أسئلة وكل سؤال يحتاج أجابة وافيه وواضحة ...

[راعي الطويلة]

بسم الله الرحمن الرحيم

أخواني مشرفي وأعضاء منتدانا الغالي مكشات ..........

بعد التحية والتقدير لكم جميع ..............

السلام عليكم ورحمة الله وبركاته

عندي موضوع أتمنى أن تعم به الفائدة وتقوى الأواصر بين الأعضاء وأتمنى أن يكون مفيد بالقدر الذي أردته ...
الموضوع مهم من وجهة نظري المتواضعة وهو عبارة عن أستفتاء بسيط ومن واقع الخبرات والتجارب الفعلية وأحب أن أطرحه بعد أذن المشرفين الأعزاء طبعاً .

الأستفتاء عبارة عن أسئلة وكل سؤال يحتاج أجابة وافيه وواضحة ... كما يمكن للأخوة المشرفين التدخل فيه وابداء وجهات نظرهم أو حتى حذف ما يرونه أو إضافة ما يحبون ولهم كامل الحرية بعمل ما يرونه مناسباً ......... كذلك للأعضاء كامل الحرية بالمشاركة من عدمها ... المهم أن يكون الموضوع صادق ومنطقي وموضوعي بحت .. بدون مبالغة أو زيادة أو كتمان أو مجاملة ...
أنا آسف طولت عليكم وجزاكم الله كل خير بأحتمالي ........

الأستفتاء :
1- ما هي أفضل طريدة (قنص ) واللي دوم تدور عليها بالنسبة لك ؟
2- ما اكبر عدد صدته ؟
3- ما هي الوسيلة المفضلة لديك بالصيد ؟
4- كم عدد السيارات ( كحد أقصى ) من وجهة نظرك ؟
5- ما العدد المناسب من الأخويا ؟
6- ما هو أفضل الأوقات التي تراها لبدء رحلة الصيد ( أول الموسم ، وسط الموسم ....) ؟
7- ما الطريقة المناسبة للصيد ..( فرادا ، معك خوي ، ....) ؟
8- ما هو أفضل تجهيز بالنسبة للمواتر + للممراح + أغراض الرحلة ( العدد اللي لا بد منها ) ؟
9- موقف لا ينسى ( محبب ) مر عليك !!!
10- موقف طريف !!!
11- موقف محرج !!!
12- أخيراً أذا أمكن ذكر قصة شخصية عن أحدى الكشتات .

ترون أول خمسة مشاركين لهم جوائز ... ترون أمزح والأ بعدين أبحل بها ... ولن تدرون والله أنكم تستاهلون كل خير وأنا أشهد .

أخوكم

راعي الطويلة
:D :good:

[عاشق الكشتات]

أخوي موضوعك جميل وأن تجاوبوا معك الاعضاء أتوقع بيكون ممتع :)

بسم الله أبد جوابي وصلاتي وسلامي على الرسول الهادي

1- ما هي أفضل طريدة (قنص ) واللي دوم تدور عليها بالنسبة لك ؟
أولاً الدبان عفواً قصدي الضبان:D ثانياً الجرابيع>>>بما فيها من متعة مطارده ثالثاً الدخل والصفاري والقمري.
2- ما اكبر عدد صدته ؟
من الضبان50 والجرابيع 10 والدخل 300 والصفاري 13
3- ما هي الوسيلة المفضلة لديك بالصيد ؟
الخرازه الشوزن أم صتمه
4- كم عدد السيارات ( كحد أقصى ) من وجهة نظرك ؟
والله مافهمت قصدك
5- ما العدد المناسب من الأخويا ؟
في الصيد مابين 3 الى 6 أما في المكاشيت كلما كثر الاخويا زادت الوناسه.
6- ما هو أفضل الأوقات التي تراها لبدء رحلة الصيد ( أول الموسم ، وسط الموسم ....) ؟
وسط الموسم
7- ما الطريقة المناسبة للصيد ..( فرادا ، معك خوي ، ....) ؟
لا طبعاً معك خوي (أو أكثر)
8- ما هو أفضل تجهيز بالنسبة للمواتر + للممراح + أغراض الرحلة ( العدد اللي لا بد منها ) ؟
للسياره الواحده= حمل 2أستبنه - طرنبه تفخ كفرات - جركل بنزين - وقبل كل هذا وضع السياره عند الوكاله أو الورش للصيانه.
فرش - أسرت نوم (أن وجد)
العزبه بكامل محتوياتها - أسلحه - أسعافات أوليه
9- موقف لا ينسى ( محبب ) مر عليك !!!
أول رحله ذهبتها للصيد
10- موقف طريف !!!
مره رحنا نصيد دخل وجاء معنا واحد (الصيد منا وهو منا) المهم حنا مانبغاه لكن جاء معنا المهم يوم رحنا نصيد وعطيناه بندق قلنا خذ صيد المهم كل راح مع جهه ويوم رجعا ونلقاه صايد 10 دخلات وكلهن بالروس أستغربنا وتغيرت نظرتنا له عقب العشر اللي صادهاً بالروس:)
11- موقف محرج !!!
مافهمت قصدك <<<<<:D:D:D:D:D
12- أخيراً أذا أمكن ذكر قصة شخصية عن أحدى الكشتات .
القصص كثيره وفي نفس الوقت طويله


أخوك عاشق الكشتااااات






أأأأأوه قبل ما أنسى

ا ل ج ا ئ ز ه ياحلو :cool:

[راعي الطويلة]

أخوي الغالي

عاشق الكشتات


اشكر لك جهدك وصبرك ومثابرتك ......... وعساك سالم والله ..

