هل من الممكن تركيب فرش خلفيةالتنزانيةعلى جمس ننتظرمروركم ومرورالأخ(سنافي وبس)مهم جداً

[سيف الظفير]

السلام عليكم :




احبابي واعزائي المكاشيت ... كلنا لبعضنا والله اني استفيد منكم واشتاق لجديدكم باستمرار ... ومن حقكم علينا ان نزودكم بالجديد والمفيد ردا منا للجميل الطيب منكم ... تفانيا وخدمة لاعدمناكم اخوة واحبابا ...لااطيل عليكم ,,,

- اضع بين ايدكم تعديل بسيط في الطربال او الفرشة الخلفية للسيارة
( لاهل جيوب اللاندكروزر واللكزس ) والتي توضع خلف المرتبة الثانية لوقاية السيارة من مخلفات البر والعزبة والحطيبات ...

- شريت لي الفرشة الخلفية من السنيدي ويوم جيت اركبها والا:no2: لالالالالازم انك تفك المراتب الخلفية للسيارة ( الثالثة ) طيب احيانا احتاجهن:light: ... اذا لازم انزل الفرشة واركبهن .. واذا بغيت اركب الفرشة لازم انزل المراتب ؟؟؟:confused: اخوكم فكر في تعديل بسيط يحافظ على بقاء الفرشة والاستفادة من المراتب بنفس الوقت ....

- اترككم مع الصور وشرح التعديل


http://www.mekshat.com/pix/upload/images25/mk9621_ddww.jpg




صورة االفرشة بعد التعديل احببت وضعها اولا حتى تستوعبو الفكرة .. ولاحظو المراتب مركبة مع الفرشة .


http://www.mekshat.com/pix/upload/images25/mk9621_20070110(002)_resize.jpg




قمت بالذهاب الى احد المحلات المتخصصة بتفصيل الاشرعة وشرحت له مااريد فعله .. قمت بفتح الفرشة بسحاب طولي وذلك لفتح مكان لقاعدة المراتب كما هو واضح من الصورة ..



http://www.mekshat.com/pix/upload/images25/mk9621_20070110(003)_resize.jpg


بعد ان فتحنا مكان للقاعدة بقى الان فتحات ارجل المراتب والتي تثبت اثناء تنزيل المراتب في ارضية السيارة .. فتحت في الفرشة فتحة مقاس 10*15 ( وانتبه ان تقصها من ثلاث جهات فقط ) يعني اثنان طولي وواحد عرضي .. ثم خيطنا فوق الجزء المفتوح قماش اكبر منه بزيادة 3 سم من الجهات الثلاث وعمل شريط لاصق في الجزء المفتوح وكذلك في ارضية الفرشة .. كما هو موضح بالصورة التالية


http://www.mekshat.com/pix/upload/images25/mk9621_20070110(004)_resize.jpg


بعد ذلك قمت بتفصيل تلبيسه للمراتب الخلفية ( الثالثة ) المصفطة نوع تنزاني وذلك لتغطية المراتب عند عدم الحاجة لها حفاظا عليها من اوساخ البر والعزبة والحطب ... واذا بغيت المراتب فكيت التلبيسة ... ( عذرا لم اصور التلبيسة ) لكن الفكرة واضحة

.... اتمنى اني قدمت لكم مايفيد مع انها قد تكون مطبقة .. لكن من باب الذكري ,,,,,,,,,

ونرحب بردودكم وارائكم .............

لاتنسونا من دعاءكم فنحن في امس الحاجة اليه ...... دمتم في ود

تقبلوا تحيات اخوكم / سنافي وبس



بسم الله الرحمن الرحيم
اعلاه موضوع اخوي الفاضــل سنافي وبس ومن خلال هذا الموضوع ::


هل فيه امكانية يا اخواني اركب الشراع التنزاني على جمس سوبربان 2006 -- 2500


وياليت تدلوني على احد يبيع الشراع في الرياض واتمنى من الاخ سنافي وبس يمر على موضوعي هذا


ويدلني على المحل اللي عدل له الفرش التنزاني لأعدله على شراع الجمـــــــــــس لأن الصور المضافة لموضوع سنافي تدل على جودة الشغـــل في الجيب ,,,



وياليت يكون فيه نسخه


للجمس لأن المشهور مافيه الا على الاندكروزر واللكزس


اتمنى مروركم الكريم

[سيف الظفير]

ننتظر مرور الأخوان

[هدد ؟؟؟]

رح لمحل البرية بالرياض /
يشوفه ويفصل لك طبعاً هو وغيره بالغرابي ومحلات أخرى لكن البريه قريب وراعي الحلال بالمحل تفاهم أنت واياه

[رعد النجدي]

الغرابي في اوله علي يسارك قيصريه كلهم يفصلون طب وتخير
وانتبه للشراع ترى الغش عندهم متربع
خذ عينه ورح لمحل ثاني واساله
بعض المحلات فيها سعوديين
خذ العلم منهم

