عقدني الشاص

[info]

مسيتو بالخير جميع
ياجماعة عقدني الشاص حرارتة ناصل للنص بدون مكيف ؟ غيرت السيور والبكرات وتماتيك المروحة؟مافية فايدة؟ماادري وشي المشكلة

[قمة الثلبوت]

ياخي اذا هي ترتفع مع المشي اعتقد انه من خرطوش الما الموصل من االرديتر والمكينه
لانه احيان يضعف مع مرور الزمن واذا شدة المكينه في المشي ينطبق ويحجز الماء عن المرور
ياليت تبدل الخرطوش واعتقد يجن اثنين ياليت تبدلهن كلهن وجرب وترا مستحيل تنتبه له او تشوفه لانه ما
ينطبق الخرطوش الا بعد ماتشد المكينه في المشي وتصخن

[winchester]

شيك على راس المكينه أو وزنيـة الديلكوا

وشيك على طرمبة المـاء الطريقه (أفتـح الاديتر وأضغط بنزين وأذا كان الماء يقلب فوق تحت معناته الطرمبـه زينه أمـا أذا كان راكـد معناته خربـانه)

ورد لنـا خبر بعد التشييك علشـان نعرف المشكله بأذن الله أذا مالقيتهـا

دمـت بود

[قناص الوعول]

على كلام اخوي المكشاتي قمة ـــ شيك على خراطيش المويه حقت الاديتر اذا كانت قديمه

[سعد بن خالد]

اعتقد انه من طرمبة الماء

[abc-00-abc]

اولا: اتوقع والله اعلم اذا كان موديل السيارة قديم فأحتمال يكون الاديتر يحتاج تسييخ
ثانيا: مثل ماقالو الاخوان يكون خرطوش الماء قديم وفيه احتمال ثاني لخرطوش الماء
يكون منثني شوي .
ثالثا: شيك على البلف احتمال يكون خربان و الافضل انك تفكة في الصيف وراح تنسى
شي اسمه حرارة .

بس اول شي فكر في سالفت تسييخ الاديتر

[شاص&نص]

أنا عندي 2006 و من طلعته و حرارته تاصل النصف و لكن مع السرعات العاليه 150 و طالع أو المكيف و هو واقف و أنا أعتبرها طبيعيه ما دام إنها ما تعدت النص و شفتها على أكثر من موتر و إذا تبي الموتر ماتتعدى حرارته الربع في أي ظرف فغير الاديتر إلى أديتر أربع رصات

أخوك أبو عبدالكريم

[الفتكي]

بسم الله الرحمن الرحيم

السلام عليكم

انا واتوقع اخويinfo ان عندك بلف الحراره عالي اذا كان سيارتك من الموديلات الجديده خاصة التويوتا ممكن يكون عندك بلف الحراره درجة حرارته 92 درجة اذا تريدها تنزل غير البلف الى درجة حراره 82 درجة راح تصل عندك الحراره الى الربع اما اذا حطيت بلف 88 درجة تصل الي الثلث هذا اذا كان لم يسبق ان الموتر سخن وارتفعت حرارته ويكون بعلمك ان التويوتا اذا تعطل بلف الحراره قفل عكس النيسان اذا تعطل يفتح . والله يجيب لك الحل الطيب ان شأ الله ولك تحياتي.

the.5555@hotmail.com

[info]

اشكر الجميع على الردود ودمتم اخوانا سوف اقوم بعمل هذة الخطوات تباعا وسوف نرى ان شاء الله واردلكم خبر

[أبو LAMeS]

اشكر الجميع على الردود ودمتم اخوانا سوف اقوم بعمل هذة الخطوات تباعا وسوف نرى ان شاء الله واردلكم خبر

تحياتي أخوي info

ما أدري ماء الأديتر عندك ينقص ؟ إذا كان ينقص وسيارتك قديمة سيخ الأديتر وهذا الحل أوفر ماليا