استفسار وفزعة يا أخوان ..!!

[راشد الحربي]

الموضوع اني ابشتري VXR موديل 2003 .... وعرض علي اثنين كلهم ممتازات بس واحد قير عادي .. والثاني قير اتوماتيك ..



فقالوا لي بعض الشباب ان الفكسار العادي ماينفع ابد وانه مايتحمل ..



ايش رايكم .. ؟؟

[.أبوعبدالرحمن]

اخوي راشد الفكسار اثبت جودته من ناحية القير العايدي والتماتيك

وبالذات من موديل 2003 الى اخر موديل للاندكروزر اللي هو 2007

هنا تعتمد على الله ثم عليك

اذا انت راعي مدينة ودايم في المدينة وبالذات الرياض لا تبعد عن التماتيك هو مطلبك

طبعا هو في البر والخطوط قوي لكن ما هوب مثل العايدي زي ما انت عارف العايدي

افضل في البر والسحب في السيارات كلها ماهوب في الفكسار بس في كل السيارات

وبالنسبة لي افضل التماتيك


ولا تنسى الاستخارة وانا اخوك

[Black VTC]

ابو عبدالرحمن ما شاء الله عليه ما قصر انا اوافقه الرأي تماما ً و بالنسبة للموترين وان كانت ما تفرق معك العادي والتماتيك وبعد الاستخارة شف الانظف محراكات و الانظف بدي و الافضل لون و الافضل ديكورات من الداخل و توكل على الله ومبروك عليك و الله يعطيك من خيره ويكفيك شره :)

[راشد الحربي]

اشكركم وبيض الله وجيهكم ..



انا حول الرياض وراعي اخطوط اتردد كل خميس تقريبا للقصيم ..



ومعي الحين جي اكس ار توماتيك حليو بس بالبر صراحة ولا بقرش ..