نبي رأيكم يا أخوان............

[zz822zz]

السلام عليكم ورحمة الله وبركاته...

أنا أبشاوركم عن شراء سيارة بر......:D :) :D

أنا معي حوالي 32 ألف ريال سعودي ودي أشريلي موتر بر ممتاز بالقيمة ذي ويكون عزمه حلو والتطعيس فيه حلو ..... (((أهم شي أنه مايوقف أبد يعني يوديك لأي مكان تبيه من دون مشاكل)))


وأنا أفكر الحين بالباترول موديل 99/98 باب واحد (ربع) وش رايكم فيه؟؟؟؟أنا لقيته عندنا في القصيم بحدود34 وتحت....
وهل مشاكله كثيرة ولا كويس ماعليه؟؟؟؟
أنا إلى الحين متردد أشريه !!!!!
طيب وشاص النيسان هو زين أو الربع أحسن منه؟؟؟؟
و أذا كان تخبرولنا موتر أحسن منه بالقيمة اللي معاي فقولولي وشو الموتر!!!؟
واللي عنده موتر للبيع يعلمنا.....:D

ملاحظة (( الشروكي مطلعه من راسي ما أبيه ))))):no2: :D :no2:


أرجو التجاوب معاي وشكراً لكم وجزاكم الله خير:)

http://www.nissan-arabia.com/vb/orange/misc/progress.gif

[.أبوعبدالرحمن]

الربع النيسان ما عليه قصور لكن انتبه خذ نظيف

لكن ترا مع الاستخدام يطيح عزمه


وودي انك ما تستعجل اصبر شوي


لكن اذا بتاخذ من 97 وتحت افضل بكثيييييييييييييير من الجديد

[راس الرعيلة]

والله ياخي مشكلتك أنك مطلع الشروكي من راسك

خخخخخ

عموما الناس رغبات وهذي رغبتك

الله يرزقك بالموتر اللي يريحك ويجوز لك

أتمنى لك التوفيق وأن تعيد النظر بالشروكي (سبورت)

وتقبل مروري

[ولد وايل]

تبي نصيحيت اذا هو سياره ثانيه خذ شاص نيسان افضلك اما اذا هي سيارتك الوحيده فالله يرزقك بشي زين

[zz822zz]

الربع النيسان ما عليه قصور لكن انتبه خذ نظيف

لكن ترا مع الاستخدام يطيح عزمه


وودي انك ما تستعجل اصبر شوي


لكن اذا بتاخذ من 97 وتحت افضل بكثيييييييييييييير من الجديد
مكشور على تجاوبك معي....

المشكلة يا أخوي أن ال97 غالي جداً وشرايك أني أعرف واحد بايعله واحد ب51.000 ريال!!!!

لاكن أذا لقيتلي واحد سعره زين راح أخذه أن شاء الله...

طيب أنت تقول أن 97 وتحت أفضل من 98 وفوق طيب ليش؟؟؟؟؟ وهل يفرق بينهن بالعزم؟؟؟

وتراي أنا منب راعي اللي يحب يركب خربيط بالمكينه... أنا أن عدلت شي باموتر يمكن بس أني أعدل المساعدات فقط!!!!(((واحد مايحب الميكانيكا)))

عل عموم مشكور وماقصرت

[طراد 1]

لا والله خذلك 99 نظيف ...احرص يكون نظيف وراح تشوف الراحه مع البر والخط وكل مكان ...الــ 97 غالي ومادري ليه ..؟؟؟ يمكن عشان شكله والصدام حديد ...!!! بس الوكاد خذلك 99 ارسئ واريح وبعدين انت تقول مابيه ياقف بالبر هههههه هذي من السواق يالغالي بعضهم مايعرف يسوق وبعضهم ينطق السكس { التريله } من بين الطعوس ....وتقبل وجهة نظري

[zz822zz]

والله ياخي مشكلتك أنك مطلع الشروكي من راسك



خخخخخ


عموما الناس رغبات وهذي رغبتك


الله يرزقك بالموتر اللي يريحك ويجوز لك


أتمنى لك التوفيق وأن تعيد النظر بالشروكي (سبورت)



وتقبل مروري

خخخخخ......
تدري ليه ياخوي !!!
عشان كان معي شروكي موديل99 فل كامل(كونتري خليجي) قعد معي 7 شهور صراحة ما تهنيت به !!!
أسبوع معك و أسبوعين بالورشة!!!!
والله أنه بهذلبي بهذله !!!!
وأعطيك مثال : مرة كنت طالع لم بر بعده عن بيتنا 50 كيلو تقريباً المهم يوم جيت أبرجع لم البيت أذن المغرب طبعاً أظلمت الدنيا وأمشي وشوي ألا أنطفا علي النور!!!! صراحة تورط الخط سيد واح ويخوف !!!! صرت أمشي 20 ومطلع الكشاف كل شوي أشغله و أطفيه عشان أنبه اللي قدامي !!!!:confused:

عشان كذا كرهت الشروكي !!!!
بس صحيح أن فيه ناس صرا معهم الشروكي ممتاز جداً بل أحسن من الياباني بالخربات!!! يعني الدعوه حظوظ:( :(

مشكور أخوي على تجاوبك معي وشكراً

[zz822zz]

تبي نصيحيت اذا هو سياره ثانيه خذ شاص نيسان افضلك اما اذا هي سيارتك الوحيده فالله يرزقك بشي زين
مشكور أخوي على تجاوبك معي...
عندي موتر ثاني صغير(كامري) اللي أبشريه بس للبران و الطلعات....

أنا راح أشوف الشاص وراح أفكر وأختار الزين أن شاء الله ...

[zz822zz]

لا والله خذلك 99 نظيف ...احرص يكون نظيف وراح تشوف الراحه مع البر والخط وكل مكان ...الــ 97 غالي ومادري ليه ..؟؟؟ يمكن عشان شكله والصدام حديد ...!!! بس الوكاد خذلك 99 ارسئ واريح وبعدين انت تقول مابيه ياقف بالبر هههههه هذي من السواق يالغالي بعضهم مايعرف يسوق وبعضهم ينطق السكس { التريله } من بين الطعوس ....وتقبل وجهة نظري
مشكور على ردك أخوي....
من ناحية الساوقتي بالبر أصدق أنه نص ونص!!!

يعني مو سواق ومو مايعرف يسوق .....

طيب أنت مجرب الباترول (ربع)؟؟

أذا كنت مجربه وهذا رايك فأنا راح أخذلي واحد أن شاء الله...

[الجال الطويل]

تبي راي مجرب--ابشر-انا جربت الارباع من موديل 88 الى موديل2002الموديلات القديمه من97وتحت تتحمل كد اكثر من الموديلات الجديده ورساوه بالبر وخصوصا مع السرعه

اما الموديلات الحديثه اريح واوسع وبعد التجربه الشخصيه انصحك تاخذال99 اللي ذكرت اذا كان نظيف بالسعر اللي ذكرت يعتبر لقطه والله يوفقك

[zz822zz]

تبي راي مجرب--ابشر-انا جربت الارباع من موديل 88 الى موديل2002الموديلات القديمه من97وتحت تتحمل كد اكثر من الموديلات الجديده ورساوه بالبر وخصوصا مع السرعه

اما الموديلات الحديثه اريح واوسع وبعد التجربه الشخصيه انصحك تاخذال99 اللي ذكرت اذا كان نظيف بالسعر اللي ذكرت يعتبر لقطه والله يوفقك
خلاص أجل أدامك أنت مجرب فأباخذلي واحد أن شاء الله وراح أبشركم..........