مشكلة في القير الباثفندر 2005 !!! أرجوا الافادة بالمعلومة

[هواي البر]

السلام عليكم ورحمه الله وبركاته

يالله حيي شباب وشيبان مكشات :D



المشكله عندي في قير الباثفندر موديل 2005 طبعا القير عادي والسيارة ماشية 55000 كيلو

المشكله هي في النمره 1 و 2 يعني اذا مشيت بنمره 1 وبغيت اغيرها الي نمره 2 مايلقم يعني يدقر

لو تضغط عليه بقوه اتوقع تكسر عصى القير من قوتة :confused:

واكثر مايطلع في النفود اذا صرت امشي يعني السيارة في نمره 1 اذا بغيت احطها في نمره 2 مايلقم

لازم اوقف السياره وادبل الكلتش مرتين او ثلاث علشان يلقم

وهذي مشكله اذا صرت في طلعه وبغيت تغير المره تخليها في 2 لازم توقف السياره يعني بالعربي يطيح العزم

وتبلش !!!! :no2:

وسالت راعي ورشة وقالى غير الدسك والدزق والفحمات الكلتش وتضبط معك !!!

المهم انهم نزلوا القير وغيروها !!!

ولا ضبطت معي ... :(

وحتى اذا بغيت ارجع ريوس وضغطت على الكلتش علشان تدحدر السياره تسمع صوت طقطقه من عند القير او من الدفرنس يعني فيه فضاوه غير طبيعيه تحس الموتر متفكك ،،،

المهم ان هبلبي القير :mad:

الي حصلت له المشكله او يعرف طريقة حلها لايبخل علينا بالجواب

والي عرف ورشة اختصاصها تصليح قيور العادي يدلنا عليها :good:

الله يجزاء كل من رد على موضوعي بالخير

والله يعطيكم العافية


وشكرا

[ابو فيصل 99]

السلام عليكم
اخوي تاكد من كرسي القير والمكينه
او يكون العصا فيها رمل
صارت مع واحد عصا القير ونظفها وضبطت

[المنتفش]

سلام عليكم اخوي هاوي البر
فيه واحد صارمعه مثل اللي بموترك ووداه للوكاله ومثلك عارف وكالة نيسان ماتبي كلام يمكن قعد 3 او4 مرات يدخله ويطلعه كل ما جا قالو صلحناه وهم مانزلو للحفره اصلا ولا فكوا القير.... المهم مع الهواش ومنا ومنا
قالوا خلاص تعال بعد كم يوم وتلقاه مصلح ان شا الله وفعلا فكوا القير ولقوا على ما اعتقد فيه مشكله في تروس القير وبعد ماطلعه وجربه طلع تمام ..... اتمنى ان تجد حلا سريع لمشكلك.

[هواي البر]

هلا اخوي الشرق

ما اظن فيه رمل لاني نزلت القير باكامل لتغيير القطع !!!

والله يعطيك العافية اخوي المنتفش على مرورك

[رقبة حاشي]

فيه حاجه اسمها فالف بدي Valve Budy ويسميها المهندسين المخ
عباره عن خريطه كلها مسارات يمر من خلالها زيت القير .
اذا كانت هذي خربانه شوي تسوي زي ما انت قلت
فالله يستر مايكون منها لان ما اعتقد احد يقدر يصلحها وحلها قير من التشليح ....
تحياااااااااااااااااتي ....
رقبة حاشي

[shaheenshah]

المشكلة هذي عندي في باترول 95 وفي مكسيما 99 و 240 إل 82 ولو تلاحظ ان كلها نيسان يعني العملية طبيعية بس في الغالب انها تصير اذا صارت السيارة باردة المشكلة اذا جيت تعشق من الاول الى الثاني
(سمعت ان حل هالمشكلة انك تغير زيت القير) وانا ما جربتها

[الكاسر الاول]

الأخ هواي البر
السلام عليكم ورحمة الله وبركاته
في مهندس في صناعية النسيم بالرياض يمدحون شغله وهو متخصص في القير فقط لعلك
تجد عنده حل بعد الله سبحانه وتعالى
اسمه داود جواله 0503102749

[ابوشذى]

اهلين ياخوي هواي البر
الله يعينك برضه واحد يكلمني معه 2005 عنده نفس المشكله يحول بغى يروح فيه بس الله ستر عليه يقول راقي طعس على قولتهم يسيف المهم يقول جيت ابغير لثاني مالقم يقول بغية اقلب بس الله ستر عليه وداه للوكاله يقولن مافيه شي ولا طلعت من عندهم رجعت نفس المشكلة يمكن وداه لمهم 4مرات إلى انه جلس الموتر عندهم 5أيام وكل يوم يطلعون عليه وسليم ما فيه شي وبلشبوه مل والنتيجة المعارض باعه أيس منه .

