الا الصبر ولا تستعجل وان شاء الله تلقى مرادك






انا اشهد ان اسعاره ماعاد تنطاق ابد وحرام الواحد يحط هالمبالغ الكبيره بموتر منتهى كل يوم يصلح به عند ورشه ويشغله ..........


لاهنت يا سيف
الله يكون بالعون ياخوي



ولكن أبيك تشوووف معرض آل جميع بالنسيم


عندهم جيوب طيبة ومزيونة حيـــــــل وجديدة


صحيح اسعارها غالية بس على الكيــف للبر ورسمية


ومنها واحدً لونه اسود قير عادي فتحة هزاز ونش خليجي وكفر علاقي بلوتوث ومواصفات تاخذ القلب


واللون كما قلت اسود وخطوط ذهبي وخليجي و 2007 بس انه غويلي


166000 ريال



والله يرزقك بالجيب النظيف وبأذن الله الجديد



هلا بك والله

المعرض اللي تقول عنه جيته اليوم ان كاني مانيب واهم ولقيت عندهم هدد موديل 2002 قطري ولونه اشهب يقول حد 85 الف ريال


معقوووووووووووله الـ2002 بسعر هذا؟؟



الله يكون بعونك ويبلغك مرادك وياليتني أعرف أحد أدلك عليه


تحياتي أخوك


الله يجزاك خير وتكفيني دعواتك يااخوي
بار ق الخير


.


لاتستعجل اخوي اصبر شوي لو الواحد اذا نوي خلاص مايقدر يطيل اكثر يدخله الملل واحيانا يطبح على سياره ويتحسف والناس اغلبهم الا من رحم الله يمدح السيارة ويوصله الثريا وكلامه مجانب لصواب افحص الموتر بنفسك ياكثر قصص النصب والغش في هذا المجال والله يوفقك بالموتر اللي في بالك بارخص الاسعار ويعطيك من خيره ويقاك شره وايكفينا واياكم شر هالحديد

صدقت والله لكن الاهل ضاغطين على بالحيل ويبون موتر للعائله وانا هالحين بين نارين وعسى ربك يهونها

وش اقول وش اخلي !!

واحد من الربع بايع له باث قبل شهرين وأنا اللي رايح معه >> شاهد عيان !

والموتر فيه سمكره ورش , وكل من جاه علمه مكان الرش والسمكره [وهي واضحه حتى الغشيم يعرفها]

المهم ان شراها واحدن من هالشريطيه -لاكثرهم الله-

تصدق ,, قبل اسبوع كنت بالمعارض واشوف سيارة خويي عارضها هالشريطي , يوم سألته كم سيمت؟؟
قال لي سعر يفرق 10,000 عن السعر اللي شاريها !!! , والبلا انه يقول انها على الشرط ويعطيك من هالحلوف ان ماجا البدي شي ونظيفه !!

وانا امسكه واوريه مكان الرش , وهو يحلف ويقول ابد يا رجال الموتر وكاله !!



مثل هالشخص وش تبي تسوي به بنظرك ؟؟

يااخي ماادرى احس ان الشريطي هذا نفس اللي لقته انا

والحل والله مالك الا تقعد جنب موتره واذا جاه احد يسأل عن الموتر قله انحااااااااش ترا الموتر اعرفه زين ومسمكر ومهوب نظيف >>>>خرب عليه :D

والله وانا اخوك الله يصبرك اذا تبي احد من شريطية الرياض عطيتك جواله يمتخلك موتر نظيف والمستخدم للاسف اغلبه ملعوب فيه الا ان شريت من رجال تعرفه من يوم فكه من الوكاله وهو تحت يده ولا استخر واشتره اقساط ابركلك من دوخة الراس تعرفه وتعرف نظافته وللاسف اذا بغيت تبيع موترك وانت تقول الحق ماتلقي من يشتريه كلا يتهرب منك بسبب الصدق والله يوفقك بالخير وتقبل تحياتي..

