أفضل اريل للكنود

[سمناني]

ياالربع تكفون وش أفضل اريل يستقيل من بعيد للسيارة وهل هناك فرق بين اريل الايكوم والكنود جربت عدة ارايل مالقيت اللي على بالي

[ابونايف الروقي]

انا عندي معلومه عن انتل الايكوم الفرق بين الاصلي والتجاري ..

الاصلي من انتل الايكوم اذا فكيت الانتل عن القاعده وشفته من تحت تلقى مضروب عليه من داخل اسم ايكوم والتجاري يجي بلاستيك ..

[المتهني]

والا اعفط السبرنق وناظر اللي بداخله هل هو فيه توصيله مجمع حديد والا لا واذا كان فيه فهو اصلي
واذا لم يكن فهو تجاري

[راعي الفتك 9]

فيه ايكم بالمحلات جديد مغلف بغلاف قرطاس وليس بلاستك ومكتوب بنفس الغلاف مدين جابان أسفل

[مارشال]

عندي اريل اضمن ضمان انه يجيب 300 كيلو كحد ادنى

سعره 400 ريال

[ابوعزيزm]

وش المطلوب . . تبغى أنتل طويل أوقصير ؟؟


بالنسبة أخوي مارشال وش نوعية الأنتل اللي تقول عنه ؟؟؟

هل يوجد صورة له ؟؟

[سمناني]

أخوي p52شكراعلى هذه المعلومة فكيت اريلي ماحصلت مكتوب عليه شي

[escape_man]

الي عندي ايطالي اصلي قيمته 200 ريال لاني تعبت مالقيت دايموند اصلي وكل الموجود تجاري وغالي من زين الطبع

تلاقيه بالمرسلات عند محلات الاتصالات

[سمناني]

راعي الوفا شيخ العنى مارشال
شكراعلى المرور وش اسم الاريل يامارشال

[سمناني]

ابو عزيزm
ابي يكون متوسط الحجم واهم شي قوة الارسال والاستقبال

[حزم نجد]

من ناحية ارايل الكنود بأنواعها فيه الاصلي والتجاري ويفرق من ناحية الوزن والشكل

مثل ما ذكروا الاخوان عن اريل الدايموند بالردود السابقه

وانا بوضح لك عن ماركة comet ((كوميت))
الكوميت الأصلي يكون مطبوع على الكيس COMET حرف الـ O فيه علامة برق ..هذا الاصلي

التجاري يكون حرف الـ O على شكل نجمه حمراء وهذا الموجود بالسوق .

وانصحك في اقتناء منتجات الارسون الامريكي لصغر حجمه

او الناغويا او الدايموند لقلة التشويش .