ودي اشتري شاص ان شاء الله بس عندي بعض الأسلة الله لا يهينكم......

[جوكر]

بسم الله الرحمن الرحيم



ودي اشتري شاص ان شاء الله بين 97و2000من الخليج بس سمعت ان اسعارها تقريبا نفس اسعار السعودية بس فيه واحد نصحني قال رح لقطر وانا اللحين ماأدري وين راح تكون وجهتي...؟؟؟...... بس مدري عن مشاكله وخراباته اللي دايم يتشكا منها وخاصة صرفية البنزين..؟؟؟.... وكم يفلل تانكيه الأساسي والإحطياطي..؟؟؟؟.....ولاحظت ان الي معهم شاص 99 يتشكون من الكلتش دائما..!!!.....ولاحظت بعد ان اللي معهم شاص2000 يتشكون من اليايات تنطلق عليهم..!!!.....وسلامتكم..... صح اني كثرت عليكم الأسئله بس تحملوني....... معتمد على الله ثم عليكم....






لا والله الــلــــي راح وقـــت الصــقـاره......والـــبـر مــا يــعجبك لا رحت دوار
الـــــبر عــــج ومـــدلـــهـم غـــــــبـاره......الـــشـكـوى لله مـيـته كـل الأشـجار
ومــــاتت دبـــابـيب الــــخلا بـالــجـاره......قضى عليها الجوع من قل الأمطار
نـشكي على الــلــــي رزقــهـا بـقتداره......الـلــي نصر موسى على كل سحار
الله يــــعـــيـد لـــكـل وادي خـــــضـاره......ويـــغـيثـنا ويــبـدل الـــعـسر بيسـار
غـــيـثٍ مــن الــــمــنـشـا يعم انتشاره......دفـــاق رفــــاقٍ حـــقـوقٍ ومـــدرار

[الاجودي]

خذ نصيحتي ولا تشري من الامارات

تشريه من السعودية ارخص لك

الحين تساوت الاسعار بسبب سحب السيارات من الامارات بشكل كبير

من السعودية والعراق

لك ان تتخيل ان الامارت تسجل حاليا يوما بيع 150 الف سيارة يوميا

يعني اسعار السيارات مرتفعه

خذ نصيحتي وانحش انحش عن الامارات

[وليف الليل]

هلا اخوي 99 زين مافى شي زمن احسن الموديلات

2000 عيبه الياي صغير لكن عدلوه فى 2001وما فوق

شف بعد الجيب السعودي والعماني ما تلقى وهى رخيصه بسلطنة عمان

انحك راح هناك

[جوكر]

ياوليف الليل.... بالعكس انا سامع ان اغلى الجيوب الشاص بسلطنة عمان ب........طيب مهيب مشكلة عندك فكرة عن اسعراها....؟؟؟....وخاصة الكامل المواصفات(الفل كامل)اللي يجي فيه ونش و ديف لوك...؟؟؟















.......

[وليف الليل]

والله اخوي على علمي ان العمانيون ينزلون يبعو جيوبهم فى الامارت لان السواق احسن فى الامارت.

اما الاسعار والله زمان عنها مالي علم بها لكن اشوفلك الشباب .

تحياتي.

[جوكر]

بسم الله الرحمن الرحيم






ايه تكفى ياوليف الليل سو خير اسأل لي عن الأسعار هناك.....الله لايهينك يالذيب

[شاص]

يمدحون أسعر قطر واحد من الشباب شراه قبل شهر 2001 بـ 52000

[ابوحماد]

اخوي تبي النصيحه خذ من وكيل السعوديه عبد اللطيف جميل والله يجيب شيصان يباني 100 في 100

وفل كامل كفرات رمليه والداخل بيج وسعره معقول 86 الف مثل الخليجي والفرق حوالي 4000 اقل من الخليجي

والعماني في السوق حول 91الف الى 100 الف وطبعا بدون ظمان توكل على الله وشتر من الوكيل

[الدبل الثقيل]

السلام عليكم ورحمة الله وبركاته
الى الأخوان جوكر وباقي النشامى
الشاص العماني افضل مواصفات واسعار لكن المشكلة في الضمان عليه في السعودية لا سمح الله لو كان فيه عيب تصنيعي ويخبط عليك وتبلشبه.وهو موجود جديد في معارض الرياض..معرض عمان ومعرض البازعي ومعرض عبدالوهاب اليحيى ومعارض القصيم معرض عبدالوهاب اليحيى.. ويقولون_والله اعلم_ان معرض البازعي يعطي ضمان ويسير تصلح السيارة عند عبداللطيف جميل بشرط ان تدفع 2000ريال زيادة عن سعر السيارة
ومن رأيي الشخصي اشتر شاص سعودي جديد لو بالتقسيط تراه يستاهل لأن المستعمل في الغالب مكدود لأنه ماياخذه الا اهل البل والشغل ةالبر والصيد وسعره يكون غالي_واهم شيء يكون بنزين 2 تانكي واللون بيج ..لماذا .. 1 شاص سعودي جديد لوجود الضمان ولأن الفرق في الخطوط الجانبية وفي المسجل وفي تركيب المكيف .. بنزين مايحتاج اذكر السبب.. 2 تانكي عشان تتمشى وتقنص براحتك.. اللون بيج لأنه اللون الرسمي ولأنه مايجيبلك الشبهه ولا تنعرف من بين باقي الشاصات وعند البيع يفرق في السعر

الفرق بين الشاص السعودي والعماني
العماني شد بلده من اليابان .مسجل اصلي ياباني . مكيف تركيب اليابان.خطوط جانبيه حمراء منظرها روعه تركيب اليابان
اما السعودي مسجله تيوتش صيني ومكيفه تركيب مصنع عبداللطيف جميل في جده وكذلك الخطوط انا من سكان جده واشوف الشاصات السعودية محملة في التريلات رايحة لحوش عبداللطيف جميل وماعليها خطوط ولا صدامات رايحين يركبونها

الأسعار

السعودي فل كامل ونش ودف لوك 96الف تقريبا مع اللوحة في جدة

العماني موديل 2004عند معرض اليحيي فل كامل ونش ودف لوك 98الف مع اللوحة_شفته في بريدة الأسبوع الماضي واللون ذهبي

ملاحظة اعرف شباب راحو لقطر قبل سبعة شهور تقريبا حصلوا الشاص موديل 2003 فل كامل ونش ودف لوك ب85الف بدون الجمارك

والمعذرة على اللخبطة وعدم الترتيب في الموضوع
وجزاكم الله خير