وش الحل للباترول اللي بهذل راعيه

[هاوي البر 999]

السلام عليكم ورحمة الله وبركاته

يا أخوان عند باترول موديل 91 فيه أن المكينة فيها رجه لا رفعة رجلك من الابنص
ركبت بلتين بواجي شاكوش ما ادري وش اسوي

يا أهل الخبرة بي ورشة تفهمله أنصحوني تكفون بالربع وشكرة

[ي ح ق 517]

والله ياخوي ما عندي خبره

[الدخان الدخان]

فيه ورشه في حي بدر في الرياض خلف ورشه النشوان وانت متوجه لمخطط عكاض تجيك علا اليمين لوحتها احمر وابيض شعارتيوتا بس ماتعوق معهم السياره اي ماركه العماله فلبينين اتمنا اني بينت لك انشالله

[ابو فيصل 99]

تاكد من الكويل حق الكهرب
او المبرد اللي فوقه
اذكان حار فهو المشكله

[سراب اللال]

شيّك على كراسي المكينة وتربيط العمدان والصلبان وخبرنا بعدها

[عابر القارات 2000]

تبي نصيحه اخوك
انا قبلك بهذلني في خراباته
المهم غيرت المكينه حطيت مكينه ديزل وارتحت ماعرف الا اعبي ديزل وامشي

[NissaN 1990]

يا اخ هاوي البر 999 شف تحت الكربريتر فيه مجموعه فيه ثلاث ليات حقات هواء طالعه للرفرف بجنب البطاريه شيك عليها يمكن فيه شي مفصول لان النيسان كربريتره يعتمد على هذي الليات وإذا ماوصلت الهواء يصير كأنه يبي يطفي وإذا دعست الأنبص ضبط وإذا وخرت رجلك رجعت له المشكله
وترى بالغالب النيسان مشاكله بسيطه بس تعقدك لا زم واحد يعرفله زين
وإذا أنت بشرق الرياض علمني برسلك على واحد دوا للنياسين وشغله نضيف أنا مجرد وسيط