تانكي للــباثـفـندر

[ابوعبدالله220]

السلام عليكم ..

اخواني المكشاتـيـين


نويت إني أركب تانكي للباث بإذن الله ولكني محتار
شفت خزان الوادي ..ممتاز لكن حجمه كبير بالحيل عى الباث بيغطي نصف مساحة الشنطه الخلفيه

وفيه عند برق الحيا تانكي ألمنيوم .. حجمه وذف وممتاز لكن عيبه انه 60 لتر فقط وسعره 600 ريال

وش رايكم يالربع في التانكي الالمنيوم
هل هو عملي ؟
هل يتغير طعم الماء او رائحته ؟
هل هو ضد الصدأ ؟

شوركم علي يا الاخوان ..

[أبوناصر]

من تجربتي 60 لتر كافي جدا لطلعة من 3 أيام لأربعة أشخاص


جربتها كثير والحمد لله أرجع وفيه باقي



أما أللمنيوم ما جربته والناس يمدحونه أهم شي تلحيمه يكون ما يصي لأن أكثر عيوبه نوعيه التلحيم



وأشوف البلاستيح أخف وزن على السيارة


عن برق الحيا 50 لتر دائري بحدود 60 ممتاز جدا

[كادر]

السلام عليكم
انصحك بتركيب تانكي ستيل يكون مفروش مهوب واقف حتى مايضيق
ثلاث جيوب مرت علي واركب عليها تانكي مفروش واحسيت بأي معاناة منه وتحس ان مافيه تانكي ماخذ حيز من السيارة
تحياتي

[ابوعبدالله220]

الله يعافيكم يالربع

ننتظر تجارب باقي الاخوان

ومن عنده معلومات عن التانكي الالمنيوم لا يبخل علينا

[نمر 33]

أنصحك من واقع تجربة بالألمنيوم ممتاز وخفيف وعليك بي 90لتر واقف أفضل
واقف .
عند محل البرية بالروابي الرياض بحدود 750

وإنشاء الله بنزل موضوع عن التانكي وتركيبه وتمديده بالقريب العاجل

وشكراً

[الكايف2]

عليك باالألمنيوم طيب مجربه ومعي 128لترواقف لاريحه ولاشي السياره باث فندربس فصل مسدوح احسن عشان ماياخذ عليك الشنطه ولاينقص عن 100لترتقبل تحياتي ابومحمد

[الجارمن]

ابو عبدالله
انا كان عندي باث وبعته وكان فيه تانكي استيل مركبه فيه
طبعاً فكيته قبل بيعة الموتر
التانكي سعة 100 لتر ومركبه وراء المرتبه الخلفية
وعليه ضمان مدة 5 سنين راح منها ثلاث سنين وباقي سنتين وخلال استخدامي له كان من احلي ما يكون
و انا الان عارضه للبيع اذا كان لك شف هذا ارقمي 0554880577
ولمزيد من المعلومات اليك الرابط التالي
http://www.mekshat.com/vb/showthread.php?t=27998 (http://www.mekshat.com/vb/showthread.php?t=27998)

[الساهر2003]

اخوي انا مجرب هذا التانكي اللي تقصده وعندي صوره وهو مركب في الباث وهو ممتاز ويكفي اربعة يطبخون غداهم وعشاهم ويتوضون منه ليوم واحد بالراحه ويغسلون قدورهم ولكن لا يوجد فيه قواطع لمنع الماء من التحرك يمين ويسار وهو ممتاز جدا ولا ريحة والشاهي ممتاز منه والمعيار الشاهي صافي ولا طعم غريب فيه ولكني غيرته باللي اكبر منه ونفس الارتفاع والفرق شيي بسيط ونفس السعر عند السنيدي ب590 ريال بالقصيم وممتاز جدا وزود القواطع والماء راهيي
واي استفسار في الباث او في شي اخر احنا حاظرين
مع الف شكر للجميع

[moonset]

عليك بتانكي الستيل

[ابوعبدالله220]

اخوي نمر33
ياليت الله لا يهينك وصف محل البريه
وانا بانتظار موضوعك .. الله يعافيك ماقصرت

الكايف2
شاكر لك مرورك يالغالي ..
اذا ماعليك كلافه وين فصلت التانكي فيه وكم كلفك

الجارمن
شاكر لك مرورك الجميل
عيب تانكيك بالنسبه لي تخريق الرفارف .. وانا ماودي بالتخريق
ألف شكر على ما افدتني به .. والله يرزقك البيعه اللي ترضيك ان شاء الله

الساهر2003 و moonset
ألف شكر على مروركم وما افدتموني به ..

[الكايف2]

اخوي ابوعبدالله فصلت التانكي في القصيم وكلف الظاهر650مع التلبيسه واي خدمه اناحاظر