ياراعين الجيوب .. افيدوني تكفون .. بـ Gxr وخرابه الاقشر

[ابـ معزي ـو]

السلام عليكم ورحمة الله وبركاته

مساكم + صبحكم / الله بالرضاء والسلامه

ياخواني اللي عنده خبره بالجهه او الدفع الامامي بالجيب الاندكروزر 2002 جي اكس ار
ياليت يفيدني ..

لأن موتري جاه البلا والجلا .. مادري هو عين الله يكفيني وياكم شرها والا حسد .. الله يستر علي وعليكم وعلى المسلمين اجمعين

(( البلا الاول ))

يالربع انا موتري .. طلعت فيه رجه و مال الدركسون .. وطلع صوت طقطقه بعامود الدرسكون بوقت واحد :confused:
وصوت الطقطقه يطلع اذا ضربة مطب والا مسكت لي جلد (( تمهيده )) .. ومادري وش القصه .؟

(( البلا الثاني ))

القير صار يفضي .. اذا حنيت عليه .. ومادري وش السالفه .؟ :confused:
الله يستر بس .؟

مع العلم إني محافظ على الموتر أتم المحافظه

تكفون يالربع علموني وش بلا الجيب .. ووين افضل الورشات بالرياض تصلح المصيبه اللي انا فيها .؟
الله لا يهينكم

[ابن بدران]

وعليكم السلام ورحمة الله وبركاته

الله يكون بعونك يابو معزي

البلا الأول دواه إن شاء الله عند ميزان (العضيب) بالصناعية القديمة

والبلا الثاني عندك (الضحيان) بالصناعية القديمة شمال محل السالم للقزاز

هالورشتين أفضل من تعاملت معهم من سنين خصوصا الضحيان لان شغلهم تويوتا وبس

مر عليهم واسألهم وإن شاء الله يفيدونك وموفق خير ياخوك

[الاشعل 316]

والله العالم الموتر فيه عين

رحل الموتر وخذلك موتر ثاني والله مشورتي لك

اسءل مجرب عندي سفاري انا لاني راعي سرعه ولا خربطه

خلال سنتين وضبت الموتر مرتين ولا نفه وهذي بعد المكينه الاولى تعتبر الثالثه والله ثلاث مكاين خلال

سنتين والله العلم شكل الموتر ينتظره السوق

والعين حق يا خوي

اخوك ابو سطام

[ابـ معزي ـو]

اخوي : ابن بدران
البلا الاول .. عند العضيب .. هذا يمكن سهل امره ..

لكن ودي اعرف وش سبب البلا الثاني ..؟
هذي المشكله ..

ماقصرت الله يعطيك العافيه على التوضيح الرائع
وشاكر لك جزيل الشكر .. جزاك الله كل خير
الله يثيبك .. تقبل تحياتي

--------------

اخوي : الاشعل 316
الله يعينك على ما ابتليت به
شاكر لك مرورك .
تقبل تحياتي

[غالي]

التفضيه وانا اخوك طبيعيه ترا باغلب الاندكروزرات لاتخاف
طبعا انت تقصد تفضيه بالرمال صحيح؟؟؟

ولا يفضي القير بالرمل الا مع المطانيج
لكن
نسم الكفرات خلها على 15 او 10

واذا فضى هذا مو طبيعي

والله يوفقنا وياك

[رجل كريم]

وعليكم السلام ورحمة الله وبركاته:

ابومعزي الجيب كم ماشي ؟

القير عادي ولا اوتو؟

تحياتي ..

[الساهر2003]

اخوي انتبه من الرجه والمشكلتين متعلقه ببعض اذا الرجه سببها عامود الدبل او عامود كردان فراح يفقع الصوفة حقة القير ويطير الزيت واذا استمريت في المشي بدون زيت ينعدم القير والدبل قبله وتنعدم النحاسات مثل ماصار معي في في اكس ار 97 والله الحافظ

[صلفيق]

(( البلا الاول )) شيك علي الدوده حقت الدرقسون وكراسيها لان لها كراسي اذا خربت يرج ويميل الدرقسون صارت معي
(( البلا الثاني )) فيه صفرات بين تروس القير بعني بين كل غيار وغيار وحده تمسك القير لا يفت يبغالها تغيير بس لازم يقك القير وسلامتك

[الدحبول]

