بغينا خدمة من اهل قطر الطيبين

[وقيان]

السلام عليكم ورحمة الله وبركاته...


بغينا خدمة من اهل قطر الطيبين... ولايهونون بقية الأعضاء....


اليوم رحت للدوحة ادور جمس وانيت 2006..اشوفه منتشر عند أهل الدوحة لكن بالمعارض مافيه الا غمارتين وغالي جدآ....حصلت واحد بس غمارة..


ياليت اذا احد من الاعضاء يشوف لي 2006... او 2005...
1500..جير اوتوماتيك..دبل أرضي ماهو أزرار...شاصي قصير.. ويكون جمس ماهو شفر..


و اذا امكن لونه رمادي او بترولي مثل اللي بالصورة..

http://www.mekshat.com/pix/upload02/images55/mk23753_2d2d2d2.png

[وقيان]

وينكم يا أهل قطر.. بصراحة انا تعبت وانا ادور عندنا بالسعودية وماحصلت...

ياليت احد يفيدنا من قطر...

[ذيب بلاده]

وعليكم السلام ورحمة الله وبركاته

الله يرحم والديك احنا ناخذ الجموس من عندكم ((وارد الجميح))والحين اعتدل الجو والجمس الوانيت مرغوب في ذي الوقت للبر وانا أنشاء الله بدورلك لو أنك دورت في الصيف أنشاءالله بتعين وأنت راضي أذا كان اللون مختلف؟؟؟؟




وهذي أول مشاركه لي تقبلوا تحياتي

[وقيان]

هلا وغلا بذيب بلاده...

و انا اشهد انك ذيب... نووورت مكشات يا الغالي....يسعدني ان اول مشاركة لك تكون في موضوعي...

يا الغالي المشكلة الجموس في الشرقية عندنا مرغوبة و ما احد يبيعها...


و اذا حصلت موتر طيب عطنا خبر يا الغالي... بانتظارك...

[ذيب بلاده]

وقيان هذا ايميلي وكلمني qatar-c@hotmail.com (qatar-c@hotmail.com)

[وقيان]

وقيان هذا ايميلي وكلمني qatar-c@hotmail.com (qatar-c@hotmail.com)


اخوي ذيب بلاده.. انا اشهد انك ماقصرت يا النشمي...

لكن لاحظت الأسعار غالية عندكم..نار بصراحة...

[أبو ياسر]

والله انك صادق اخوي وقيان

من تالي الناس طاحو بالجموس بشكل مب طبيعي يمكن عشان ارتفع سعر الشاص

انا مثل حالتك اخوي دورت عندنا بالدمام الين تعبت ومالقيت الي ابيه وللمعلومية اني كنت ادور مثل المواصفات الي انت كاتبها

يعني قطع عشرة وقير تماتيك والدبل أرضي

لكن عندي استفسار وش السبب الي مخليك تحدد جمس مب شفر لهذي الدرجة الشفر سيء

مع العلم اني قلت الظاهر مالي الا وانيتات الشفر وارد امريكا الي نشوفها بالمعارض زي السلام وغيرة لكني ما ادري عن مشاكلها


و ما اقول الا الله ييسر لك امورك وتلقى الي تبيه إن شاء الله

[cute]

ابو ياسر صباح الخير رح لمعارض الدمام تعرف معرض جزيرة السيارت موزع نيسان اللي بالزاويه تلقى مقابله برحه به جموس قطع عشره دبل واجد وعندك معرض الخشيبان شايف به اليوم واحد كحلي ابدااااااااااع ماشاء الله ولا تنسى تمر معرض الهدا تراه مليان جموس

[cute]

يؤ نسيت رح لصالة العوهلي عنده بعد عنده واحد موديل 2000 بس موتر روعه ماشاء الله
وعليه ضمان بعد موتر من جد مليان
بس انه مغليه شوي رح وشيك ترى الصاله على طريق الجبيل وانت طالع من الدمام قبل كبري سيهات على يدك اليسار والله يوفقك تلقى اللي تبي
تدري ليش انا مهتم بموضوعك ؟؟؟؟ لأن ولدك سميي ولا يهون اخونا وقيان

[أبو ياسر]

الله يعطيك الف عافية اخوي cute على هالمعلومات الوافية وآسف على التأخير

الظاهر انك هاوي جموس ماشاء الله عليك

عز الله انك كفيت ووفيت

تبي اقولك شي بس ماتزعل

انا طالب و توني ماتزوجت

بس الله يجيبه آمين

ومشكور مرة ثانيه