والله النظيف تلقى راعيه متمسك فيه بالحيل والصراحه واجدين اللي قلت لهم وعطيتهم مبالغ مرتفعه بس يقولون الجيب للعائله وصعب نبيعه ونبلش بعيد >>الله لايلومهم


اجل وش رايكم باللي باع موتره جكس ار اسود 2003 قبل سنة تقريبا

وباعه وهو مصدوم بالوجه وبالبالبين يمين لا وقوية

وبعد اربع شهور يلقاه بمعرض ؟؟؟؟؟؟ ويقول ابد مافيه الا حك بالباب بس......

والمشكلة الي يقول هالكلام هو نفسه الي شاريه مني......

وبعدها بشهر لقيته مع واحد على النية واسأله للبيع قال ايه......ويقول مافيه الا الي ذكره لي الشريطي؟؟؟

ويقول شكلك من الناس الي مثلي يدور لون اسود...قلت ايه ايه....الله يكون بعونه بس.........

والله ان الشريطيه عجيب امرهم

[ق ب م 632]

هههههههه الشريطية سمعتهم بالحضيض يستاهلون على الكذب على الناس واستغلال جهلهم وحاجتهم والله ان الشريطي الحين يستحي يقول عن نفسه شريطي صارت الناس تكرههم وتكره مجالسهم .
اخوي يقولون مد رجليك على قد لحافك والفلوس اللي معاك تقتدر تشتري فيها موتر جديد وش حدك على القديم ولو كان فيه خير ما باعوهن اصحابهن عليك بالفورنتشر ستة سيلندر جديد أو هايولكس دبل جديدة أو باترول جديد ستاندرد أو برادو جديد ستة سيلندر ستاندرد تحصلها بحول سعرك أو ازود شوي .

هههههههههههههههههههههههههههههههه


والله انك صادق الشريطي يستحى يقول عنه شريطي كأنها مسبه له

والسيارات اللي ذكرتها ماعليها كلام بس وش نسوي دام العايله كبيره شوي والجكس بين موتر للعائله وفي نفس الوقت شبابي وخفيف ونظرته حلوه ................


توكل على الله وخذ لك جديد وعلى قد فلوسك واذا تقدر بالتقسيط تاخذ اللي على كيفك
وابعد عن المستعمل تراه شين وقوي عين يعني به عله ويطلب التصليح
وما تقدر تطنش
والله يعينك

الصراحه سألت عن الـ2007 هدد وقالوا قصده بـ2600 ريال ودفعه اولى 40 الف ريال ودفعه اخيره والجيب يطلع بـ198 الف ريال وطبعا هذا اللي يخليني اصرف النظر عن الجديد وادور مابين ال2003 و الـ2004 وعسى ربي يكتب لي ولكل مسلم التوفيق .............


وعليكم السلااااااااااااااااام

يحليلكم انتو والمواتر اقول شكله المنتدى ما فيه ابنيات اضاهر انه انا ابروووووووووووووحي


الله يوفقك اب هدد ازين من الي انت شفت قول امين بس


ههههههههههههههههههههههههههههه


لا لا تخافين فيه بنيات والصراحه عندهم خبره بالمواتر اكثر منا


ومشكوره على الدعوه الطيبه


حياك الله اخوي ( لايضيق صدرك ابد الحمدلله والشكر له على كل حال ) انت بخير ونعمه ياعيوني مبلغك هذا يجيبلك شاص لاندكروز 2005 او 2006 نظيف او نقول جديد طامر عليه ونا خوك في هالشتوية ولاجيت تبيعه اما بعته براس ماله او خسارة الف الفين وتصور الامور واضحة عندك بعد فترة وتلقى السياره الي تبيها الهون كله بركه 0 الله يوفقك لما فيه الخير 0

