نقص الزيت في مكينة الباثفيندر - مشكلة ماهو حلها

[abo-azoz]

السلام عليكم ورحمة الله وبركاتة
الموتر - باثفندر
الموديل - 2003
المشي - 130.0000
المشكلة - نقص في زيت المكينة
يوم من الايام ولعت لمبة الزيت وأهملته لمدة اسبوع وعايرت الزيت بعده لقيت الزيت فاضي مافيه ولا قطرة عبيت المكينة ثم صرت اعايرة كل ثلاث ايام ألقى فيه نقص ماهب طبيعي بالزيت - مريت اغلب الورش بعضهم قال لازم تخرط المكينة -وبعضهم قال غير الشنابر - وبعضهم قال غير وجه المكينة أو الصوفة - والمكينة شبه جديدة - وكلمت الوكالة قلت الموتر ينقص زيته نقص ماهب طبيعي قالوا قبل كل شي لازم نفك المكينة يمكن نغير الشنابر يكلفك 5000 واذا كان خرط المكينة يكلفك 7000 هذا مع الخصم قلت هذي اعلومكم سلام عليكم -قلت نكتب بالمنتدى لعل احد عنده خبرة أو احد مرت عليه المشكلة ويعرف الحل -
الفزعه يالربع اللي عنده حل لايبخل علينا ولكم مني جزيل الشكر

[سعد777]

والله اكثر المواضيع في هذه الخيمه أغلبها مشاكل في الباث
ليش كذا
زين اني ماتوهقت فيه

[ابو؟؟؟]

شيك علي الصوف واذا ما فيها شي الله يعينك

تذكر كلمتي يا سعد بتوهق في الفورد

والباث مو خرباتة واجد بس انه منتشر في كل مكان خاصة عند الكشاتة
واصابع يدك مو سوا

[Eng.3beed]

سلامت عمرك يا (ابو؟؟؟)والله ان مشاكله كثر التراب معي واحد 2003 وثلاثه مامشى غير اربعين الف ومحافظ عليه وكل يوم يخرب يارجال خلها على ربك
الله يسهلها ان شاء الله وارميه واجيب الباجيرو عطي الله اللي كان معي قبله

[أبن شقراء]

انا مثلك اخوي ابو عزوز

بس الي معي 2005 ماشي 65000

وينقص كل 1000 الى 2000 علبه ما عرفت وش الحل المشكله ما طلعتلي الا يوم طلع صوت في المكينه وشيكت على الزيت مالقيت فيها ولا قطره حتى اني ما مشيت على ذاك الزيت الا 4500 وقظى ودي احد بعد يعطيني حلول مابي اغير الي قلتهم خصوصا ان الموتر نظيف ما فيه الا ذا المشكله ووحده ثانيه بس كرهوني في الموتر كل يوم لازم اشيك زيت ورديتر كلهن ينقصن

اتمنى الي يقدر يفيد يفيدنا ولا يبخل علينا

[ق ص ك]

الله يعينك على بلواك
انا كان معي واحد2003 لاحظت النقص وكان ماشي تقريبا50000وفكيت الكينه بالوكاله على الضمان وغيرو الجزء السفلي للمكينه لانه يجي كامل ورجع ينقص على 80000 تقريبا وبعت الموتر

[الاشعل 316]

هذا على حسب المعلوميه

في كثر ما اوضب النيسان في الورش

هذي شنابر وبالذات السفاري والباث فندر

لازم تغير الشنابر لان عندي نيسان نفس المشكله وطلعت الشنابر وخويي برضوا نفس الشي طلعت شنابر

يعني لازم من التوظيب

واذا خليته لازم من انك تشتري كم علبة زيت تحطها بالسياره

حت انك ما تتوهق

اخوك ابو سطام

[أبو ياسر]

اخوي وش نوع الزيت الي تستخدمه

اتمنى انك تجرب الترا سفن

[ق ص ك]

اخـــوي ابـــــو عـــــزوز
ادخــل عـــلى هــــارابـــط
http://www.mekshat.com/vb/showthread.php?t=102863 (http://www.mekshat.com/vb/showthread.php?t=102863)

[العقيد حويلان]

الله يعين
معي 2005
مخبط بسبب هاذي المشكله

[شقران نجد]

يا أخواني السلام عليكم جميعاً .....

ثقلو نوعية الزيت لان الزيت الموجود بالسوق انواع منها الخفيف ومنها الثقيل ومن الممكن ان الخفيف ما يناسب مواطير سيارتكم...

[abo-azoz]

مشكورين يااخوان على المرور
انا استخدم زيت سوبر حي تي ومريت هندي وقالي عندك الشنابر متسكرة وقعد يخربطلي شوي (الزبدة )قالي اخلط زيت سوبر جي تي
مع زيت سفن وتنحل المشكلة وانا ماجربت خفت ازيدها بلا على اللي فيها


الله يخارجنا من هالبلاوي وعسى الله يجيب الباترول ولا ال (gx )

[abo-azoz]

مشكورين يا اخوان على المرور
انا اغير زيت سوبر جي تي ممريت لي هندي حريف دباعين قلتله السالفة كذا قالي اخلط زيت سوبر مع زيت سفن لأن عندك الشنابر متسكره ويبيله تفتيح وقعد يخربطلي شوي
المراد اني ماجربت قلت اخاف تنعدم المكينة زود

الله يخارجنا يالربع والله يرزقنا - باترول - ولا - Gx -