[فلر]

اخوي ابدا حبه حبه اول شي غير الزيت حق الجير وشيك على علب الكتش العلويه والسفليه من ناحية نضافة الزيت وضغط الزيت وتراه يبين عند تنسيم العلبه اذا دبلت لاخراج الهواء او تدري غير الزيت حق الكلتش اضمن وقيمتها خسمه ريالات .
واذا ما ضبط اجل الله يعينك على فرطه وسامحنا على الاطاله والبساطه في الكلام.
:j

[ff-19]

القطعة التالفة اسمها نحاسيات الاول والثاني ويجب فك اقير لكن روح لاكثر من فني اوشوف يتفقون ام لا واذا عزمت على فكه خلك عندهم لاتروح حتى ايبدل القطعه ويطبق القير والشغل مشروط في حالة لم تضبط متعطيه شيء اما النحاسة اذا فكها اتشوف حوافها متأكله

[هواي البر]

الله يجزاكم خير على ردودكم وجهدكم

والله ماتقصرون

اخوي ابو التمائم
زيت الكلتش مافيه تنسيم والزيت مضبوط لان شيك عليه عن ورشة وقالي الزيت مضبوووط

طيب يا اخواني
ماحد يعرف ورشة شغلها في القيور مضبوطه ونظيف

اخوي الكاسر الاول
الرقم الي عطيتنياها مايرد على جواله مقفل

والله يعطيكم العافية

[Abo Nader]

مدام السيارة على الضمان...

و الله لا أطلع الشيب بروسهم لما يصلحونه...

و نصيحة لا تخلي الموتر يمشي لين تدخلة الوكالة..يعني لا يتعدى مشي سيارك 58000...

[hdd4004]

الله يعينك على الوكاله وكاله نيسان لا تجيهم الا بالعين الحاره
بيجيني ضغط وسكر منهم اذا جيت تتكلم معهم تقول معطينك السياره مجانا ويقعدون يمنون عليك رحلهم ترى الضمان اذا الضمان ما خلص

[الساهر2003]

اخوي اذا انت مغير فحمة الكلاتش ولا ظبط فاكيد من النحاسات وسبب خرابها نقص في الزيت او الزيت خفيف
وتاكد من وزنية الكلتش وعلبة الكلتش ولا يهمونك الورش اذا قالولك انها زينه يمكن فيها تنسيم او هواء او السرندل مايظغط على الاخر الخاص بالكلتش وشيك قبل لا تفك القير

[الكاسر الاول]

هواي البر
السلام عليكم ورحمة الله وبركاته

موقع الورشة في صناعية النسيم تخلي شيب الماء على يدك اليسار والورش على يدك اليمين
واول لفة على يدك اليمين تروح معها خامس او سادس ورشة على اليمين على ماظن وأسال عن داود الارتيري وان شاء الله تحصلة اما رقم الجوال حاول الأتصال علية عددة مرات لاني ماخذه من صديقي .
عسى ان تجد الحل عنده وبلغنا بما يحصل لك والله يوفقك

[moonset]

والله أنت وأنا أخوك طحت في موتر عله شوري عليك بعه ودور تماتيك والله لترتاح وتدعيلي لأني مجرب التماتيك والعادي

[shaheenshah]

قيرك ما فيه الا العافية وشوري عليك لا تفكه (تفرطه)

[هواي البر]

الله يعطيكم العافية ومشكوريين على مروركم

اخوي shaheenshah

اتمنى ان مافي الا العافية بس بيني وبينك
يوم من الايام بينكسر عصى القير معي مايلقم بسرعه !!!

ومعلومه ياشباب ليش المشكله هاذي ماتجي الا في النفود
يعني في الشوارع العادي الموتر كانه سليم مافيه شئ ؟؟؟

لا احد يقول يمكن ما اضغط على دواسه الكلتش
ترانى اضغطها كلها اذا بغيت اتمشي في النفوود


والله يعطيكم العافية والله ماقصرتوا معي

واعذروني على كثرة الاسئلة

[ابو؟؟؟]

انت موترك علي الضمان الي الحين وده للوكاله وخلهم يصلحونة

[هواي البر]

هلا اخوي ابو (( ابو؟؟؟ ))

موتري دخلته للوكالة وقالو لي موترك سليم مافيه شئ !!

عاد تعرفون انتم وكالتنا ماعندك احد !!!

[ابو؟؟؟]

انشب لهم او اشتك عليهم نيسان مدل ايست فرعهم في دبي

كلمهم بس واتشوف الوكالة تدق عليك تقول لك تعال نبي نصلح موترك