دلوني يالنشاما على ورشه تركيب توانك الماء وصندوق العزبه [الأرشيف]

مشاهدة النسخة كاملة : دلوني يالنشاما على ورشه تركيب توانك الماء وصندوق العزبه

ابوفارس4545

11/11/2007, 02:13 PM

السلام عليكم ورحمة الله وبركاته
اسعد الله مساكم جميعاً
ادري ان طلباتي واجد بس تحملوني ومالي غنى عن هالموقع المُلم بهالأمور الطيبه وأهلها الطيبين

اخواني من لديه المعرفه بأنواع توانك الماء وافضلها والورشه اللي تركبها زين واسعارها التقريبيه يفيدنا وجزاه الله الف خير
وايضاً ودي اركب صندوق للعزبه بالحوض ابي انواعه واسعاره والورش اللي تركبه زين
علماً ان السياره نوع جمس حوض

اشكركم جميعاً

الكايف2

11/11/2007, 06:13 PM

اخوي ابوفارس حياك الله شف وانااخوك ان حصل تزرق القصيم فهوازين لك الافكارالزينه وارخص لك وان شاء الله الاخوان بيفيدونك تقبل تحياتي

مفرق النجوم

11/11/2007, 08:06 PM

والله اخوي افضل واحد جربناه هو سولاف في مخرج18بتجاه طريق الخرج
وبصراحه شغله افضل بكثير من الورش
التوانك والشناط وترهيم البطاريه الاضافيه والتعديل كله مالقيته الا عند سولاف

ام اسامه

11/11/2007, 08:26 PM

السلام عليكم ورحمة الله وبركاته هذي اول مشاركه لي وارجو من الله اني افيدكم {بالنسبه للاخ اللي يسال عن توانك الماء سمعت كثير عن ورشة سوافي شغلهم نظيف ومظبوط}

ام اسامه

11/11/2007, 08:30 PM

والله اخوي افضل واحد جربناه هو سولاف في مخرج18بتجاه طريق الخرج
وبصراحه شغله افضل بكثير من الورش
التوانك والشناط وترهيم البطاريه الاضافيه والتعديل كله مالقيته الا عند سولاف

الاخ مفرق النجوم ورشة سوافي وليست سولاف

ابوفارس4545

12/11/2007, 01:05 AM

اخواني
الكايف 2
مفرق النجوم
ام اسامه

الله الله يعطيكم العافيه وماقصرتوا واشكركم جميع
بالنسبه لورشة سوافي اتصلت عليهم البارح وقالوا لي انركب التوانك الماء بالحوض فقط وانا اطلب مكان الكفر (الأسبير ) وبالنسبه لشنط العزبه بالحوض قالي نركب المنيوم وحنا الآن مزحومين وارسلني على محل المواهب بالصناعيه وما رحت له بصراحه ( ورشة المواهب تركب شنط العزبه فقط ) كما قال لي

الله يعطيكم االف عافيه

طارق الحربي

12/11/2007, 05:32 AM

ورشة المواهب تسوي كل شي بس ماني متأكد هل يسوون تانكي تحت الحوض للجمس او لا

على العموم تقدر تشتري الصندوق الستيل اللي بالمحطات وتركبه بس تفصل له قاعدتين عشان تثبته باطراف الحوض

اذكر واحد من الاعضاء مركبه ووصف مكان بيعه بمحطه نوف على طريق الثمامه مايكلفك 200 ريال :)

عاشق السيل

12/11/2007, 06:01 AM

وعليكم السلام ورحمة الله وبركاته ...

بالنسبة لتانكي الماء الألومنيوم ،،

عندك ورشة اليحيى بحي السلام من أفضل وأروع التوانك والتفصيل والشكل على مزاجك وأسعارهم أرخص من غيرهم وأنا مركب تانكي من عندهم قبل سنتين والحمد لله زي الحلاوة ،،

أما شنطة للعزبة مالك إلا المواهب أو المميز بالصناعية القديمة ،، وتقبل مروري يالغالي .....

.

