ياشباب تعبت ادور جيب ولقيت ولاكن ............استفسار لاهنتوا

[cute]

السلام عليكم ياشباب تعبت ادور جيب سلقه ربع مالقيت جديد
المهم قلت اخذ مستعمل للأسف مالقيت الزين المهم لقيت جيوب ربع حكوميه
مرشوشه لون اخضر مديلاتها 2004 طبعا هي نيسان المهم انهن حليوات
وممشاهن من الميه وجاي قالي تخير على خمسين الف وش رايكم بالسعر ؟
ارجو من اللي له خبره بالسوق يعلمن الله يجزاكم خير
على فكره مدري هنا مكان الموضوع ولا لا تراي عليمي بالمنتدى

[cute]

وش رايكم اشتري ولا لا ؟؟؟
على العلم ان الجبر اللي بالشرقيه قالي يجي بعد 6 شهور يعني اذا جا الحر والرطوبه :(
اصبر ولا اخذ من ذولي الحكوميات ؟؟؟

[zz822zz]

ياخوي أسعارهن غاليات شوي!!! ولا بعد مرشوشات!!!

طيب أخوي أنا أدورلي ربع باترول موديل 99 ما تخبرلي واحد نظيف وسعره كويس؟؟؟؟

[cute]

أول شي مشكور على نصيحتك
ثاني شي أنت بالشرقيه ولا وين ؟؟؟
اذا بالشرقيه خابرلك واحد

[zz822zz]

لا والله أنا بالقصيم...
أذا كنت خابرلي واحد ممكن تعلمن مواصفاته وكم ماشي هو نظيف أو لا؟؟؟

مشكور وماقصرت

[cute]

شف يالذيب به عدد 3 سيارات موديل 2002 ربع ابيض السيارات حليوات بالحيل وممشاهن من الميه وعشرين وجاي بس عيبهن استخدام شركه والوانهن بيض حادينهن على 42 واذا انت صامل يبي ينزلون بالقيمه ولا تنسى ترى اذا شريت منهم يبون يعطونك ضمان على القير والمكينه والمكيف والدفرنسات >>مابقى شي :cool:
طبعا الضمان 20 الف كيلو او سنه والسيارات موجودات بالدمام وواحد منهن بغيت اشريه الا شوي بس عيبه به فتحت دريل بالبدي الظاهر كان به انتل وطبعا مراتبهن الخلفيه عرض
اذا انت قروشك ببحر الاربعين تراهم يبي يبيعون

[المميـز]

معارض بريده تلقى انظف من مواتر الشركات

حتى لو كان سعر الموتر غالي لكن يستاهل


اما بالنسبه للي تقول سيارات حكوميه ومرشوشه فهي غاااااااااااااااااليه جدا


والله يوفقك ,,,

[zz822zz]

شف يالذيب به عدد 3 سيارات موديل 2002 ربع ابيض السيارات حليوات بالحيل وممشاهن من الميه وعشرين وجاي بس عيبهن استخدام شركه والوانهن بيض حادينهن على 42 واذا انت صامل يبي ينزلون بالقيمه ولا تنسى ترى اذا شريت منهم يبون يعطونك ضمان على القير والمكينه والمكيف والدفرنسات >>مابقى شي :cool:
طبعا الضمان 20 الف كيلو او سنه والسيارات موجودات بالدمام وواحد منهن بغيت اشريه الا شوي بس عيبه به فتحت دريل بالبدي الظاهر كان به انتل وطبعا مراتبهن الخلفيه عرض
اذا انت قروشك ببحر الاربعين تراهم يبي يبيعون
والله ضمانهن حلو.........

بس والله أن مامعي ألا 34.000 ريال بس
طيب هذولي هن بخاخات ولا كلبليتر؟
ووشي الشركة يعني وش نوع عملهم بالجيوب؟؟؟
وأذا كنت خابرلي واحد بالفلوس اللي معي تكفى تكفى علمن به...

