طير حر للبيع

[حطاااااب]

السلام عليكم ورحمة الله وبركاته
طير حر كاشف
ساسه قرناس هواء
مخرج من شيوخ
ذابح وهو قرناس هواء 24 حبارى
وهو ثنو ذابح 14 بباكستان
وهو قرناس ثالث ذابح خرب مع راعيه اللي شريته منه
وقرناس رابع على حظي ذبح كروانين وذبح حفان يوم الاحد اللي فات قبل اسبوع
الطير طوله 17 في 17
راكد على المتكا ويفرع طول النهار
الطير مايرغب الحمام
لاكن اول الوقت رغبته والحين لي ثلاث اسابيع تارك الحمام مابيه يخرب طبعه على الركاده
الطير طبوعه فوق الزين لا يكوش ولا يحقل ولا يصيح
طير شيبان وتاخذ العلف منه مايتحرك
طياره على الحفان ماتقدر تحكم باللحوق لاكن طيار طيب ولا خلاها تروح
كل ماارتفعت نزلها
http://www.mekshat.com/pix/upload02/images53/mk47278_1.jpg
0
http://www.mekshat.com/pix/upload02/images53/mk47278_2.jpg
0
http://www.mekshat.com/pix/upload02/images53/mk47278_3.jpg

الرجاء
ممنوع الجوال او الرسائل الخاصه
الا اذا تبي تشوف الطير او تدعيه الطير سيم خارج المنتدى 13500 الف
الطير يدعا من 800 متر ويشقلب او يشلو 35
الله يكتب اللي فيه الخير

[مقند الكيف]

السلام عليكم

حطاااب كيف حالك يالغالي

اشوف طيرك طير طيب و كل اللي ذكرته تمام التمام بس عندي سؤال لا هنت ...الطير فيه صيحه لا جيت تبرقعه ولا مافيه ... الشئ الثاني الطير خلص ريشه ولا فيه شئ من الريش يسوق

و الله يكتب لنا ولك النصيب


اخوك مقند الكيف

[alajmi110]

جعل ربي يرزقكـ با البيعه الطيبه وعزالله طيرً طيب والله يباركلك فيه

[قلب ذيب]

الطير بخمسة عشر الف ريال , شرط خلوه من الامراض
مع صادق التحيه 0

[حطاااااب]

السلام عليكم ورحمة الله وبركاته

الاخ 0 0 مقند الكيف
الطير مافيه صيحه اذا برقعت ولا غيره
وبالنسبه لريش ريش كامل والكامل وجه الله
وحق السنه هذي تبديله مافي شي قديم

الاخ 0 0 ma0z
الله يعطيك العافيه
وصدقني الطير اكثر من كلمه طيب ولول الحاجه مابعته
طير ملون وفاعل
وش عاد بقي لله الحمد

الاخ 0 0 قلب ذيب
سومه طيبه من وجه طيب
بالنسبه للامراض بذن واحد احد خلوه من الامراض
وللمعلوميه لا تشتري غير تفحص على حسابي
وتفحص طياره اعرف الناس تخاف من اللي فيه بلا
لاكن سلعه صاحب وليست سلعه شريطي
لك الحق في الفحص اي مركز تبيه او تبي تجرب طيار الطير
مالك الا على نظرك والجميع نفس الكلام
والطير يستاهل يالربع مهو طير ينباع الوقت هذا
لاكن بظروفها
على العموم ماني بعيد عن السومه تعدلوا شوي
ملاحظه
يمكن ماارد لاني قانص اخذ يومين ثلاث
بينا المنتدى الله يكتب اللي فيه الخير

[سندهم]

يستاهل كل خير يأخوي


ماشاء الله تبارك الله

[شبراق]

مشاءالله تبارك الرحمن طير طيب ويستاهل والله اكثر

[مدرب الطير]

طير ماشاء الله طيب والله يرزقك

[خشم الحيد]

الأخ حطاب السلام عليكم الطير راح ب 17000 بشرط الفحص وانا في الرياض رقم جوالي 0558070000

[حطاااااب]

السلام عليكم ورحمة الله وبركاته
يعطيكم العافيه
على
العموم خشم الحيد
بالرياض وانا بالظهران
وكان بينا اتفاق البارح يرسل احد
لاكن متفقنا
السوم 15 اخر من سام قلب الذيب
تسحب سومه خشم الحيد
الله يكتب اللي فيه الخير

[moonset]

الله يرزقه ما شاء الله

[حطاااااب]

السلام عليكم ورحمة الله وبركاته
اسف لعدم الرد
للي ارسل على الخاص
كنت بمقناص
الطير تم بيعه
على حظ اخونا
خشم الحيد
والله يوفقه ويرزقه بالصيد