أبو ياسر

12/11/2007, 07:20 AM

اخوي عاشق السيل

وين بالضبط ورشة اليحيى

واتمنى ان اسعارهم تكون زينة

moonset

12/11/2007, 07:24 AM

أفادوك الإخوان ولو أني أفضل القصيم هالحركات أصلاً من عندهم

ابوفارس4545

12/11/2007, 11:20 AM

اخواني
طارق الحربي
عاشق السيل
ابو ياسر
moonset

الله يطول باعماركم جميع والقاريء ان شاء الله

بس ياليت اخوي عاشق تدلنا على ورشة اليحيى اللي بالسلام وين بالضبط

عاشق السيل

12/11/2007, 04:42 PM

أبو ياسر وأبو فارس ولايهون الشباب :

ورشة اليحيى بالرياض : ادخل من الدائري الشرقي مع مخرج 15 باتجاه الشرق حتى تجيك ثالث إشارة ( إشارة المقبرة ) رح معها يسار ( شارع عبدالرحمن بن عوف ) تصير المقبرة على يمينك ووجهك شمال حتى تجيك إشارة تقاطع شارع الزبير بن العوام تعدها على طول حتى يجيك أول مديور بالرصيف على يسارك إرجع معاه ويصير وجهك جنوب امش تقريبا 200 متر وقبل توصل الإشارة شف الورشة على يمينك عبارة عن ميكانيكا وكهرباء وفيها غرفة صغيرة ماسكها هندي يفصل توانك ألومنيوم على كيف كيفك حتى الكهربائي فلبيني فااااااااااااااهم ،،،

والله يوفق الجميع .....

.

ابوفارس4545

13/11/2007, 12:20 AM

عاشق السيل

13/11/2007, 05:58 AM

وجهك أبيض يالغالي ،،

وماسوينا شي وهذا أقل مانقدم لكم يالنشاما .....

.

بن جبيران

13/11/2007, 08:04 AM

اخوي عاشق السيل ولا يهون الجميع
ورشة المواهب او ورشة المميز بالصناعيه القديمه وين مكانها بالضبط
وسامحونا على المداخله

عكاش

14/11/2007, 10:24 AM

انحش عن ورشة المواهب ورح سولاف

عاشق السيل

14/11/2007, 03:08 PM

بن جبيران ،، أبشر بسعدك ،،،

اطلع مع الدائري الشرقي مخرج 17 باتجاه الغرب حتى يجيك نفق ،، بمنتصف النفق فيه مخرج يمين يطلعك فوق على إشارة تقاطع شارع الأمير سلمان مع شارع علي بن أبي طالب ( رضي الله عنه ) رح مع الإشارة يسار يصير اتجاهك جنوب على طول امسك الخدمة وامش حتى يجيك شارع أربعين على يمينك وبالزاوية مسجد العويضة المشهور ،، لف مع الشارع يمين ويصير المسجد على يسارك واتجاهك غرب امش تقريبا كيلو أو كيلو ونص تجيك ورشة المواهب على يمينك وترى فوقها تمثال لدعامة جيب كبيرة ،،
أما ورشة المميز بالجهة المقابلة قريبة جدا لكن ماأدري وين بالضبط ،، وبالتوفيق يالغالي ...

.

الظلماوي

15/11/2007, 11:09 AM

ورشة الوادي في الرس شغلهم زين وعليه ضمان

milanteam

15/11/2007, 07:22 PM

السلام على الجميع..
أخوي ابوفارس4545 (http://www.mekshat.com/vb/member.php?u=62562) ، كلامي يمكن ما يجاوب سؤالك بس أتمنى يفيدك.
أنا معي جمس حوض، وفكرت باكثر من مكان لتوانك الماء.. الأغلب ما ناسبن.. طبعاً الأمثل أنه يكون بالحوض لكن بكذا يبي يضيع عليك المساحة.. فركبت تانكيين قدام كل كفر خلفي ( بطن الموتر ) . ما أكذب عليك راعين التفصيل ما يحبون هالمكان للتوانك لأن تركيبه قلق عليهم.. علشان كذا ياخذون فلوس زود حبتين.. بس للأمانة ارتحت جدا.. ستانليس ستيل الواحد حدود تسع واربعين لتر. التكلفة ألف وخمس.. لهن هالحين ثلاث سنين..
الألمونيوم حدر الموتر ما ينشد به الظهر.. اي حصاة تجيب به العيد .. همن اطلب ربك المطر اذا وصلت ولقيته فاضي..

