ماطور هواء رخيص وسعره فيه وخدمته ممتازه شف بنفسك

[NissaN 1990]

السلام عليكم ورحمة الله وبركاته


يا أخوان هذا الموضوع يخص أخونا الفتكي وهو صاحب الموضوع والماطور بس أنا نزلته الصور فقط
والي عنده أي أستفسار عن هذا الجهاز هو راح يجاوب عنه.....



موقعه في الرياض شارع الريل فيه محل التويجري عنده مكائن بناشر وكذلك مكائن مخارط اسأله عن ماطور فيني ايطالي الصنع لون الجرم احمر بلاستيك سعره 1200 ريال وإذا حسبت المواطير الصينيه مثل أبو جمل وغيره وكل فتره تشتري ويخرب عليك ويحتر ولا يعبي إلا على سياره وحده وبعدين لا زم يبرد أشتر الأصلي وريح راسك ولا يخرب عليك ولا يحتر وقوته 600 وات 12 فولت وحجمه معقول انا معي الان من عام 1424 هـ والى الان لم اجد منه اي مشاكل والله واعبي فيه مستعد اكثر من خمس سيارات ولا فيه اي مشكله فيه مروحه شد البلد واعبي فيه السيارات الكبيره وكذلك فيه بلف تأمين....
والله ماراح تتحسف اذا شريته بالقيمه

إضافة معلومة يقول أخونا الفتكي أنه عبابه ثلاث سيارات دفعه وحده وأنه يعبيبه الشياول والرشاشات حقت المزارع.....

the.5555@hotmail.com (the.5555@hotmail.com)[/quote]


الصوره الأولى توضح حجم الماطور في كبوت السياره
http://www.mekshat.com/pix/upload02/images55/mk61773_5541.jpg

الصوره الثانيه توضح الكتابه اللي على جنب الماطور
http://www.mekshat.com/pix/upload02/images55/mk61773_44585.jpg

الصوره الثالثه
http://www.mekshat.com/pix/upload02/images55/mk61773_441514.jpg

الصوره الرابعه توضح حجم الماطور من الأعلى
http://www.mekshat.com/pix/upload02/images55/mk61773_444115.jpg

الصوره الخامسه توضح مقارنة الماطور مع ماطور أبو جمل ولو تلاحضون داخل الماطور في الشبك الأحمر فيه مروح للتبريد على الماطور
http://www.mekshat.com/pix/upload02/images55/mk61773_27112007103.jpg


عدم لمس الماطور للتراب أثناء التشغيل لأنه مضر بالماطور

[مجنون نيساني]

الله يعطيك العافيه بس السعر غالي شوي (مجرد رأي)


تقبل مروري \مجنون نيساني

[قناص بريدة]

السعر غالي بس لك وللزمن ...

الله يعطيك العافية

[NissaN 1990]

أخواني مجنون نيساني قناص بريده شرفتو الموضوع بمروركم وردودكم وأقتراحاتكم بس الرجال يقول أنه عنده من عام 1424 إلى عامنا هذا وحنا داخلين في عام 1429 ومن هذيك السنه ما أشتكى منه ولا خرب معه وأنتم لو تحسبون اللي شريتو من عام 1424 راح تطلع دبل قيمة هذا الماطور وآسف على الإطاله

[الفتكي]

السلام عليكم ورحمة الله وبركاته

اولا اشكر اخوي نيسان 1990 على طرح الموضوع لأجل الجميع وكذلك اشكر بقية الأخوان على الردود بشأن زيادة سعر الماطور بصراحة صحيح إن قيمة غالية بس والله ماهي كثيرة عليه والله وكثير من رأى الماطور وشاف طريقة تعبئته ذكر الله عليه وقال يستأهل حلال عليه بس الذي يستعمل الهواء كثير لا يفوته اذا كان صاحب رحلات كثيره صدقوني انا مره ذهبت للبر ومعي ماطور صغير من نوع أبو جمل شاريه بقيمة 270 ريال شاريه من الامارات قبل يجي للسعوديه وتعطل معي كفر وعبيته فيه والله ماكمل معي الكفر والحمدلله جاب الله لي واحد معه ماطور ياباني صغير وعبيته وبعدها قلت والله ماشتري الا الزين لو فيه زود فلوس والآن فيه واحد يسومه مني 800 ريال قلت ماراح افكر في بيعه لكن اذا بغيت تجرب الماطور جرب فيه كفرات بالون وتعرف الماطور ويش الزين
وانا ما اقول الا يقلل من سعره من يستفيد الناس وانا اسف واعذرون على الاطاله.
The.5555.hotmail.com

[NissaN 1990]

حياك الله أخوي الفتكي وحنا بالخدمه طال عمرك وأتمنى أن الشباب يستفيدون ويوفرون على أنفسهم......

[سفاري]

بكم دقيقه يتفخ كفر الجيب ؟

[الفتكي]

السلام عليكم ورحمة الله وبركاته

اشكرك اخوي سفاري بصراحه انا عبيت فيه كفر الحوض السخيف مقاس 345\85 من صفر الى ثلاثين بدقيقتين علما انني خلعت الابره من بلف الكفر حتى فرغ كل الهواء من الكفر وبعدها عبيته حتى ثلاثين بدقيقتين فما بالك اذا كان فيه 20 او15 اعتقد ولا شي . واشكرك يالغالي وجميع الموجودين في المنتدى.

[المميـز]

مشكووور على المووضووع

[رملان]

الماطور معي له اكثر من اربع سنوات افضل ماطور على الاطلاق
ولكن التويجري ماعاد جابوه لارتفاع السعر علمي بهالكلام العام
تقبلو مروري.

[تيتشر]

من اللي اشوفه ان الماطور كويس

ومهما كان السعر طالما انه بيكون ثقه وبحط ببطني بطيخه صيفي

اعتقد ان السعر معقول

لأن الماطور لك وللزمن