.....من قال يحيا

اي والله الحمد الله على نعمه العافيه والامن والخير وكل نعمه انعم بها رب العباد علينا والصراحه الشاص ماعليه كلام او الربع بس انا ناوي ومثل ماذكرت موتر للعائله وفي نفس الوقت شبابي وحق كرف فقلت مافيه خير طير شلوا الهدد ماعنه مجناب ويوم رحت ادور بالمعارض لقيت اللي يشيب الرأس اللي يقول هذا بـ100 الف وهذا بـ110 والموديلات تستحى تقولها

[ق ب م 632]

هههههههه الشريطية سمعتهم بالحضيض يستاهلون على الكذب على الناس واستغلال جهلهم وحاجتهم والله ان الشريطي الحين يستحي يقول عن نفسه شريطي صارت الناس تكرههم وتكره مجالسهم .
اخوي يقولون مد رجليك على قد لحافك والفلوس اللي معاك تقتدر تشتري فيها موتر جديد وش حدك على القديم ولو كان فيه خير ما باعوهن اصحابهن عليك بالفورنتشر ستة سيلندر جديد أو هايولكس دبل جديدة أو باترول جديد ستاندرد أو برادو جديد ستة سيلندر ستاندرد تحصلها بحول سعرك أو ازود شوي .

هههههههههههههههههههههههههههههههه


والله انك صادق الشريطي يستحى يقول عنه شريطي كأنها مسبه له

والسيارات اللي ذكرتها ماعليها كلام بس وش نسوي دام العايله كبيره شوي والجكس بين موتر للعائله وفي نفس الوقت شبابي وخفيف ونظرته حلوه ................


توكل على الله وخذ لك جديد وعلى قد فلوسك واذا تقدر بالتقسيط تاخذ اللي على كيفك
وابعد عن المستعمل تراه شين وقوي عين يعني به عله ويطلب التصليح
وما تقدر تطنش
والله يعينك

الصراحه سألت عن الـ2007 هدد وقالوا قصده بـ2600 ريال ودفعه اولى 40 الف ريال ودفعه اخيره والجيب يطلع بـ198 الف ريال وطبعا هذا اللي يخليني اصرف النظر عن الجديد وادور مابين ال2003 و الـ2004 وعسى ربي يكتب لي ولكل مسلم التوفيق .............


وعليكم السلااااااااااااااااام

يحليلكم انتو والمواتر اقول شكله المنتدى ما فيه ابنيات اضاهر انه انا ابروووووووووووووحي


الله يوفقك اب هدد ازين من الي انت شفت قول امين بس


ههههههههههههههههههههههههههههه


لا لا تخافين فيه بنيات والصراحه عندهم خبره بالمواتر اكثر منا


ومشكوره على الدعوه الطيبه


حياك الله اخوي ( لايضيق صدرك ابد الحمدلله والشكر له على كل حال ) انت بخير ونعمه ياعيوني مبلغك هذا يجيبلك شاص لاندكروز 2005 او 2006 نظيف او نقول جديد طامر عليه ونا خوك في هالشتوية ولاجيت تبيعه اما بعته براس ماله او خسارة الف الفين وتصور الامور واضحة عندك بعد فترة وتلقى السياره الي تبيها الهون كله بركه 0 الله يوفقك لما فيه الخير 0

.....من قال يحيا

اي والله الحمد الله على نعمه العافيه والامن والخير وكل نعمه انعم بها رب العباد علينا والصراحه الشاص ماعليه كلام او الربع بس انا ناوي ومثل ماذكرت موتر للعائله وفي نفس الوقت شبابي وحق كرف فقلت مافيه خير طير شلوا الهدد ماعنه مجناب ويوم رحت ادور بالمعارض لقيت اللي يشيب الرأس اللي يقول هذا بـ100 الف وهذا بـ110 والموديلات تستحى تقولها

[امفحطه ابناقه]

سلااااااااااااااااااااااااام

والله فيه بشرتني الله يبشرك بشهاده وينهم ما ايبينون اضاهر انهم مستحيات

مندسات في حدى الخيام ههههههههههههههههه