بالنسبة للعزبة ،، ركبت ألمونيوم جاهز كندي أكثر من ممتاز.. بعرض وارتفاع الحوض وعمق حدود ثلاث وخمسين سنتيمتر.. هيدروليك ومفاتيح اسم الماركة (يوكون) عند السليماني والقيمة بعد المكاسر ألف وميتين. زهرة الرياض بالصناعية قالوا لي ثمانمية بس الحق ينقال لا الشكل ولا الجودة تقارن.. والمواهب قالوا ألف بس الا هالحين الكندي افضل.

رد علي ان كانك حريص ولا ودك تشوف الموتر .. وتراي ساكنن بالرياض. وأي معلومة تراي جاهز لك وللجميع.

ملاحظة بالنسبة للتوانك: حوض سيارتي كامل ( خمس وعشرين ) يعني اذا جمسك خمسطعش ترى مانيب متاكد من الحجم الممكن للتوانك.

والسلام عليكم.

ابوفارس4545

16/11/2007, 02:31 AM

اخوي milanteam

الله يبيض وجهك وما قصرت وصدقني انت افدتني كثييييييير
انا غيرت فكري من مكان الاسبير حدر الموتر إلى المكان الأنسب بعد التفكير ان يكون بالحوض
. وقال لي اسويه لك بـ الف ريال المنيوم بس قالي بعد ثلاث اسابيع يجهز , وعلى فكره 136 لتر
وبالنسبه لشنطة العزبه الكنديه بروح للسليماني واشوفها عالطبيعه بس ياليت توصفلي السليماني وين موقعه
هل هو اللي بالغرابي او غيره ,
اشكرك كل الشكر
الله يرحم والدينا و والديك واخواني القراء والمسلمين آجميعن اللهم آمين

milanteam

17/11/2007, 01:34 AM

حياك الله اخوي - ابوفارس4545 - ولا يهونون الربع..

اولا شاكر لك شكرك ودعاك.

فيه السليماني بالغرابي والفرع الاكبر اللي بشارع الملك عبدالعزيز.. وانت موجه شمال قبل لا تاصل طريق الامام سعود بن عبدالعزيز بن محمد (مخرج9) على اليمين.. وهذا الوصف:

http://7.download-1.files-upload.com/preview/2007/11/16/22/small/623451.jpg

وهذي صور للعزبة:

http://www.mekshat.com/vb/%5Burl=http://www.nua3m.net/vb/%5D%5Bimg%5Dhttp://www.m5zn.com/uploads/d0951461de.jpg%5B/img%5D%5B/url%5Dhttp://8.download-2.files-upload.com/preview/2007/11/16/22/small/623411.jpg

http://7.download-1.files-upload.com/preview/2007/11/16/22/small/623418.jpg

http://www.mekshat.com/vb/%5Burl=http://www.nua3m.net/vb/%5D%5Bimg%5Dhttp://www.m5zn.com/uploads/334bbdfde7.jpg%5B/img%5D%5B/url%5Dhttp://4.download-3.files-upload.com/preview/2007/11/16/22/small/623421.jpg

والصورة اللي حدر بخصوص تانكي الماء.. هذا اللي بيسار السيارة وفيه واحد ثاني بالجهة الاخرى:

http://www.mekshat.com/vb/%5Burl=http://www.nua3m.net/vb/%5D%5Bimg%5Dhttp://www.m5zn.com/uploads/51bcf23d14.jpg%5B/img%5D%5B/url%5Dhttp://www.mekshat.com/vb/%5Burl=http://www.nua3m.net/vb/%5D%5Bimg%5Dhttp://www.m5zn.com/uploads/51bcf23d14.jpg%5B/img%5D%5B/url%5Dhttp://www.m5zn.com/showimage.php?imagename=51bcf23d14.jpghttp://6.download-1.files-upload.com/preview/2007/11/16/22/small/623423.jpg

وبالخدمة.

milanteam

19/11/2007, 10:40 AM

ابوفارس4545
بشر ركبت العزبة؟