سعر الباجيرو يااخ داكار؟؟

[Eng.3beed]

السلام عليكم ورحمة الله وبركاته اخوي داكار او اي احد يعرف للباجيرو ياليت يعطينا اسعار
الباجيرو الربع بجميع فئاته ويعطينا اسعاره مستعمل تقريبا كم تجي ؟وياليت بعد تعطينا بعض ايجابيات باجيرو الجديد وسلبياته
لان انا كان معي واحد اربع وتسعين 3000 سي سي بس ودي اعرف الجديد
هل هو بنفس متانه وقوة القديم وبنفس تحمله لاني انا انسان اشب على المواتر ومايصبر معي الا الموتر الاصلي على قولهم ياليت تفيدنا الله يجزاك خير والجميع

[Eng.3beed]

ست وثلاثين مشاهده ولا واحد يرد كبيره بحق مكشات؟؟
وانا اتوقع السبب العصبيه ولو اني كاتب باترول ولا لاند كروزر كان العالم كلهم ردو
بس مهيب مشكله الشكوى لله

[بدوي جنوبي]

ياخي الكريم لا تزعل
اسعار الباجيرو الافضل طرح الموضوع
في قسم الطلبات بخيمة البيع والشراء

اما من ناحية الاستخدام انتظر الشباب ان شاء الله يفيدوك
اكثر ،،،،
واقولك الباجيرو ما يحتاج تشاور فيه احد وانت مستخدم قديم
المشكله في قطع الغيار والوكيل
تحياتي

[Eng.3beed]

اشكرك يااخ بدوي وننتظر باقي المشاركات
وعندي سؤال صغير يضاف للموضوع هل فيه مكينه 3800 سي سي
على باجيرو ربع ويكون القير عايدي

[رجل كريم]

وعليكم السلام ورحمة الله وبركاته:

اعذرني اخوي عبيد .. صعوبة الدخول الى المنتدى هي اللي اخرت ردي عليك ..

اسعار 2007 فل اوبشن 127 الف ريال و 2008 مع كاميرا ودف لوك 133الف ريال حسب الوكالة ولكن لم يصل بعد .. اما من ناحية الربع الفل اوبش في حدود 115 الف ريال .. والصراحة جربت 2005 فل اوبشن سواقته خرافية من ناحية المتعة والعزم الجبار وتحس ان الموتر 8 سلندر وغير كذا التراكشن كنترول ينفعك جدا في التغريزات البسيطة والمتوسطة وبالذات في تسلق الطرق الصخرية ..وصدقني الجديد افضل من ناحية الجودة والقوة وكذلك الشكل واذا بغيت تشري جديد انصحك تروح المعارض بتلقى مستعمل اخو الجديد ماشي من 5000 الى 7000 كم بحدود 105 آلاف ريال يعني بتوفر اكثر من 20000 الف ريال ..

انصحك بزيارة هذا الرابط واي استفسار ابشر بسعدك ..

http://www.assayyarat.com/forums/showthread.php?t=101487 (http://www.assayyarat.com/forums/showthread.php?t=101487)


تحياتي ..

[آل مهنا]

اخوي انت طلبت رجال بعينه ... وانتظرنا رده عليك ... باجاوبك بالي اعرفه ..

الموديلات (2002 - 2006) ... جودتها عاليه وفيه محرك 3800 على الربع والكامل بقير عايدي او تيربوتينك (ممكن ما كتبتها صح . بس هو ايوتوماتيكي وعايدي في نفس الوقت .. مثل الباترول الجديد). والسياره متينه جدا ... مريحه داخل المدينه و ممتازه في البر..

الموديلات 2007 و ما فوق ... ماجربتها لكن كل الشباب الي جربوها (ممن كان معاه باجيرو) ... ماذكروا اي مشاكل في الجوده و المتانه والتحمل عن سابقتها ... والباجيرو معروف ياباني 100%..

الفرق 2007 عن 2006 (الشكل الجديد):
- الواجهه الاماميه تغيرت (الانوار والشبك).
- الاسبير صار في النص (معلق في الباب).
- المحرك زادة قوته (وهنا فيه تفصيل)... طبعا الكلام عن محرك 3800 .. محرك 3000 لاتغيير.

طبعا السابق كان 230 حصان ... الجديد (لاحظ العزم نفسه لم يزد في الجديد عن القديم). نجي لتفصيل المحرك الجديد (حسب كاتلوجات السياره):
- قوة المحرك مع القير الايتوماتيك 269 حصان ...
- قوة المحرك مع القير العايدي 252 حصان (او 255 حصان .. ماني فاكر بالضبط).

يعني المحرك مع القير العايدي اقل قوه من الاوتوماتيكي ... شخصيا افضل القير التيربوتنك . تقدر تحوله عايدي في اي وقت ... و في الزحمه مريح.

انا سيارتي مخصصها لطلعات البر فقط ... واطلع محلات غراز شديد ... ولله الحمد من يوم عرفت لها ماخذلتني ابد...

