المساعد الشخصي الرقمي

مشاهدة النسخة كاملة : شفاقه بن خلف الرمالي الشمري ديرته ....


لاباس
10/11/2007, 04:01 PM
ديرته الغظاة شمال جبه من يعرف قصته وماذا فعل الخميس والجمعه الماضية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟ظظ
أبوأحمد98
10/11/2007, 04:41 PM
وش السالفه ..؟
أبو علي 444
10/11/2007, 04:49 PM
وت ........؟
لاباس
10/11/2007, 04:50 PM
وش السالفه ..؟





هلابك يالغالي حصل علوم رجال تسر الخاطر وتعجبت من الشباب ماحد جاب طاريه مع ان شغل الرجال شغل قبيله كامله الله يبيض وجهه
لاباس
10/11/2007, 04:58 PM
وت ........؟



بيكوز يس آند ثنكيو :D :D هلابك اخوي الليلة ان شاء الله أعطيكم علوم الرجال بس قبل هذا أبشوف الشباب الي سير على الغظاة وشاف بنفسه يعطينل العلوم لأني مارحت بنفسي إنما أنفل لكم عن طريق رحيمنا وهوله علاقه ب ( شفاقه ) من كم سنه
لاباس
10/11/2007, 09:17 PM
السلام عليكم هلاوغلا بالجميع والله أنا أعجبتني علوم الرجال شفاقه وقلت لازم أكتب عنها للي ماوصلتهم أخباره الي توسع الصدر.......

حدثني رحيمنا ( رجال تكانه ) يقول مشينا لخوينا شفاقه يوم الإربعاء على موعد وهوإقامة عزيمة كبيرة جدا على شرف بعض أمراء القبائل من شمر ومطير وحرب وغيرهم والله ماني ظابط عدد قبايل الموجودين الوكاد ان الجمع كبييييير يقول رحيمنا من يوم وصلنا لين مشينا والدلال ماتوقف حوالي 20 دله و20 إبريق شاهي هذي تروح وهذي تجي والشباب عيال شفاقه وعيال اخوانه ما يجلسون أبد ويوم جاء العشاء ذبح خمسه من الحشو وسته من الخرفان والناس تقلط بالادوار من كثرتهم والرجال شفاقه فال الحجاج ويرحب بضيوفه يمين وشمال وبعد العشاء وقبله قصايد شعر وسمر وسواليف توسع الصدر تمنيت اني كنت موجود


الحفل مصور بكاميرا فديو لعلني أقدر احمل بعض المقاطع لكم .......

هذي سوات الرجاجيل بيض الله وجهك ياشفاقه وماهي غريبه عليه والاجال حسب ماوصلني مديون بسبب كرمه الندي الله يكثر أمثاله


حبيت أوصل لكم هذه الصورة وأرجوا من الي كان موجود يعطينا العلوم الباقيه والله يجزاكم خير
محمد الشاوي
10/11/2007, 09:33 PM
الغضاة هي عبارة عن مكان يقع شمال شرق جبة ويبعد عنها 45 كم تقريبا وسميت بذلك لأن الغضا يبدأ منها ويستمر شمالا أما ماقبل ذلك فهو الأرطى وقد ذهبت للغضاة قرابة الخمس مرات أو أكثر

هذا الرجل الرمالي الشمري قام بوضع بئر ماء ( مارد ) ووضع خيمة كبيرة جدا للضيافة
ناصرالربيعان
10/11/2007, 10:35 PM
اخواني هذيك اراض كرم الرجال

واراضي غضاء ويازين هذيك النفد والغضاء مع الامطار بالشتاء زرتها كثير ياحلاها
لاباس
10/11/2007, 11:47 PM
الغضاة هي عبارة عن مكان يقع شمال شرق جبة ويبعد عنها 45 كم تقريبا وسميت بذلك لأن الغضا يبدأ منها ويستمر شمالا أما ماقبل ذلك فهو الأرطى وقد ذهبت للغضاة قرابة الخمس مرات أو أكثر

هذا الرجل الرمالي الشمري قام بوضع بئر ماء ( مارد ) ووضع خيمة كبيرة جدا للضيافة



هلابك مشرفنا الغالي مشكوووور على المعلومات الطيبة والله يجزى المحسنين خير
لاباس
10/11/2007, 11:56 PM
اخواني هذيك اراض كرم الرجال

واراضي غضاء ويازين هذيك النفد والغضاء مع الامطار بالشتاء زرتها كثير ياحلاها



صادق والله يازينها من ديار ويازين كرم أهلها كرم صافي وعلى الفطره


شكرا لمرورك
بري و بحري
11/11/2007, 12:12 AM
مااقول الا الله يبيض وجهه ويرزقه من واسع رزقه يستاهل ابوركان الثناء والمدح ماشاء الله وجه بشوش ويهلي ويرحب بضيوفه اللذين اجابوا دعوته من كل مكان والحضور يفوق 500 والمناسبه تم تصويرها من احد القنوات الفضائية .
بري و بحري
11/11/2007, 12:22 AM
مااقول الا الله يبيض وجهه ويرزقه من واسع رزقه يستاهل ابوركان الثناء والمدح ماشاء الله وجه بشوش ويهلي ويرحب بضيوفه اللذين اجابوا دعوته من كل مكان والحضور يفوق 500 والمناسبه تم تصويرها من احد القنوات الفضائية .
الوافي88
11/11/2007, 04:42 PM
الله يبيض وجهه
رجل غانم وعلومه طيبه
4800VTC
12/11/2007, 09:53 AM
ليش ما نشوف السوالف هذي ب(الشرقيه)