ماهي افضل سيارة

[شاايم]

اريد ان اعرف منكم ماهي افضل سيارة دفع رباعي ..

ياليت كل واحد يحط لنا سيارته المفضلة من خلال تجربة وليس عشق للسيارة

[البعد البؤري]

لاندروفر-ديسكفري

[الهدد...؟]

الجيب الهدد

[برادو vx]

والله من خلال تجربة بعض المواتر وهي أغلب التويوتا والباث . .

أنا موتري برادو قير عادي ست تعشيقات (إذا حطيت في الكفرات 10 - لو أوقف برقية وأعشق عقب مشى ولا عنده أي مانع) . .

هذا الواقع لكن البرادو القير العادي مشكلته محد جربه . .

[الفتكي]

بسم الله الرحمن الرحيم

السلام عليكم أخي شاايم

إذا أنت تريد أفضل سياره للبر الباترول من موديل 2002م فما فوق وركب له بالون ماكسس عز الله من جربه بيرتاح بشرط يكون قير عادي احسن اذا بتطرد علي والله بيطربك وكذلك في النفود وما تخاف عليه انا معي واحد بس قير اسبورت واذا مانت راعي بر عليك با لـ vxr لأن منظره حلو لأهله.

[ملاعب الريح]

شاص من 2000 وفوق

[محسن اليامي]

فتك من مديل 2002 وفوق

مركب وقوة وهيبه تبيه بر تبيه بلاد

[NuMaS]

عـزيزي كل سـيارة لـها مـيزات و عـيوب شـف إنت وش تبي بالضبط راعي بران أو راعي طعوس أو راعي مدينة ... وهل إنت رجل تقـني السـيارة أو رجال يمكن تبيع بعـد فـتره بسـيطة وتبي سـيارة تمسـك سـعرها..
أول حـدد الهـدف من السـيارة وبعـدها تقـدر تقـرر ... هـذا رأيي المتواضـع

والله يرعـــــــــــــــــــــــــــاكم ،،،

[عاشق السيل]

للقوة والهيبة والتحمل وقلة الخرابات ،،

مالك إلا سيارتين ومالها ثالث :

الباترول بكل فئاته ،،،،، والكروزر بكل فئاته !!!

وكلامي عن تجارب عديدة والله يوفق الجميع ....




.

[شاايم]

والله ياجماعة الخير .. انا راعي بران ومقانيص وسفريات ..

وسيارتي قديمة شويه وابي اغيرها ..

وبصراحة كنت ابي تويوتا لكن من خلال رحلاتي الكثيرة اشوف الكروزر مع زملائي كثير وألاحظ ادائه في البر وخصوصا النفود مايعجبني ادائه كثيرا صحيح انه متماسك ولا يطقطق لكن كأداء وسيطره لك عليه ..
علشان كذا خفت اطب وقلت خلني اسئل النشاما ..
على فكرة انا مايهمني كم تجيب السيارة بعد ماستعملها اهم شي اني اجيب سيارة اشد فيها الظهر ..

اما مسئلة انها كم تجيب لي بعدين هذي مافكر فيها مطلقاً

ولكم تحياتي