[سيف الظفير]

رح لمحل البرية بالرياض /
يشوفه ويفصل لك طبعاً هو وغيره بالغرابي ومحلات أخرى لكن البريه قريب وراعي الحلال بالمحل تفاهم أنت واياه


مشكور يالغالي وبارك الله فيك وكم تتوقع السعر بشكل تقريبي

[سيف الظفير]

الغرابي في اوله علي يسارك قيصريه كلهم يفصلون طب وتخير
وانتبه للشراع ترى الغش عندهم متربع
خذ عينه ورح لمحل ثاني واساله
بعض المحلات فيها سعوديين
خذ العلم منهم



مشكور يالغالي وماقصرت


بس كم تتوقع السعر يالذيب ولو بشكل تقريبي للأحتياط من الغش

[سيف الظفير]

ننتظر مرور الصقور الأخرين للأدلاء بأرائهم

[سيف الظفير]

.
............

[ابوعزيزm]

جميع محلات ومستلزمات الرحلات البرية تفصله . .

وعندهم جاهز . . وإذا بغيت تعدل يفصلون لك . .

فيه برق اليحيا بمخرج 15 بشارع الــ 100

[NissaN 1990]

مثل ما قال أخوي رعد النجدي في الغرابي تلقى هناك شيبان يمنيين رحلهم وخلهم يفصلولنك على ذوقك أنا مفصل عندهم قبل ثلاث سنوات عام 1425هــ لسيارتي جيب باترول كلفني 230ريال
وإذا فصلت قله يحطلك الأرضيه تنزاني أصلي ويحشيه لك أسفنج سميك عشان يصير لين واللي فوق يحطه لك زي الطربال اللي ضد الماء وخله يكثر لك المخابي وخله يحطلك من جهة الباب الخلفي واقي عشان إذا حطيت أغراض كثيره تقدر ترفعه على الباب ويحطلك سحابات عشان إذا سكرته بالسحابات يصير الصالون من ورا مثل الصندوق أما من ناحية السعر ما لك إلا أنك تسوي نفسك فاهم الشغله وفا هم أنواع القماش ولا أنصحك بالجاهز لأنه ما هو مثل اللي تختاره أنت ولا يجي نفس المقاسات إذا فصلته أنت أحسن يعطيك مقاسات ويشده لك مضبوط ...

[سيف الظفير]

مثل ما قال أخوي رعد النجدي في الغرابي تلقى هناك شيبان يمنيين رحلهم وخلهم يفصلولنك على ذوقك أنا مفصل عندهم قبل ثلاث سنوات عام 1425هــ لسيارتي جيب باترول كلفني 230ريال
وإذا فصلت قله يحطلك الأرضيه تنزاني أصلي ويحشيه لك أسفنج سميك عشان يصير لين واللي فوق يحطه لك زي الطربال اللي ضد الماء وخله يكثر لك المخابي وخله يحطلك من جهة الباب الخلفي واقي عشان إذا حطيت أغراض كثيره تقدر ترفعه على الباب ويحطلك سحابات عشان إذا سكرته بالسحابات يصير الصالون من ورا مثل الصندوق أما من ناحية السعر ما لك إلا أنك تسوي نفسك فاهم الشغله وفا هم أنواع القماش ولا أنصحك بالجاهز لأنه ما هو مثل اللي تختاره أنت ولا يجي نفس المقاسات إذا فصلته أنت أحسن يعطيك مقاسات ويشده لك مضبوط ...



الله يوفقك ماقصـرت انا سجلت المعلومات في ورقة والحين رايح للغرابي واشوووف السوق وعلم السوق ..

[سيف الظفير]

مشكورين على المرور وانا فصــــــــــــلت

[سيف الظفير]

مشكورين وماقصرتوا

[NissaN 1990]

ماشاء الله ألف مبروك وأحسن ما سويت أنك فصلت بس لو تعلمنا كم السعر وتحط لنا كم صوره عشان أهل الصوالين يستفيدون

[سيف الظفير]

نيسان اشكرك على المرور وعلى التعقيب يالذيب

وانا الحين اشتغل على الصور لأضيفها بموضوع جديد

[إعصار]

محل البرية ..

وايضآ الغرابي بس انتبه وانا اخوك .. ترى فيه غش غير طبيعي ..

الله يسر أمرك وتفصيل أحسن تلبيسة لأحسن جمس بأذن الله تعالى ,,

[سيف الظفير]

مشكورين على المرور وعلى النصايح وبارك الله فيكم ووفقكم

وهذا العشم من الاخوان والحمد لله لى هذا الملتقى الاليكتروني المميز على الشبكة الذي جمع الرجال القروم الصناديد ..


وبأذن الله تعالى انا بضيف الصور والشرح بالتفصيـــــل وذكر المحل و السعر بموضوع مستقــــــل