المساعد الشخصي الرقمي

مشاهدة النسخة كاملة : سؤال عن مساعدات سفاري فتك 2002


الطيار2000
17/11/2007, 05:27 PM
السلام عليكم ومساكم الله بالخير جميعا

ابغى اغير مساعدات سفاري فتك 2002 وش تنصحوني اركب وكالة والا اركب مساعدات غيرها، وأرجوا وضع سعر مساعدات الوكالة ووضع سعر المساعدات البديلة اذا كان ممكن، وأيضا سلبيات كل منهما.

وشكرا لكم
Black VTC
17/11/2007, 06:19 PM
اخوي الطيار انا ركتب مساعدات استرالية من الرماية جيدة جداً .. و فيه شباب يمدحون جبريل و غيرها كثير ..

عن نفسي ركبت مساعدات و يايات استرالية و سعرهن جميع من الرماية 2100 ريال ...

علماً ان سعر الياي الواحد عند الوكيل (550)ريال يعني الطقم الرباعي 2200 ريال و ما سألتهم عن اسعار المساعدات...

تحياتي لك
system
17/11/2007, 07:01 PM
قبل لاتشتري اسأل عن مساعدات الشاص يمدحونها الشباب وفيه واحد فاك مساعدات الوكاله ومركب حقات الشاص مع ان سيارته جديدهيقول الموتر صار اريح بالمطب .
وللمعلوميه سعر الطقم ورا 150 ريال فقط لا غير.
الطيار2000
17/11/2007, 11:05 PM
الله يوفقكم ويجزاكم خير
قناص متقاعد
18/11/2007, 02:24 AM
اخوي الطيار 2000

انا موتري فتك 2002 ومن شريته كان واحد من المساعدات منفقع وشريت له مساعدات منورو وركبتها عليه والى الان ماشيه زي العسل لها في موتري سنتين .

بس عيبها انها صفرا اللون . وانا اول ما اشتريتها رشيتها بويه سوداء علشان ما تبين ثم ركبتها .

فنصيحتي لك ركبها وتوكل على الله
الطيار2000
19/11/2007, 10:23 AM
وفقك الله اخوي قناص متقاعد

لكن كم سعر مساعدات منورو
مقلع الرمث
20/11/2007, 12:09 PM
اخوي الطيار انا رحت وسألت الوكاله بكم سعر الحبه قالي سعر خيالي جدا فوق 300 ريال رحت ياطول العمر لم تويوتا وشريت مساعدات حوض امامية وركبتها قدام بموتري تركب على طول مايحتاجلها شي ورخيصه وركبت وراء مساعدات لا ندكلوزر يعني في اكس ار او جي اكس ار كله سواء ولكهن ماكلفن علي اتوقع 350 ريال بالكثير وسعر المورو ايضا الحبه 150 ريال الطقم 600 وهذا سعر يعني غالي اشوي لكن عليك بالمساعدات الي قلتك تراهن مايحتاج طبعا مساعدات حقات الاند كلوزر الخلفية يجي مسمار وحلقه اما الباترول حلقيتن يعني يبيلك لا شريتهن تقص المسمار وتحط الحلقات حقات موترك واسف على الاطاله
ابو نوره
20/11/2007, 12:24 PM
السلام عليكم
انا ياطويل العمر مركب من سنتين الى الان مساعدات مورنو امريكيه
سعرها طقم الاربع600 ريال عليها ضمان سنه وماشفت منها غثى
وسمعت ان سعرها ارتفع شوي بس منيب متاكد
حمد808
20/11/2007, 12:39 PM
لاتبعدعن مساعدات الشاص4مساعدات280من الظحيان
غضنفر
20/11/2007, 05:55 PM
حمد808
ولا عليك امر
هل مساعدات الشاص تركب على ربع النيسان 2007
قدام و ورى بدون ترهيم على نفس قواعد مساعدات البلد ؟؟؟؟
بعدين اي مساعدات للشاص تقصد
لانها من 99 ونازل مساعدات الشاص زيت
و
من 2000 و طالع غاز
فايهما تقصد

وهل هي ارفع من حقات الوكالة ؟؟؟
وهل هي فعلا تثبت وجه الموتر ؟؟؟
شاكر ومقدر
مقلع الرمث
21/11/2007, 10:53 AM
ياشباب الي يبي يركب مساعدات يركب قدام حقات حوض من موديل 2000 وفوق ووراء يركب حقات لا ندكلوزر بس يبين ترهيم لان الباترول وراء حلقتين والا ند كلوزر مسمار وحلقه وخذ من الموديل الجديد يعني من 2002 يعني الشكل الجديد اما مساعدات وراء حقات الحوض مااانصح بهن لا نهن قويات مره ويفككن الموتر حط قدام حوض وراء حقات لا ند كلوزر ونم رخيص واكويس ويكد علما ان الباترول مافيه فرق بالمساعدات من موديل 2002 الى 2008 كل شي يركب والسلام عليكم
قناص متقاعد
21/11/2007, 11:39 AM
السلام عليكم
انا ياطويل العمر مركب من سنتين الى الان مساعدات مورنو امريكيه
سعرها طقم الاربع600 ريال عليها ضمان سنه وماشفت منها غثى
وسمعت ان سعرها ارتفع شوي بس منيب متاكد



اخوي الطيار 2000

كلام اخوي ابونورة 100%
الربذي
28/03/2010, 05:22 PM
معي سفاري فيه مساعدات كبار صفر قدام وورا مطبه قاسي وغثيث الكفرات كاني حاط فيهن 60 وهن اقل من 30وجامد احمله مايدري شكلهن حقات تريله تصدق عليه مطاب قويه وقاسيه وبس له قرشه واصوت تكسر اظنه وش الحل ...
سفاري959
29/03/2010, 01:54 PM
نصيحه غير البلد لا تركب الاسترالي سمعت انه قاسي مساعدات الشاص كانت على ربع نيسان مع اخوي قسم بالله ان مطبه في الظهر تقل شاص ويفكك الموتر سمعت ان حق الباترول 97 يركب وسعر الحبه 140 ريال
الركيه
29/03/2010, 10:10 PM
منورو وبس ب 600 ريال وضمان سنة
موتري 2002
د ك م 586
29/03/2010, 10:34 PM
قبل لاتشتري اسأل عن مساعدات الشاص يمدحونها الشباب وفيه واحد فاك مساعدات الوكاله ومركب حقات الشاص مع ان سيارته جديدهيقول الموتر صار اريح بالمطب .
وللمعلوميه سعر الطقم ورا 150 ريال فقط لا غير.
مالك لوا مساعدات الشاص اقسى مساعدات تركب على الباترول يعني الموتر بيصير مطبه قاسي جدا
د ك م 586
29/03/2010, 10:42 PM
نصيحه غير البلد لا تركب الاسترالي سمعت انه قاسي مساعدات الشاص كانت على ربع نيسان مع اخوي قسم بالله ان مطبه في الظهر تقل شاص ويفكك الموتر سمعت ان حق الباترول 97 يركب وسعر الحبه 140 ريال
من موديل 88 الى 2001 نفس المساعدات الحبة 100 ريال تقريبا او تنقص قليل
سفاري959
29/03/2010, 11:18 PM
مرحبا اخوي يمكن خبرك في سعرهن مبطي انا مركبهن بعد ما ارتفع سعر قطع الغيار عامه الحبه ب 140 ريال صح اول كان من 100 الى 110 وانا قريت موضوع لواحد من الاعضاء يقول ان المكانيكي قال ان مساعدات 97 تركب على الفتك وانا انصح بحقات البلد عشان مطبها لين