الفزعه يا اهل الباترول وخبراء الكهرب

[هويدي]

السلام عليكم ورحمه الله وبركاته

عندي موتري سلقه باترول 2001 كلبليتر


فجأه وبدون مقدمات خرب علي السلف صار ما يدق

ومريت كهربائي وقالي ما يصلح لازم يتغيير وهو مافكه ولا شافه ؟!


وقالي ان السلف الاصلي بـ 1700 ريال :mad:

والتجاري لقيته 299 يقول ياباني :(

فاللي اخبره ان السلف له فحمات او يلف بسلك نحاس


فهل فيه احد منكم مر بتجربه مماثله

او شيرو علي وش اسوي ؟

[ي ح ق 517]

والله علمي علك....

[رجل كريم]

وعليكم السلام ورحمة الله وبركاته:

كيف حكم عليه وهو ماشافه ولا فكه ..! انصحك توديه لكهربائي جيد واذا اتضح انه فعلا مايصلح او اصلاح يكلف , فعليك بالياباني جيد جدا ان شاء الله ..

وللمعلومية اكثر مايخرب في السلف الفحمات وتقدر تغيرها بجديد والبوشينقات الدائرية وموجودة ورخيصة واصعب شي يخرب هو السلك النحاسي وعادة يلزم تغيير السلف بالكاملة لاكن انت ممكن تاخذ القديم وتوديه لمصنع لف الاسلاك ويركبولك واحد اطلق من شد بلده وحتى الكبمورسور حق المكيف اذا تلف السلك النحاسي نوديه لشركات تصنيع وتغليف الاسلاك ويركبون واحد نفس شد البلد ويخدم سنين فوق ماتتصور ويكلف ربع القيمة للجديد ..

تحياتي ..

[هويدي]

اخواني ي ح ق 517 و داكار

بيض الله وجيهكم على التفاعل والحرص على منفعه اخوانكم المسلمين


بس نظراً لأنشغالي هاليومين اظطريت اصلح الموتر بأسرع وقت وشريت ماليزي 200 ريال وركبته بخمسين

وابخلي الاصلي عندي ابمخمخ عليه لا فضيت واصلحه واخليه بالسياره

وان خرب الماليزي ركبت الاصلي

[مقلع الرمث]

خابرلك كهربائي مظبوط عند الرومانسي بالروابي تحصل اقباله محطة الفداء هو له محل داخل المحطه بالزاويه ود لمه السلف انشاء يبي يظبطه لك

[هويدي]

الله يبيض وجهك اخوي مقلع الرمث

بس ليتك تكتبلي رقمه كانه عندك


وجزاك الله كل خير

[مقلع الرمث]

والله رقمه مايحضرني لإني سألت عن رقمه قالولي كل فترة امغير رقمه على العموم اذا رحت لمه تراء اسمه عبد الستار وانتبه لا يشتغل بالسلف الا هو لإن عنده اهنودن توهم جايين يتعلمون والسلام عليكم

[هويدي]

تعجز الكلمات عن شكرك اخي مقلع الرمث

فجزاك الله عنا كل خير ورحم الله والديك

[ابومحمد 16]

السلام عليكم ورحمة الله وبركاته
اخوي اول شي رح كهربائي جيد وخله يفحص القلب اذا كان سليم الحمد لله بعدها اشتر فحمات سلف لأن هي القطعة الوحيدة اللي تباع للسلف غيرها وقبل مايركب خله يمسح القلب من تحت في المخرطة شي بسيط ثم ركب الفحمات الجديدة وصلى الله وبارك والسلام

[a7la1]

السلام عليكم
انا مرت علي نفس المشكله بس ما صار من السلف
صار من الفيوز الي بالكبوت حركتها كم مره الين اشتغل
السياره كانت باترول 2002
والي اعرفه ان خراب السلف يمر بمقدمات
يعني تدري انه بيخرب من ادائه
المهم لا تحوس بشي الين تعرف المشكله
ونص الحل معرفة المشكله
والله يفق الجميع