بالنسبة الرجة رح نبدأ بالحلول الاقل تكلفة :
1) ترصيص قيمة لكفر الواحد 10 ريال
2) الاذرعة يبغاله وزن أو تغير وفي الغالب وزن قيمة من 50 إلى 80
3) مساعد الدركسون شيك عليه
4) شيك على الهوبات لانه لختلف مقاس الهوبات تصير رجة
5) جلد المقصات و المقصات شيك علية
إذا ظلت المشكلة
من عامود الشف الامامي

[shaheenshah]

بالنسبة للرجة والطقطقة اعتقد والله اعلم انه عمود الدركسون عندك يبي له تغيير

[الكابتن]

:good:
وعليكم السلام ورحمة الله وبركاته

الله يكون بعونك يابو معزي

البلا الأول دواه إن شاء الله عند ميزان (العضيب) بالصناعية القديمة

والبلا الثاني عندك (الضحيان) بالصناعية القديمة شمال محل السالم للقزاز

هالورشتين أفضل من تعاملت معهم من سنين خصوصا الضحيان لان شغلهم تويوتا وبس

مر عليهم واسألهم وإن شاء الله يفيدونك وموفق خير ياخوك:good:

نعم الراى

[ابـ معزي ـو]

اخوي : غالي

الله يعطيك العافيه وكلامك صحيح جداً
انا فضا القير معي يوم كنت بالنفود ... ووقتها مانسمت
وفضى القير لكن غيره مافضى

الله يعطيك العافيه على البادره الرائعه
وماقصرت .. جزاك الله كل خير


----------


اخوي : داكار

الجيب ماشي 220 ألف
والقير تماتيك


----------

اخوي : الساهر 2003

عامود الدبل كشفت عليه وطلع مافيه شي ولله الحمد
وكذلك عمود الكردان وبعد صوفة القير ممتازه جداً
وشاكر لك مرورك وتنبيهك يالغالي ..
تحياتي


----------


اخوي : صلفيق

الحمدلله فحصت على دودة الدركسون وطلعت سليمه وطلع البلا من جلبة عامود القير ..
هو اللي سبب ميلان بالدركسون واللي خلاء الموتر يرج .. (( مساعد الدرسكون )) منفقع ..

اما القير فطلع البلا مثل ماقال اخوي (( غالي )) السبب عدم التنسيم بالنفود وهو اللي خلاء الجيب ينفلت
شاكر لك مرورك ومشاركتك اللي اضاءة الموضوع
تقبل تحياتي


----------


اخوي : الدحبول


الكفرات مرصصه ومابه احلى منها .. عند المنصور

الاذرعه وزنتها وطلعت ممتازه بس بها ميلان خفيف جداً

البلا الاول طلع من مساعد الدركسون والحمدلله تم الاصلاح

الهوبات جديده ماركبتها الا الاسبوع اللي راح .. ومن الوكاله

الجلد لحد الان ماشيكت عليها .. الله يذكرك بالشهاده

شاكر لك اهتمامك .. تحياتي


-----------


اخوي :
shaheenshah

كلامك صحيح .. البلا طلع من عامود الدركسون لكن الحمد لله ماطلع يبي له غيار
كان بس يبي له تغيير جلد .. والحمدلله غيرناها
شاكر لك


----------

اخوي : الكابتن
الله يعطيك العافيه على المرور
وفعلاً كلام اخوي وكلام اخواني الاعضاء عين الصواب
مريت على ميزان العضيب .. وعطوني العلم .. والحمد لله تم الاصلاح
لكن الضحيان للحين مامريته .. لي جوله عليه بأذن الله


------------

(( الله يعطيكم العافيه جميعاً على مروركم وعلى مساعدتكم ))
واتمنى من الله العلي القدير أن يجزاكم كل خير
وأتمنى أن الجميع استفاد من هذه الردود القيمه
شاكر لكم .. تحياتي

ابـ معزي ـو

[رجل كريم]

اخوي : داكار


الجيب ماشي 220 ألف
والقير تماتيك





انصحك انك تروح الوكالة وتشري زيت وفلتر جير اصلي وتغيرهم في ورشة محترمة وباذن الله تنتهي مشكلتك .. وايضا شيك على منظم الجير عادة يوجد بجانبه او مركب عليه ..

تحياتي ..