انا محتار بالكفرات هذي وش رايكم

[عبدالله الصالح]

السلام عليكم ورحمة الله وبركاته

يالربع انا ودي اركب كفرات بس بصراحه انا محتار

يبن الياباني والكوري والصيني

انا مجرب الياباني بس جنبه لين يعني مايعوق

والكوري يمدحونه بس نقشته بايخه

لكن السؤال هنا عن الصيني

اسمه ( قودريد ) كاني مخطيت بسمه

انا صراحه اول مره اشوفه شكله زين يعني النقشه :good:

بس السؤال هل هو زين يعني جنبه قوي وماطاه قوي

هل هو راعي بناشر

مع الفرامل يحذف

تكفون ابي الرد بسرعه

للي مجربه


،، اخوكم القصمنجي ،،،

[الوشاح]

هلا بالقصمنجي

الياباني وانت مجربه ماعليه كلام

الكوري ممناز عن تجربه لاكن مايصلح للحجر

الصيني ابعد عنه مالضاهر ينفع

[.أبوعبدالرحمن]

ممكن تقول لنا وش هي سيارتك؟؟؟؟


وكم مقاس الجنط؟؟؟؟

[عبدالله الصالح]

هلا اخوي صح ماتلاحظ اني ناسي اذكر نوع السياره


الموتر جيب جي اكس 97






،،،اخوك القصمنجي ،،،

[سنجااار]

انا مركب بالون ماكسس تايواني نايلون 8 غاط من احسن مايكون بالحصى بالنفود والله اخلي به عشير واطرد بالحصى بس عيبه يحوص اذا بدى يمس زرعه
وللمعلومه انت راعي طردي بالحصى خذ نوع نايلون 8 غاط
آمل اني افدتك والسلام ختام

[أبو LAMeS]

يا أخوي عليك بكفرات ميشلان ... حتى لو كانت تايلندية
أنا متأكد أن الموتر راح يختلف عليك طبعا للأفضل

[عريني]

اخي الكريم توجد كفرات اسمها ماكسس بس ما هي بالون نفس الشركة المصدرة لماكسس البالون بس نقشتها تصلح للبر نفود والا شعيب ولينه وممتازة وجزاك الله خير ...................