وش الحل مع كفرات الباث فايندر وهذه قصتي مع الكفرات

[راعي النيسان]

http://www.zyzoom.net/my_smile/51.gif


اليوم ذهبت لهانكوك ابي اشتري كفرات وقال لي الوكيل ما عندنا كفرات لمقاس الباث فايندر
وقلت خلني اروح لمشلان .. وقال لي قيمة الكفر 620 ريال ..
اما كفرات البرجستون لو يقولون لي ببلاش ما ابيها

فماهو البديل لكفرات الباث فايندر ..؟؟؟
اي نوع آخر مجرب ويكون لين مو مثل البرجستون .. ويكون سعره معقول






انا في انتظاركم



تحياتي

[ابوعزوز]

انا لي فتره ماركب الا ماكسيس كفر ممتاز وسعره رخيص جربته على الجيوب وعلى الجمس وعلى السيارات الصغيره بس مدري يركب على الباث فيندر

[M.A.N]

انا مركب يوكوهاما 17\65\265
وبصراحه الكفرات لينه وخفيفه ونقشتها حلوه

[راعي النيسان]

مشكوووووور اخوي ابو عزوز
مشكوووووور اخو man لكن مقاس كفرات الباث فايندر 17/65/245
واشوف ان حجم اللي انت مركبها كبير شوي .. هل يوجد تأثير على السيارة



تحياتي

[فلر]

فيه فايرستون تراها لينه والكفر الواحد 445 ريال

[أبوناصر]

إن كان مشكلتك في الرمل فترا حلها سهل


نسم الى 10 أو 12 وبإذن الله حتى الدبل ما راح تشغله


أنا ما لقيت عن البرجستون بديل مناسب


وجربتها في الجلد والشعبان ولقيتها لا يعلى علها

[.أبوعبدالرحمن]

الله يسلمك انا مركب يوكوهاما 265/65/17

والصراحة حلو في الرمل والخط ونقشته زينة


وسعره 400 ريال

وياباني وعليه ضمان وهو راكب على الموتر اللي بالتوقيع

[عاير القارات]

السلام علييييكم
ولا يفوتك الدنلوب 265\65\17
تمام
والاربعه 1860
تحياتي

[أبن شقراء]

والله يالغالي بعد فتره بتجيني كفرات هونكوك 245/65

واظاهر سعر الواحد 400 وفيها

اذا تبي يالغالي ارسلي رقمك على الخاص واحول ادبرلك معي لاني اللحين طالب 8 كفرات من محل وابشوفلك ان لقيت لك ارع زود زين على زين بس لا تصير عجل يعني في حدود هالسبوع احاول اجيبها

[نمر 33]

الطيار يبيع المشلان على 570 للكفر
وتراها ممتازه مريحة بالخط ولينه
وإن كنت منتب مستعجل أصبر على هانكوك
شفت قبل فتره كفرات أسمها (قدير) ويمدحونها

[salehhd]

السلام عليكم

اسعار الوكيل دايم مرتفعة وهذا شي معروف

انا ركبت كفرات ميشلان للباث قبل كم شهر ب540 ريال صناعة كندية

شوف برة الوكالة واهم شي يكون التاريخ جديد

والميشلان تبيض الوجة في البر وافضل من البرجستون والين شوي

[الساهر2003]

الفايرستون الين من البرجستون بشوي واعرض وتجمع بين الجبلي والرملي ومواصفات عاليه ولكن السعر ارتفع الى 450 ريال وانقطع من السوق والبرجستون افضل كفر للباث يتحمل كل شيي ويمشي اكثر من غيره واذا على ممشاه في النفود فجربت بنصيحت واحد من الشباب في المنتدى وخليت في الكفر 10 فقط ودخلت النفود من دون تنسيم ومحمل ويمشيي زي الحلاوة وهو مرتاح جدا ومشيت عليه في ارض قاسيه مسافة 4 كيلو بسرعة 30 ولله الحمد ماشف الا كل خير ممتازه جدا البرجستون

[مرير الشوق]

السلام عليكم ورحمة الله وبركاته
بالنسبه لي
قبل اسبوع رحت للغرابي بالرياض ورحت لوكالة هانكوك وماحصلت كفرات هانكوك 245/65/17
حصلت 265/65/17
يعني اعرض شوي بس مدري هل تؤثر على السيارة او انها تكون ثقيله حبيت اسألكم
وأسال ابو عبدالرحمن الصفيان بحكم تجربته
للمعلوميه / سعرها 390 ريال
وأنا اشوف انا احلى رسم للكفر هو على هانكوك
والثاني فايرستون
تحياتي
مرير الشوق

[hdd4004]

ياشباب وش رايكم في الدنلوب هل تمام على الباث ولا لا

[عاير القارات]

السلالالالالام علييييكم
والله انا قبل شهر ركبت دنلوب وممتازه زي ما ذكرت 65\265\17
ومنظرها مره وحلو والين من حقات الوكاله
علما باني طلعت الموتر من الوكاله 2005 شهر 10 يعني رفت حقات الوكاله ولا قالاً شي ابد بس
الكشكله انهم يابسات يعني بالنفوووذ تحرق المكينه ويالله يبيض وجهك
اما الحين لا تمام لينات وعال العال
تحياتي
ويا جماعه انا رافع الموتر من ورى استرالي ومن قدام كعكات 2ونص ملم
وطالع شكل الموتر طيب احسن من اول
هذه لإفاده
والسلام

[راعي النيسان]

مشكوووووورين اخواني على الردود والنصائح
واعتقد اني بتوكل على الله ورايح اجرب كفرات الهانكوك 65\265\17

او اني بأنتظر شوي لين اقرر ماهو الكفر اللي سوف اركبه بعد ان اقراء ردود الأخوان وتجربتهم في الكفرات

مشكووووووور اخوي ( أبن شقراء ) وبيض الله وجهك .. لكن سوف انتظر ردود باقي الأخوان

تحياتي للجميع

[.أبوعبدالرحمن]

وانا اخوك اللي مركبها اليوكوهاما كارفها ولها تقريبا 6 اشهر ما واجهت منها الا كل خير


ورست الموتر وفي النفود روعة ولينة ونقشتها روعة

توكل على الله وخذها

وبعدين هي تقريبا ارخص الياباني


صحيح ان الدنلوب افضل لكن اللي يبي الرخيص ياخذ اليوكوهاما

وبعدين ابعد عن الكوري الهانكوك

وما عمري شفت الكوري فالح في شيء


والله يكتب لك اللي فيه خير

[برنو بيشة]

أنا مركب الوكاله 520 ريال وأنصحك بالمشلان لأنه غني عن التعريف

[خلفهم]

هانكوك لينه مره .. وخفيفه يعني ما ينفعن بشعبان ..
حط هذا ببالكـ ..