فديتكم طلب من راعين اليوكون والتاهو!!!!

[ولد الأجاويد]

السلام عليكم ورحمة الله وبركاته
أبشركم شريت لي تاهو 2002
وبغيت تفيدوني بمعلومات عن الاستخدام الأمثل للدبل ( دبله أزرار )
وكيف طريقة صيانته ومتى أغير زيوته الدبل والدفرنس والتشحيم

وبالنسبة لطرمبة البنزين طفا الموتر علي وغيرتها بس بطريقة جديدة
ركبت طرمبة VXR ثمانية سلندر وماشي زي الحلاوة ( هذا بناءً على رأي الميكانيكي اللي دخلت السيارة عنده )

وياليت تعرضون لي صور عن اكسسواراته لأنه شبيه باليوكون
ومايفرق عنه إلا الخشة من قدام


لا حرمكم الله الأجر

[الرسن]

المسأله بسيطه ياولد الأجاويد
بالنسبة للدبل فيه ثلاث ازرار تحت الاوتو
بالنسبة للزر الاول فهو لاستخدام الدفع الثنائي والزر الثاني للدبل الخفيف والزر الثالث الاخير للدبل اثقيل وعند استخدامه لازم تحط القير على N وتشغله بالنسبة للدائرة اللي فوقهم فهي اوتو اذا كنت فيمنطقة مرتفعات ورمل خفيف حطه على الاوتو ويريحك مره.
بالنسبة لزيت الدبل غيره كل 40000كيلو وزيت المكينة كل 5000كيلو مع السيفون مرة وحده (وتبقى وجهة نظر)والتشحيم يفضل انك تتفقده عند كل ماتغير زيت.
اخيرا اسال الله ان يعطيك خيره ويكفيك شره
معالسلامة

[ولد الأجاويد]

مشكور يالرسن
على هالمشاركة الطيبة

والله يجزيك خير

[ولد الأجاويد]

ما فيه أحد من راعين اليوكون

[تنوم]

اخي الكريم مثل ماقالك الرسن واضيف بانك اذا بغيت تشبك الدبل الخفيف او الثقيل لازم توقف وقوف تام وتضع القير على ال N

[ولد وايل]

اضافه على ذلك اخي الكريم في حال دخولك للنفود عليك بتنسيم الكفرات الى 10 او 15 على حسب النفود وذلك للحفاظ على المحركات

[ولد الأجاويد]

ولد وايل
جزاك الله خير
وعسى الله يبارك فيك

[ولد الأجاويد]

أخي تنوم
مشكور على مشاركتك