باترول 97

[راعي العود]

السلام عليكم ورحمة الله وبركاته
أخواني أعضاء مكشات

http://www.2ull.net/up/uploads/a63dbb994b.jpg (http://www.2ull.net/up)

اللي يعرف أحد معه مثل هالباترول يعطيني رقم البويه الله يرضى عليكم السياره في الفرن تنتظر الرش وعجزت اجيب رقم البويه وما ودي اتفلسف في البويه

[مفرق النجوم]

شف اللون صعب والله يعينك وانشاءالله تسهل امور بويتك وربك يعين والكمبيوتر احتمال يطبق اللون لك

[nejjer]

الصوره ورح لقسم الصيانه حق الوكاله وهم يعطونك رقم البوية

[بـتّاع]

اسمع ياطيب ...ولايهونون الرجال ...

اذا انت من اهل الرياض ... تروح الله يسلمك الى الصناعيه القديمه بالرياض وتتجه لشارع الجمعيه وهو شارع معروف وتسأل عن محل العمودي لبيع بويات السيارات ..وتأتي بسيارتك طبعا وتقول له ابي نفس بويت موتري ..اذا ماتقدر تجي بسيارتك جيب لك اي قطعه من سيارتك كغطاء التانكي مثلا ..وهو يسوي مطابقه عمليه على البويه ومن ثم يبيعك اياها وشغله اصلي ومعروف ومضمون ... لدرجة ان ورشة ماي كار المشهوره تأخد البويات منه ..
واذا سيارتك محروقه ولابها بويه كلش اختر انت بويه نفس بوية موترك (على نظرك طبعاً)
لاتنساني من دعواتك الله يحفظك ويوفقك

[شروكي ربع]

حبيت افيدك بشغله يالغالي ..


هي بسيطة بس يمكن ما انتبهت لها ..


الا وهي انك لو تطلع موترين من الوكالة سوا احتمال ان البوية تكون زي بعض احتمال بسيط ..


وذلك لاكثر من سبب ..


تعرضها للهواء والرطوبة والشمس يغير من البوية فصعب انها تتطابق ..


وبكذا لن تستفيد حتى ولو وجدت موتر نفس موترك لان البوية راح تختلف ..


بل حتى لو تروح الوكالة وتطلب الرقم وتطبق عليه راح تختلف البوية مع انها الوكالة ..


والسبب زي ماقلت تعرضها لعوامل تغير من لون البوية ..


فالحل الوحيد لك يالغالي تاخذ غطا التانكي وتركب البوية عليه ..


وبكذا باذن الله راح تكون البوية مطابقة ..


واهل الورش طبعا اعلم بهالشغلة والمفروض صاحبك اللي انت حاط السيارة عنده علمك هالشغلة ..

[راعي العود]

شاكر ومقدر لكل الأخوان اللي تفاعلو مع الموضوع والحقيقه اخذت الصوره معي بالجوال وطبقت اللون وإن شاء الله يكون اللون مناسب على السياره

دعواتكم يا أخوان

[ابو ســــاره]

رقم البوية تلقاه مكتوب داخل الكبوت في الزاوية علي يمينك تحت المساحات تلقاها شريحة عليها رقم البوية المفروض راعين الفرن يعرفونها ويعطونك الرقم .