والله متعجب مره ...... ( قضية للمناقشة)

[sae_1]

تحيه طيبه وبعد
فيه امر الحقيقه شاغلني مره الا وهو.........................
كان الناس في الماضي مايحبون البر الا القليل جداوالي يطلع يقلون عنه ( حونشي ) لاكن في هذه الايام صار الكل يطلع صار الصمان حديقه والرمله كنك على رصيف الخ
فما ادري وش الاسباب التي التي جعلت الناس يتجهوي للبر
هل هي اسباب نفسيه
ام اجتماعيه
او الاحداثيات لهادور
ارجو من الزوار الافاده ولهم جزيل الشكر

[أيمن]

أحسنت عزيزي ..
موضوع في غاية الأهمية ..
نريد من الجميع المشاركة وإبداء الرأي فيه ..

من ناحية رايي أنها ترجع لأسباب كثيرة من أهمها ..
الحياة الروتينية المملة في المدينة، التي تبث في النفس إرادة التحرر من هذه الضغوط اليومية والاتجاه إلى ما يوافق فطرة الإنسان، من محبةالهدوء والطمأنينية والبعد عن كل ما يكدر صفوه، فهي فترة استجمام يستريح منها الإنسان من عناء ومن تعب ومن مشاغل البال ..
إضافة إلى ذلك ما يسرته أجهزة الملاحة من راحة نفسية لقاصد البر، مما كسر حاجز الخوف من النفوس حالة الذهاب والتوغل إلى البريّة ..
أظن أن هناك أسباب كثيرة ودوافع عديدة .. أرجو من الإخوة طرحها ومناقشتها، فهو بالفعل موضوع يستحق الاهتمام ..

تحيتي

[sae_1]

اشكرك يا اخ ايمن على ما قلت
لاكن اتمنا من الجميع المشاركه بما يراه ليذهب هذا الاستعجاب وا يستفيد الزوار


ولكم تحياتــــــــــــــي :confused:

[هواوي]

سؤال كويس ولكن يبيله فتره تفكير لانه يل بساطه لو قلنا ان الاسباب

نفسيه - فهذا معناه ان كلنا مرضانيين نفسيا

وان قلنا احتماعيه فهي حولها

وان قلنا الاحداث فاعتقد اني ابعدها م الان بالعكس الان الناس بعد 11 سبتمبر قلة طلعاتهم ملحمين عند التلفزيونات

ولكن فيه اسباب اخرى

هروب من الواقع

او اهداف تختلف من واحد لواحد يعني واحد يبي الوناسه مع الشله وواحد يبي الفقع وواحد يبي الربيع وواحد يبي (((( يحرق كفرااااااااااات:D :D )))انا طبعا اقدر تحريق الكفرات في البر اذا لقيتوا واحد يحرق كفرات في النقود لوحده فهذا انا :D
عموما الموضوع ما يبيله اجابات سريعه
وانا عن نفسي فان اطلع للمتعه فقط

لا اشايء نفسيه ولا اجتماعيه ولله الحمد كل الامور تمام

وللجميع التحيه

[راعي عنيزة]

اخوي موضوعك حلو ويستحق المناقشه وكلام الاخوان هواوي وايمن على متمه

بالنسبه لكثرة توجه الشباب للبر مؤخرا فاعتقد ان له عدة اسباب

1- عدم وجود بدائل للاجتماعات الشبابيه في الديره ( يا استراحه يا بر )

2- انتشار الجارمن واحداثياته وشجعت بشكل كبير على الطلعه للاماكن البعيده مثل الصمان والشمال والدهنا والتي كانت حكر في الماضي على فئئة محدوده لاهل الخبره والدلولا

3- انتشار اللاسلكي في البر وكثرة العالم المنسمه يجعل من طلعة البر شيء ممتع حتى لو طلعت لحالك وارتزيت فوق نفود تقل جني ;) وراسلت بيطير الوقت ما دريت عنه ;)

[السمح]

ما شاء الله عليكم ما خليتوا شي يذكر إلا وجبتوه ..

