شريت نيسان نصايحكم يأهل (الباترول)

[هولوكس2005]

بسم الله الرحمن الرحيم

كيفكم يشباب عساكم طيبين

أرض جرداء وأسهم حمراء وأسعار غلاء
وحال المسلمين تزداد رداء فأكثرو من الاستغفار
لأنها حل لكل بلاء
أستغفر الله أستغفر الله وأتوب إليه

يشباب ابشركم شريت باترول 2004 SGL V

وأبي بعض النصاح عن المساعدات وهل تنصحوني بالكعكات مادون اليايات وكم ارفعه صانتي لأني راعي تحميل
و ماودي الموتر يهزع

وسمعت عن مساعدات الشاص ومساعدات الاندكروزر وعن مساعدات مونور رأي المجرب



ونصائح عامة دون التحفظ عن أي شي

لأن الموتر فاضي مع العلم بأني راعي مكاشيت
وأول مره اشري جيب بعد (( الهلي ما تملي ))



تقبلو خالص تحياتي
أبوراشـــــــــــــد

[الفتكي]

بسم الله الرحمن الرحيم

اولا: السلام عليكم اخوي هولوكس 2005 كيف اخبارك واقول ماشاء الله تبارك الله الله عطيك خيره ويكفيك شره الله يجعله مركب السعاده .
ثانيا: من رأيي انك لاتضع فيه أي شي سوا اليايات الاستراليه في الخلف فقط المقاس الاوسط احسن شيء لأن المساعدات حقات بلده قويات اقوى من حقات الجيب والمونورو لأني مجربهن ممتازات اذا كان الموتر غير الديزل واليايات والمساعدات الي قدام ممتازات حقات بلده لا تزيد عليهن شي. هذا مجرد رأي. واشكرك اخوي

[عاشق السيل]

ماشاء الله تبارك الله ،، ألف مبروك أخوي وخير ماسويت وعسى الله يطعمك من خيره ويكفيك شره ،،

وماعندي إلا نصيحة وحدة وهي الله الله بالمحافظة على الموتر تراه غالي على القلب !!

والله يجزاك كل الخير على المقدمة الجميلة والأكثر من رائعة وعساها في موازين حسناتك وتقبل مروري يالغالي ....




.

[qw77]

اخوي هولوكس 2005
الله يبارك في السيارة ويكفيك شرها ....

[هولوكس2005]

آآآآآآآمين والله لا يرينا مكروه الله يجزاكم خير ويطول أعماركم بطاعة الرحمن وننتظر باقي الأخوة

[غضنفر]

اولا
مبروك الموتر
وعز الله انك عرفت تختار خاصة اذا هو قير عادي
الباترول
يبيله
1- ياي استرالي خلفي اقل مقاس عشان ما ينزل الموتر لا حمل
2- مساعدات البلد زينة و مريحة بس ان وجه الموتر يقوم يهابد بالنفود
وعندك عدة حلول
1- تركب ياي امامي ( لا انصح فيه غالي ويرفع وجه الموتر ويزيد الصرفية)
2- تركب مساعدات منرو صفر ( ايضا لا انصح فيه لانها قاسية بزود ولا تنفع الا لراعي الطمر والقمز)
3- تركب مساعدات استرالية (برضوه لا انصح فيها غالية تخيل الطقم بــ 1200 ريال)
4- تركب مساعدات جبريل ( ممتازة ورخيصة الطقم بــ 320 ريال بس انها نوعا ما لينة ولا هنا فرق واضح عن مساعدات الوكلة)
5- تركب مساعدات شاص غاز قدام و ورى (ممتازة ورخيصة الطقم بــ 320 ريال وتركب على قواعد مساعدات البلد لا تحتاج ترهيم ولاحاجةو وجه الموتر يصير ثابت ولا يتحرك لو تاخذ فيه اقوى مطب بس بالمقابل راحة الموتر تبي تقل خاصة بالخط يصير يقامز شوي)