مميزات السياره (الكلام للربع):
- محرك قوي
- نظام التراكشن كنترول والتحكم في التوازن ... ممتاز في غالب الحالات.
- القير اعتبره اكثر من رائع.
- خاصية قفل المفاضل الوسطي ... بحيث يتوزع العزم بالتساوي بين الامام والخلف.
- قصر السياره يساعدها ماتتعلق.
- وجود مبرد (على المكيف) للمشروبات.
- السياره كاملة المواصفات (جلد- فتحة سقف - مثبت سرعه - Cd- شاشة معلومات -... والكثير الكثير)
- تشبث السياره بالارض في السرعات العاليه غير طبيعي ... سياره راسيه جدا (كجيب).

العيوب:
- الوكيل .... وعد الي عشره في عيوب الوكيل... انا اعتبر الوكال محل بنشري.
- الصيانه سيئة (جهال) .. بس الحمد لله السياره ماتحتاج صيانه.
- لو فيه ثلاجه بدل المبرد الي على المكيف يكون احسن.
- سعر السياره ينزل كمستعمل بشكل كبير ... غالبية السيارات (غير صاحبة الجلاله) تنزل عندنا.
- التراكشن كنترول (ماتقدر تفصله) ... يسبب مشاكل لسواق البر المتمكن ... يعني يضعف عزم السياره شوي في البر (خاصه في طلوع الكثبان) ... انا افضل لو اقدر افصله وحاليا احاول ارهم له مفتاح يفصله.
- خزان البنزين صغير جدا(71 لتر... اعتقد).
- ارتفاع السياره عن الارض (خاصه من الامام) نازله والجنوط الي تجي على الفل 17 ... الكفرات 265\65... هي ممتازه في المدينه وماشيه في البر ... بس ماهي للاداء الشاق في الرمال (افضل جنوط اصغر وكفرات اكبر)... خلوص السياره عن الارض 235 ملم.

لاحظ ان بعض العيوب الي فوق ... هي لمن اراد سياره بريه خالصه ... لاماكن قليل جدا الي يروح لها...

واذا فيه اي شئ اقدر اخدمك فيه عن السياره انا مستعد ... انا معي ربع كامل المواصفات (والكامل وجه الله) موديل 2005 محرك 3800.

تحيتي.

[فارس القبيلة]

ماقصرت وفيت وكفيت

بالنسبة للمكينة 3800 متى صارت بالباجيروا الربع باي موديل ؟

وارجو زيارة الموضوع التالي

http://www.mekshat.com/vb/showthread.php?t=112713
**********

[Eng.3beed]

الله يعطيك العافيه ويكثر من امثالك يااخ ال مهنا
عزا الله انك كفيت ووفيت وعطيتني كل اللي ابي واكثر ويجزاك الف خير
والصراحه انا خاق مع السياره مع ان اللي كان معي باجيرو اربع وتسعين فل كامل
عايدي وغلطتي اني فرطت فيه عشان اشتري الحمام اللي اسمه باث فندر المخيس الخجمه
وان شاء الله اني راجع لملك الجيوب باجيرو باذن الله ويعطيك الف عافيه مره ثانيه

[آل مهنا]

ماقصرت وفيت وكفيت

بالنسبة للمكينة 3800 متى صارت بالباجيروا الربع باي موديل ؟

وارجو زيارة الموضوع التالي

http://www.mekshat.com/vb/showthread.php?t=112713
**********

حياك اخوي ... حاضرين بالي نقدر عليه ...

المكينه 3800 نزلت على الباجيرو (الكامل والربع) سنة 2003... ماني متذكر صراحه متى نزلها الوكيل هنا ... بس بالعاده يتأخر سنه او سنتين ...

بالنسبه لموضوع بحثك ... وش رأيك في (ربع 2005 كامل المواصفات 3800) ماشي حدود 24000.


الله يعطيك العافيه ويكثر من امثالك يااخ ال مهنا
عزا الله انك كفيت ووفيت وعطيتني كل اللي ابي واكثر ويجزاك الف خير
والصراحه انا خاق مع السياره مع ان اللي كان معي باجيرو اربع وتسعين فل كامل
عايدي وغلطتي اني فرطت فيه عشان اشتري الحمام اللي اسمه باث فندر المخيس الخجمه
وان شاء الله اني راجع لملك الجيوب باجيرو باذن الله ويعطيك الف عافيه مره ثانيه

بالخدمه للي مثلك وشرواك ... ماسوينا غير الواجب ... انا بصراحه احب الباجيرو وعندي معلومات لابأس بها عنه ...قلت اشارك بالي اعرفه...
بالنسبه لبيع السياره ... جعلها خيره لك ... الموديل الجديد احلى و اقوى من القديم ...

[الترا]

بالنسبه لموضوع بحثك ... وش رأيك في (ربع 2005 كامل المواصفات 3800) ماشي حدود 24000.



بكم حده
واللون وشو
والبدي نظيف او لا؟

[آل مهنا]

بكم حده
واللون وشو
والبدي نظيف او لا؟

حياك اخوي ... عشان ما نخرج عن موضوع الرجال كلمني على الخاص ... على اي حال مالي حد في السياره واللون فضي والسياره شبه جديده (في البيت في القراج وفي العمل تحت البايكه). تحيتي.