لكن أحب أن أضيف شيئاً آخر .. أنا ألاحظ أن الشباب تكثر طلعاتهم في موسمين بشكل ملحوظ :

1- موسم النزل والذي يبدأ من 15 أغسطس وحتى نهاية سبتمبر .. ويبلغ قمته في الفترة مابين 15-22 سبتمبر .. علشان القميري .. وهذا السباق المحموم للطلعات بدأ بعد أن فتح محل الرميح محلات بيع بنادق أم صتمة الهوائية في الرياض قبل أكثر من 15 سنة ، ثم ازداد بعد إن انتشرت المحلات المشابهة .

2- موسم الربيع والذي يبدأ من شهر مارس وأبريل ، ففي هذا الوقت يكون الجو جميلاً ومناسباً للطلعات ، إضافة إلى أن البر يكون قد اكتسى حلة خضراء ، والفقع زاده روعة في السنوات الأخيرة ..

أخيراً أحب أن أسجل شكري للأخ sae_1 على طرحه هذا الموضوع أو قل الظاهرة .. فحقاً لا تجد مجموعة إلا ولها نصيب في طلعات البر .. في السابق كان الواحد يخرج فلا يرى إلا سيارة صديقة فلان ، أو فلان الثاني ..

تقبل تحياتي ..

[الطريفاوي98]

اجتماعيه ونفسيه اجتماعيه ونفسيه اجتماعيه ونفسيه
انا ماني متعقد ولكن اتوقع انها نفسيه واجتماعيه ليــــــــــــــــــــــــــــــــــــــــــــــــ ــــــــــــــــش لانه اي واحد اقابله واسمع منه انه يكون عنده ظروف وينتظر الاجازه من العمل بفارغ الصبر ويروح الى البر هذى1- والبعض يكون اجباري كان عند اهله غنم بهالبر ويروح اجباري وتلقاه دايم (طفشان) ويله ويحتسي حتسي مايدري وش يحتسيله وتساله عن البر يقول ياشيخ غصب علينا وغيره كثير اما بعض الشباب عساهم على القوة وهم اللي بمنتدى مكشاااااااااااات لابالله انهم رجال سنافيه ويعرفون انهم طالعين للبر للوناسه وهبت الريح والكرم والطيب والعرفه الزينه والشهامه والله اني زدت معرفه منهم وتعلمت حاجات كنته اجهلهاااا

واما بالنسبه للخروج للبر فانه بالمواسم للقمري والحباري وغيره
النفسيه تكون من الروتين اليومي لبعض الناس ولاهم واحد

والله فقط مشاركه وان ماقدرت اوصف صح ارجو المعذره لاني ماني بمعبر صح

اخوكم الطريفاوي98:p :p :p :p

[الخبير]

السلام عليكم
انا كنت اسأل نفسي منول و اقول ليش العالم ذولا يروحون للبر اسبوع اثنين و ما يملون ، الآن عرفت ليش انا يكفيني من طلعة البر الراحة النفسية

[الهاوي]

اولاً : السلام عليكم ورحمة الله وبركاته ..
ثانياً : ما قصرتو بصراحة كل واحد اعطى سبب معين مع توافق الاءاراء وهدف واحد
يعني ::
- تقول توفر الوسائل الممكنة وتسهيل الوصول للصيد والبر .
- او تقول الناس جاها نوع من الكبت النفسي والمعنوي تبي توسع عن الخاطر وتنسف الهموم .
- او تقول هذي هواية موجودة في كل شخص لانه اساس الحياة الاولين وابائنا والاجداد بس كل واحد وله طريقة في اظهار هذه الهواية كل وحسب طريقة وبعضهم يدفنها مرة وحدة ويقول تخلف وبعضهم يقول قمة السعادة .
على العموم اختلاف الارائ لا يفسد للود قضية .
المهم انت اطلع بر الديرة للبران ويرزق الله ابعد عن الشر وغنيلة ( غني ياليل ...:D )
ما كل مجهدا مصيب ..:p