اما بالنسبة للهدية ..

عطني عنوانك وأنا أدلك على مكان تصيد به لين تمل قميري .....:D

أخوك

راعي الطويلة

[أبو داحم]

- ما هي أفضل طريدة (قنص ) واللي دوم تدور عليها بالنسبة لك ؟
أول شي القميري والدخل والصفار الثاني الضبان الثالث الأرنب

2- ما اكبر عدد صدته ؟
من القميري 15 ومن الصفار 20 ومن الدخل 260 ومن الضبان 30 ومن الأرنب 2

3- ما هي الوسيلة المفضلة لديك بالصيد ؟
الشوزن وأم صتمه والخرازه

4- كم عدد السيارات ( كحد أقصى ) من وجهة نظرك ؟
3 سيارات

- ما العدد المناسب من الأخويا ؟
في رحلات الصيد من 2 ألى 4 وأما في الكشتات من 4 ألى 8

6- ما هو أفضل الأوقات التي تراها لبدء رحلة الصيد ( أول الموسم ، وسط الموسم ....) ؟
والله تختلف على حسب المزاج بس دايم تكون في وسط الموسم

7- ما الطريقة المناسبة للصيد ..( فرادا ، معك خوي ، ....) ؟
معك خوي أفضل

8- ما هللمواتر + للممراح + أغراض الرحلة ( العدد اللي لا بد منها ) ؟و أفضل تجهيز بالنسبة
للسياره الواحدو = طرنبه تفخ كفرات - جركل بنزين -جركل مويه - التأكد من الزيت - أستبنة كفر- أسعافات أوليه
للممراح= فراش البر
أغراض الرحله = العزبه الكامله بكل ما تحتوي-السلاح بنوعيه الهوائي والناري

- موقف لا ينسى ( محبب ) مر عليك !!!
والله واجد بس فيه واحد منيب ناسيه مهما طال الزمن وهو أني رحت أنا والوالد لصيد القميري وسبحان الله
من ال فجر ألى عشر الصبح وحنا ندور في ذاك الشعيب وا لقينا \شي وقال الوالد بروح لشعيب ثاني المهم من أول ما دخلنا الشعيب الثاني و أم خمس تشتغل وصدنا حول العشر قميري والأربع صفاري وهذي أول رحلت أقنص أذهب أليه وكان عمري حوالي الثاني عشر

10- موقف طريف !!!
فيه واحد رحت أنا ويه ندور دخل وصفار وهو أول مره يروح لصيد المهم علمته وشلون شكل الطيور وكان المكان في منتزه سعد المهم تفرقنا مشي كل واحد على رجليه المهم الوعد بعد ساعه عند السياراة ويجيني مستانس ويقول صدت صفار قلت وينها قل صدتها ولا ماتت ولا معي سكسن وربطتها تحت الشجره وأستلم الضحك عليه ونح يم الشجره ونلقا الصفار مربطها تقل صايد له وعل ونخذها ونجيك راجعين

11- موقف محرج !!!
أربع أيام ورا بعض بطلع ندور دخل وفي اليوم ما نصيد ألا وحده ثنتين

12- أخيراً أذا أمكن ذكر قصة شخصية عن أحدى الكشتات .


حي الله الجميع بصرحه روحتي هالمره جت بضروفه يعني رحت زي المغصوب المهم جوني واحد الربع ألي ماله ومال الصيد وتقهو عندي وش صور صيد دخل وقميري المهم الرجال شكله تهيض ونشبلي خلن نروح بكره الفجر قلت أستهدي بالله ياولديالمهم بعد أقنع ولف راس وافقت ورحنا لأقرب مكان أعرفه ألي هو مركز سعد خط الدمام مشينا الساعه أربع ونص الفجر ووصلنا حولى الخمس ونص المهم قعدة أعلمه أشكال الطيور وساعه أوصفله وبعده تفرقنا وقلت له الوعد بعد ساعه عند السياره وأعطيه صتمه سبع وعشرين وأروح في حال سبيلي المهم في هالساعه صدت 3 بط عشى ودخله وأرجع لسياره وألقاه فرحان ومستانس ويقول فلان صدت صفارى و 3 دخل قلت وينهم المهم طلع لي الدخل قلت وين الصفار قال خايته تحت الشجره قلت له ليش قال ما ماتت وتبي تعضني كل ما جيت أشيلها وبغيت ألعن أبو خيره ونروح ندور تحت هالشجر ألين لقيناها وله مربط رجليها واقعد أضحك عليه ضحك المهم ختها وذكيتها ورحنا وحطين الصيد في الثلاجه وندور بالسياره شوي أل عند المويه فيه دجاحة ماء وأنا أمد البندق وأصوبه ونزلنا خذناها وقعنا ندور في هالدخل ألين أنتهيت و رحنا جلسنا تحت شجره وقعنا نصلح في هالغداء والفطور سواء ونضبط ذيك الكبسه ألي يحبها قلبك ونلهطها و ألا الساعه حوالي 12 الضهر و نضف عفشنا ونرجع وكانت حصيلت الصيد هي:

3 بط عشى
25 دخله
دجاجة ماء
صفاره





أخوك أبو داحم

a00a00m@hotmail.com < ـ ـ ــ ــ ــ ـــ ـــ ـ يحول يلمح






;) ;)