[البّري]

اولا مبروك السيارة الله يجعله داخلة عليك بالبركة
وان يجعلها عونا ً على طاعته

ثانيا انا رحت العام الماضي لم واحد ضيعت اسمه الآن ولكن هو شرق بريدة ومتخصص بالجيوب ونصوووح جداً واذكر انه ركب لي مساعدات سفاري 97 ومساعدات جيب ربع بس ما ادري ايهن اللي قدام من اللي خلف ... لكن رح له تراه رجال نصوح ويشير عليك بالزين
اخوك البرّي

[هولوكس2005]

مرحبا هلا اخوي غضنفر الله محي أصلك

الموتر قير عادي

يعني اركب أقل مقاس ياي وراء وهل راح أحس بالفرق الواضح في المشيل وهل يرتفع الموتر واجد

طيب وش رياك في الكعكات هل هي مجدية وعملية


والي شفته مناسب من كلامك مساعدات مونور قدام فقط



وشكرا على هذا الخدمة الاخوية

[هولوكس2005]

مرحبا هلا أغوي البري

كان قصدك ورشة الهبيش أبوسليمان فعزالله بأنه رجال مايحتاج وراح استشيره بإذن الله

[غضنفر]

ايه اكيد راح تحس بالفرق اذا شلت عليه شي
ما عاد ينزل الا شي بسيط
والارتفاع على حسب المقاس الي تركبه
من 3-6 سنتي يرتفع الموتر
و الكعكات ما تصلح تطلع اصوات ولا يعتمد عليها

[بدوي جنوبي]

نصيحتي لك لا ترفع الموتر كثير عشان

ما تأثر علي القير والدفرنس

http://www.mekshat.com/pix/upload02/images55/mk32037_88.gif

بالتوفيق

[هولوكس2005]

ياهلأ ومرحبا بمشرفنا الغالي والله يحي أصلك

وشكرا على النصيحه وش رايك كم ارفعه صانتي قدام وقم صانتي وراء

[سعد777]

مركب العافيه ويعطيك من خيره ويكفيك شره

[إعصار]

الله يبارك لك .. ويجعله عونآ لك على طاعته ..

[مقلع الرمث]

اخوي هولوكس:d مبروك:d الموتر والله يعطيك من خيره ويكفيك شره انا معي باترول سوبر وامركب قدام مساعدات حقات حوض وراء حقات لا ند كلوزر يعني جي اكس ار بس حقات الا ند كلوزر مسمار وحلقه يبيلها ترهيم اشوي تشيل المسمار وتركب الحلقه حقت مساعداتك الولات ولا عندك ازين منهن وانا اقول لخوي غضنفر:) ان مساعدات الحوض الخلفيه قويه مره لإني قارنتها مع الا ند كلوزر وفيها فرق مو سهل يعني راح تكسر ضهرك الحين الا ند كلوزر قويه وشلون الحوض واسف على الاطاله .

[بدوي جنوبي]

ياهلأ ومرحبا بمشرفنا الغالي والله يحي أصلك

وشكرا على النصيحه وش رايك كم ارفعه صانتي قدام وقم صانتي وراء

ما اقدر افتيك يا طويل العمر
لان ما عندي خلفيه عن الرفع
ان شاء الله احد يفيدك من اللي رفعوا سيارتهم بدون ما يظهر
عندهم اي اصوات او مشاكل ثانيه ،،

فيه واحد من الاعضاء ناسي اسمه بعد ما رفع سيارته طلع صوت في الكرونه ،،، شاورني وقلت له رجع الموتر مثل اول
ويوم رجعها راح الصوت ،،

بالتوفيق

[هولوكس2005]

ألله يجزاكم خير يشباب

[Mohammad]

جربت مساعدات الرمايه الصفراء على لاند وفكيتها بعد ايام ما جازت لى ربما كانت معطوبه