[القماري]

في البر سحر عجيب ، رماله الذهبية تثير حاسة النظر وهواؤه النقي يدغدغ الأنفاس ،وهدؤه يقوي السمع ، وأرضه تعلمنا الصبر والجلد ، وماحوت أرضه فعلاج للسقم والمرض.
ذلك هو البر شبيه الأنسان ميت ويعيش في كل عام ، هو ساحر بدون تكلف وإبداع بدون تصنع.
لماذا توجه له الكثير؟! لأنه صامد منذ القدم وغريب التكوين وغامض كالقمر . من لايحب أن يعرف كيف يكون القمر؟ فالبر شبيه القمر في غموضه وظلامه.
بعد ذلك أضف الملل وعدم الجدوى من التسكع في المراكز التجارية وقلة الثقة بين الناس وتوفر وسائل الراحة وليونة الحياة، وتوفر أيضا وسائل الرحلات البرية كالأحداثيات والأجهزة والسيارة المتمكنة - جميعها جعلت الناس تتوجه لذلك الغموض لتأخذ قسطا من الصفاء والنقاء والمغامرة والأنفراد وعد النجوم .
البر هو المكان الوحيد الذي أشتمل على معظم المواصفات خصوصا في أيام الربيع والشتاء.

http://www.geocities.com/safari4x4ksa/Naireaa1.JPG

[اخو نورة]

السلام عليكم ورحمة الله وبركاته
الاخوه الاعزاء مساكم الله بالخير جميعاً

اول شي انا من وجهة نظري ان لو الانسان يحسبها نسبة وتناسب على اعداد السكان الله يزيدهم على الخير والطاعه والاسلام كانو فيه ناس يطلعون من اول ولاهوب اعداد بسيطة بس الى كانو يطلعون اول يعرفون يختارون المكان الزين والمنزل الزين وايضاً كانو اذا راحو للبر يطولون فيه اسبوع اسبوعين وهكذا اما الوضع الان تغير وصار بازدياد من وجهة نظري لعدة عوامل منها او اهمها الزفلت صار يوصل الى اغلب الاماكن البرية الى الموتر كان يقطعها بيوم كامل صارت الان بساعه ومثال على ذلك التنهات من اول من يوصلها ويوم الله جابلها الخط اتجهو لها العالم ايضاً روضة خريم وايضاً فياض الصمان تخيلو ياجماعة الخير 90 كيلو من العتش الى بداية الصمان وكلها عروق من كان يقدر يقطعها وبعدين بعطيكم مثال قريب جداً الخط الى يروح من رماح الى شوية توهم مزودين السفلت والا اول فيه شوي مشقه وتكسير مواتر الشي الثاني الى ممكن انه يساعد اجهزة الدليله الى كل واحد يقدر يستخدمها حتى الى مايعرف يقرا ويكتب لانها عملية تعود وايضاً عملية اسهم واتجهات ورسومات على الشاشه وايضا اجهزة النداء ساعدة عالم كثير على الجرءة في الروحات والجيات وايضاً الاتصالات الفضائية 0
بس التجمهر الى حاصل الان في المناطق البرية وكثر العالم ماتلقاه الى في المناطق القريبة من المدن مثل الثمامة قريبه من الرياض وتلقى الناس يتجهون لها للترويح اليومي عن النفس مع العلم سكان جده يروحن للبحركلً يدور المتنفس الى حوله ولاكن روحو سلمكم الله لبعض المناطق الى شبه معزوله عن خطوط الازفلت مثل اخر الرمله نادر ماتلقى عالم فيها ورح سلمك الله مثلاً لمنطقة الحدود فيها فياض زينة ولاكن ماتلقى احد فيها والسبب البعد عن الازفلت

هذي وجهت نظري الخاصة

امل التوفيق للجميع