وين أهل الخبره والمعرفة بالجيوب فزعنكم

[قلب الداهيه]

السلام عليكم ورحمة الله وبركاته










فزعتكم يالنشاما يأهل الجيوب
الجيب الباترول اذا عشقت الدبل طلع فيه طقطقه قوية وقالي المكانيكي عندك الرمان ( رمان الدبل وغيرنا الرمان
ولازال الصوت موجود واحترت مع هالجيب
نبي شوركم يالغالي لو تكرمتوا 00

[عاشق Vtc 4800]

أهلين أخوي أنا بصراحة معي باترول موديل 2002 شاريه وكالة والطقطقة فيه حتى واحد من خوياي معه نفس الموتر وفيه نفس الصوت تطمن هذا شي عادي ...

[عاشق السيل]

أخوي عاشق الفتك ،، مستحيل يكون هذا الصوت عادي حتى لو الدبل ماشي معك تمام !!

إذا كان الصوت عند الكفرات فهذي معناها إن المشكلة بالعكوس ،، أما إذا كان بنفس الدبل فلابد من التشييك على الزيت وإذا كان تمام لابد من عرض المشكلة على الخبراء بالصناعية وإذا تهاونت يبي يجي يوم وتضطر لتوضيب الدبل لأنه يبي يجييم ( يخبط ) عليك وشف عاد كم يكلفك !!

أرجو الاهتمام بالمشكلة وهذي نصيحة أخوك وتقبل مروري يالغالي .....




.

[اورنس الشمري]

معي سفاري 98 من سنته وهو يطقطق ولهلحين وضعه

تمام....

كل شين عملت به ولا راحت...


تحاياي

[قصيمي محترم]

يختلف الصوت فهناك طقطقة عادية وفيه طقطقة عنيفة
كان مع اخوي باترول 98 طلع فيه طقطقة إذا شغلت الدبل فراح وسأل الا المشلكة أعتقد بعمود الدبل
طبعا باعه قبل لا يصلحه علشان كذا ما أقدر أفيدك بالأكيد

[قلب الداهيه]

السلام عليكم
أخي عاشق 4800 vtc
حياك الله
موتري مديل 90 والطقطقة قوي شوي تعور القلب
وصدقني هذا مو شيء عادي للموتر وداري انه يبي يضره لو ما عرفت المشكلة وصلحتها
مشكور على الرد 00

[قلب الداهيه]

أخي عاشق السيل حياك الله
قالي الميكانيكي عندك عكس واحد خربان وغيرته ولازال نفس الصوت موجود
وأما زيت الدبل ما شيكت عليه وعسى الله ييسر الأمور
ان شاء الله راح أعرضه على مختص باذن الله
مشكور يالغالي 00

[قلب الداهيه]

حياك الله أورنس الشمري
هل الطقطقة بمترك خفيفة والا قوية
لأن صوت الطقطقة بموتري قوية شوي
مشكور على المرور 00

[قلب الداهيه]

أخي قصيمي محترم حياك الله
صوت الطقة عنيفة شوي
وبسألك كم قيمة عامود الدبل تقريبا
وأشكرك على المرور 00

[اورنس الشمري]

حياك الله أورنس الشمري
هل الطقطقة بمترك خفيفة والا قوية
لأن صوت الطقطقة بموتري قوية شوي
مشكور على المرور 00

لاوالله يا جدي خفيفه ويالله تلاحظه...

[الثويرات]

http://www.mekshat.com/pix/upload/images39/mk55341_zaz.gif





على حسب شرحك وعلى حسب معرفتي ان الي عندك هو الجنزير حق الدبل تالف ويبغي تغيير


وترى فيه فرق بين بطنجه وطقطقه لان بعض الناس يسمع الموتر يبطنج مع الرمل ويقول عادية واهم اسبابها ضعف المساعدات والهواء الزايد للكفرات..
لاكن الطقطقه ماهي عاديه اكيد فيه خلل عندك

[قلب الداهيه]

لاوالله يا جدي خفيفه ويالله تلاحظه...

حياك
ان شاء الله راح أعرضه على مهندز
ونشوف وش يقول ان شاء الله 00

[رجل كريم]

السلام عليكم ورحمة الله وبركاته:


شيك على صليب عمود الدبل (الكردان الامامي) وايضا على ربلات عمود التوازن ..


تحياتي ..

[قصيمي محترم]

على حسب شرحك وعلى حسب معرفتي ان الي عندك هو الجنزير حق الدبل تالف ويبغي تغيير

الله يفتح عليك
وهذا ماقاله الميكانيكي لأخوي بس نسيت وآسف اخوي على الخطأ..

[قلب الداهيه]

يعطيكم العافية جميعا على الردود 00

[مقلع الرمث]

اخواني احب افيدكم ان الطقطقه بالباترول خاصتن تصير من جنزير الدبل تحصلونه عند الصناعية القديمه استعمال يا باني بالرياض لكن انصح بشرائة جديد لإنه على طول يخرب وسعره جديد قرابه 800 ريال وتركيبة 250 الى 300 ريال يعني يبي يكلف عليك حوالي 1100 ريال بس انصح الي يبي يفك دبله خلك على راسه عشان مايلعب عليك ياخذ الجنزير ويركبلك جنزير ثاني خربان وانتبه لا فكيت الدبل دائما الي يشتغلون فيه مايظبطون الربله حقت الدبل بعدين يبداء يهرب عليك والسلام عليكم

[قلب الداهيه]

يملا والله العافية يا مقلع الرمث
جزاك الله خير 00