استفسار لاهل حايل ,,, والي عنده خبره؟؟

[الحر جساس]

السلام عليكم ورحمه الله وبركاته ... وبعد ابي الله لا يهينكم توصيف لاحلى مكان مكشات بين طريق حايل الجوف
ومن وين اطلعله ....
وكم يبعد الطريق عن المكان,,
بجي ان شاء الله من القصيم,,
وشكرا

[الحر جساس]

المشاهدات >>>>>>>>>7 ,,,,,,,, ولا احد رد,,

[ثورة الشك]

والله ما ني من حايل ولكن ان شاء الله اهلها يفيدونك



تقبل مروري

[هماام]

نتظر العارفين بالمواقع

[محمد الشاوي]

أخي الكريم

لا شك أن النفود الكبير من أجمل الأماكن

وإن كنت تريد أماكن قريبة من الطريق مناسبة للعوائل فأول ما تدخل النفود مع السريع بعد حائل ستجد أماكن لتأجير الدبابات قريبا من قرية التربية أماكن حلوة وجميلة .

وكذلك محافظة جبة شمال حايل وتقع يسار الطريق السريع بمسافة 7 كم فقط فيها محلات جميلة ومنتزهات رائعة وكذلك محافظة القاعد على طريق الخطة .

أما إذا كنتم شباب وتريدون الدخول للنفود فجبل العليم أحلى مكان ويبعد عن الطريق السريع 15 كم فقط تفرق له يمين وتشاهده وأنت على السريع .

وموقعه في قلب النفود الكبير عند هذه الاحداثية :

2845692 - 4026687

ويمكنك زيارة جبل الأبرق ولمزيد تفضل هذا الرابط


http://www.mekshat.com/vb/showthread.php?t=110002


تحياتي .

[الحر جساس]

اهلا وسهلا بالجميع,,
ونشكر كل من رد على موضوعي ,,,,, ويعطيه الف الف عافيه ,,
الاخ محمد الشاوي ,,,,ابو فارس
يحفظك ربي ويسلمك ,,, على هذا التقرير الوافي ,, وجزاك الله الف الف خير
على المعلومات ,,,,, الطيبه, وسهل الله دربك يالغالي ,,,
وتم حفظ جميع مواضيعك بالمفضله ,,, الله لا يحرمنا من هالوجه ,,,,
وشكرا على جهودك..

[بندر10]

السلام عليكم ورحمه الله وبركاته ... وبعد ابي الله لا يهينكم توصيف لاحلى مكان مكشات بين طريق حايل الجوف




ومن وين اطلعله ....
وكم يبعد الطريق عن المكان,,
بجي ان شاء الله من القصيم,,


وشكرا



وعليكم السلام ورحمة الله وبركاته
حياك الله وياهلا ويامسهلا
ما أزيد على اخونا محمد الشاوي الا الوصف اذا دخلت حائل طبعاً اول مايواجهك طريق تحت الانشاء ويتجهبك غرب امسك الدائري غرب واول اشاره تتعداها وثاني اشارة ( بس انتبه لايصيدونك الرادار على الدايري السرعة 90 وبعدين تقولي وصفلي احلا غرفة توقيف ) وثالث اشارة وبعدها يجيك دوار القربه تتعداه ورابع اشارة وخامس اشارة تطلع يسار وتمشي تقريبن كيلوين ويجك دوار يسار القصور الملكية والمستشفى السعودي الالماني يمين وهوتحت الانشاء وتتعدى كيلو ونص ويجيك مفرق الجوف يسار وتطلع وجهتك شمال الى قرية الجثامية ومفرق الجوف من عند القرية وبعد ماتسلك طريق الجوف خلك معه الين يجيك النفود واذا بغيت المكان تتعدى 20 كيلو فأكثر وتطلع يمين النفود أويسار لان الي دون مافيه حطب الله يخلف كلته الناس .
وحياك الله مجدداً واذا بغيت شي علمني على هذا الموضوع وياليت اذا طلعت وأستانست تمر علينا وتاخذلك فنيجيل مهيله .
واعذرنا على القصور

[ناصر التميمي]

السلام عليكم ورحمه الله وبركاته ... وبعد ابي الله لا يهينكم توصيف لاحلى مكان مكشات بين طريق حايل الجوف

ومن وين اطلعله ....
وكم يبعد الطريق عن المكان,,
بجي ان شاء الله من القصيم,,

وشكرا



السلام عليكم ورحمة الله
اخي الفاضل حايل كلها اماكن كشتات
والكشته بالنفود افضل كشته
وعلى العموم طريق حائل الجوف كله اماكن رائعه
وانشالله تجي بالسلامه
لاتنسى تتصل علي عشان اقوم بالوجب يالغالي
اخيك خشوم السحاب من حائل العز
رقمي عاى الخاص يالغالي