ابي حلولكم ياهل الباترول الله لايهينكم ... !!

[عايش البر]

السلام عليكم ورحمة الله وبركاته ..


نخش دغري بالموضوع .. :D


يالربع انا عندي باترول سفاري 99 نظــيف والمكينه تب يعني تمــام .. لكن المشكله ان الموتر عزمة دماااار
يعني بالخط تقل مكينة ديزل :( .. وبالقومه ثـقـــيل مررره ..:( باالعربي الموتر(بطه)



وش السبب :confused: ! ابي ادري وش المشكله تكفووون ؟؟

[المميـز]

افحصه كمبيوتر

وراح يعطيك كل شيء متعطل بالمكينه

سواء بواجي او اسلاك بواجي وقوة عزم السياره الفعلي

[عاشق السيل]

وعليكم السلام ورحمة الله وبركاته ،،

عموما ترى الباترول من 98 إلى 2001 هذا عزمه والوضع طبيعي يعني لا يضيق صدرك !!

إلا إذا كنت ناوي تسوي إضافات على المكينة علشان تزيد من عزمه ،، وتقبل مروري ...




.

[العريني1]

انا كان عندي 99 الحل باذن الله تصفية المكينه شامله ( بواجي هواء المكينه واهم شيء وزن الديلكو ان كان يطلع عندك صوت لقلقه ) واكشف على الكلتشات

[راعي كيف]

السلام عليكم
1- اسلاك بواجي
2- بواجي
3- وزن الديلكو مع الهواء
4- ركب لك مراوح كهرب
5- فرارات الدبل
6- يمكن مكربنه مكينته مسه بالثالث إلين يقطع وسرع فية يعني فوق 150 كلم اقل شي مرتين بالأسبوع إلين تصفى المكينه احس انه مكربنه وتراها تبي تقطع شوي .
7- فلتر الهواء والبنزين
8- جرب اللي بالمحطات ستوب stop تراه داهية ومجرب ونتائجة مبهرة .
9- نبيك تدعيلنا سواء زانت او ضبطت معك او ماضبطت وإذا شفت امورك ماهي تمام راسلني بالخاص واعطيك الخلطة السحرية :) .

راعي كيف
ابو ناصر

[عشانا]

الموتر عادي او تماتيك
ان كان تماتيك انا حصلت معاي هذه المشكلة وغيرت حساسات والحمد الله الموتر صار عال العال
اما اذا كان الموتر عادي فليس لي علم

[مقلع الرمث]

اخوي انا اتوقع من حساس الهواء حق القربه كان موترك بخاخ هذا يخرب على خفيف وخرابه يصير الموتر ثقيل على قولك وعزمه ردي بس انصحك قبل ماتروح تشتري شف واحد معه زي سيارك وخذ المنظم حق الهواء وجرب نفع زين على زين مانفع ماضره القاح دور غيره من بواجي وصفاي وكل شي يخص البنزين والكهرب واسلاك

[سيد النشاما..]

جعل مواترنا ومواتركم تزين من خرابها ...ويطرح فيها البركة


اللهم امين

[عايش البر]

المميـز : ان شاء الله ابفحصه فيما بعد .. ومشكور ع المرور

عاشق السيل : والله الظاهر ان هذا عزمه الطبيعي .. حيل الله اقوى :( .. ومشكور وماقصرت

العريني1 : المكينه ناخل ابوها نخل بواجي ديلكو اسلاك بواجي كل شي .. والموتر مافيه لقلقه ولا اي صوت .. وتسلم على المرور

راعي كيف : والله وانا اخوك انا مالي بتزبيط المواتر .. وان كان هذا عزم الموتر الطبيعي فالله يعين .. يجيب الله مطر ..
ومشكور اخوي ... والله يوفقنا وياك ويحقق لك مافي بالك ان كان فيه خير لك ..

عشانا : مالك لوا الموتر عادي .. وتسلم ع المرور

مقلع الرمث : العلم عند الله .. وان شاء الله ابفحصه واشوف وش السر فيه ... وماقصرت اخوي

سيد النشاما : اللهم آآآآآميـــــن .. جزاك الله خير ..

اعذروني على التأخير وهذا لضروف بالمنتدى .. والحمد لله الي فتح .. والسلام عليكم

[مرعش هدب]

يمكن المكينة مكربنة جرب نشه على الخط نش لين يقول آآمين
والآمن لك افحصه كمبيوتر..

[الدحبول]

إذا كان قير عادي غير الدزق وصحن الكلتش
ترها ياثر على عزم
تحياتي

[afmk8]

السلام عليكم اخوي انا عندي نفس المشكلة السيارة شاريها مستعملة واخبر النيسان خفيفة نفسة ولا كن ما سويت شي الا الان ارجو ان اجد عندك حل ولك الشكر

[راعي الركيات]

وعليكم السلام
عندي حل بس تراي ماجربته بنفسي لكن اعتقد ان طرمبة البنزين ضعيفه في الاصل ومع مرور الوقت تضعف اكثر لذالك جرب طرمبة الفتك 2002 اعتقد بتشوف فرق في السياره كبير ان شاء الله

[المستفهم]

أنا معي باترل 98 وعندي نفس المشكلة إذا مشيت فيه تحس أنك ساحب سيارة ثانية معك .
إذا وجدت حل للمشكلة بشرنا وعطنا الطريقة .
وتسلم

[ابو سعد 1]

السلام عليكم اخوي
انا كان معي باترول سلقه 99
كان عزمه لك عليه سويت الأتي وزان
1- تصفية مكينه
2- فرارات
3- مراوح كهرب حقات سوباروا
4- وهي اهم شي تأكد من ان كربريتره صافي مره وترى انا قعدت سنه ونص تعلمو علي كل الورش بالكربريتر لين لقيت واحد فاهم وزبط
بس لاتتوقع انه بيصير زي الفيتك بس بيفرق معك
والله الموفق

[الرحال2000]

انا معي سفاري 98 توماتيك نفس الشي ثقل له ثلاثه شهور واذا له طب خبروني عنه . غيرررر السووووق اخوكم مطفر ...خخخخخخ

[aooa]

السلام عليكم جميعا

انا اعتقد ان البنزين له دور في عزم السياره يعني اذا كان موتر مخصص له ( اوكتين 95 ) وتعبي بنزين ( اوكتين 91 ) فهذا له دور كبير في العزم والضرر بالمحرك .


اما البترول فهو اخف نفس وافضل عزم وقومه وما دام ان الموديل 99 هذا يعني ان المحرك قوته 4500

ما فيه نقص في قوة المحرك

والشباب تعرضوا مشكورين على اشياء مهمه جدا منها حساس الهواء وهذا له دور في العزم

وفلتر الهواء مهم جدا

لكن اذا الموتر ماخذه مستعمل انتبه لا يكون القير مغير لموديل قديم عن سيارتك لان الشريطيه ما لهم ذمه الا من رحم ربي .

الله يوفقك وانصحك ان تمر به الوكاله وترتاح من قروشة الورش وفلسفه البنقاليه واليمانيين.

[اورنس الشمري]

أخوي الكريم

غير الصحن والدسك

وراح يصرخ بالرابع وما جاك علي...

[راعي العود]

كل الأخوان اللي قالو لك مراوح كهرب معاهم حق احسن شي تسويه تلغي المروحه وتركب مراوح كهرب وأفضل تركب فرارات لإبطال الدفرنس الامامي حتى يكون الموتر خفيف وهذي مجربه وانا مجربها ولها نتائج رائعه سواء في العزم أو السرعه أو صرفية البنزين والله يوفق الجميع