ومشكور وماقصرت يالذيب

[cute]

اولا شكرا لك اخي المميز على ردك
ثانيا وصيت شباب بالقصيم بس ياخوي الباترول هناك وبالرياض ناااار
ثالثا ذولي عيبهن اللون ولا تصدق اني لاقي واحد منهن ماشي خمسين الف بس !
ولو تشوف مكاينهن ياخي مواتر ماشاء الله بس عيبهن ها البويه
بس الظاهر اني ابنتضر لين يتوفر بالمعارض جديد ابو 75 الف واشري واحد ابركلي

[cute]

يورالي انهن بخاخ بس ما ادري والله
على العموم هن عند عبداللطيف جميل قسم المستعمل واذكر واحد منهم ماشي 115 الف بس واذا على كلامك قروشك 34 زودهن من الراتب ولا ادخل جمعيه من شباب المخيم ولا تسلف ولا شفلك حل وكمل الاربعين
طبعا لا تسوي شي من هذا لين تشوف السيارات اخاف مايجوزنلك والناس اذواق ونظرات
واللي خلان اعرف انهن لشركات لانه يوجد استكر على الباب ومشيول ولا لمع وباقي اثاره شوي وانا انصحك شف اسعار 2002 اللي عندكم وتعال شف ذولي
وترى 42 الف هذا سعر الزول حق المبيعات يعني اذا دخلت على السعودي اكيد بينزلك خصوصا ان لهن فتره عندهم
والله يوفقك بالموتر الزين وابتشوفلك بمعارض الدمام 99 على طلبك ابشر من عنوني............ياكثر كلامي

[zz822zz]

يورالي انهن بخاخ بس ما ادري والله
على العموم هن عند عبداللطيف جميل قسم المستعمل واذكر واحد منهم ماشي 115 الف بس واذا على كلامك قروشك 34 زودهن من الراتب ولا ادخل جمعيه من شباب المخيم ولا تسلف ولا شفلك حل وكمل الاربعين
طبعا لا تسوي شي من هذا لين تشوف السيارات اخاف مايجوزنلك والناس اذواق ونظرات
واللي خلان اعرف انهن لشركات لانه يوجد استكر على الباب ومشيول ولا لمع وباقي اثاره شوي وانا انصحك شف اسعار 2002 اللي عندكم وتعال شف ذولي
وترى 42 الف هذا سعر الزول حق المبيعات يعني اذا دخلت على السعودي اكيد بينزلك خصوصا ان لهن فتره عندهم
والله يوفقك بالموتر الزين وابتشوفلك بمعارض الدمام 99 على طلبك ابشر من عنوني............ياكثر كلامي
مـــــــــــشـــــــــــــــكــــــــــــور وماقصرت يالذيب...

أنا بكرا أن شاء الله أبروح لم المعارض اللي عندنا في القصيم وبشوف أسعار 2002 أذا كانن أغلى من اللي عندك فأنا راح أشاور الربع وأستخير الله وأشوف وش يصير علي...

وأنت أن قدرت تعرف أنهن بخاخات ولا كلبليتر تكفى علمن .....ووش هن سفاري ولا سياحي؟؟؟
وماعليش أبزعجك شوي...(أن قدرت تروح لم معارضكم تشوفلي 99 فجزاك الله ألف خير).....

والله يوفقك بالموتر اللي تبيه.... وأحسن لك أنك تاخذلك جديد....(مــــبــــروك مقــــدماً)

[cute]

بسم الله
الجيوب اللي اقولك سلق ستاندر يعني
اما 99 ابدورلك ابشر دايم اروح للمعارض بس لو تعرف احد
بالرياض يدورلك تراهن كثر التراب الله يكرمك والقارئ
واسعارهن من 29 الى حدود 36 حسب النظافه

[أبو_خالد]

أنا معي باترول 2001 صالون ذهبي نظيف ماشي 145 ألف

وودي أبيعه وأشتري ربع من موديل 2000 وطالع بس ودي إنه ما يتعدى الـــ 30 ألف


إذا تخبر أحد يشري اللي معي .. وإلا شفت لي جيب ربع نظيف وسعره معقول ترااااي صامل بإذن الله.

ولك مني جزيل الشكر

[cute]

بسم الله
اللي معك وشو ؟
سفاري ولا سوبر سفاري ولا عادي ؟
اذا انت بالرياض امس الجمعه واحد من الشباب يدورلي يقولي
بالنسيم اكثر المعروض من الفين وتحت يعني 2000-99-98 وفيه جيوب معروضه حقت الاتصالات بس انهن مرشوشات بس نظاف بالحيل اما بالشرقيه زي ماقلت 2002 ماشي ميه وعليه بالاربعين
وبعدين يابعدي 2000 بالثلاثين ماهقيت تلقى الا واحد كان مع طاره=سواق وجابه على الجنب ولا على التنده هههه

[أبو_خالد]

اللي معي Sgl-e

و كيف أشوف سيارات الإتصالات

أنا بالحفر

[zz822zz]

خلاص أنا وصيتلي واحد من الرياض يدورلي......

مشكورررر وماقصرت......

(طيب الجيوب حقت الأتصالات كم موديلاتها وكم أسعارها)