الفزعة الفزعة ابشتري باجيرو

[قوة شرائية]

يا اهل الفزعة انا محتار هل اشتري باجيرو اوغير ذلك
كثير من الناس يمدحونة لي !!!!!!!!!
وكثير يذمونة!!!!!!!!!!!
والحقيقة انه داخل مزاجي والسبب:
1-سعره مناسب
2-مرغوب في جميع الدول المجاورة
3-ياباني ياباني
4-تجهيزاتة فخمة وانيقة
فما شوركم يالي تبخصون المواتر والمجربين
مع العلم ان الموديل 2002 ا و 2003
ولكم مني جزيل الشكر والعرفان

[كشوتي]

اتكل على الله واشتره وتراه موتر صح وماعليك من اللي يذمونه
انا اقولك عن تجربة الموتر قطعه وحده وقوي جدا وشكله انيق .. وشتبي غير كذا

[عاشق الرفاليو]

الموتر حلو للبر اذا كان 3800 سي سي لكن عيبه في الوكيل وقطع الغيار نار وينزل سعره كثير عند البيع نظام العزل الصوتي ضعيف بحيث تسمع الاصوات الخارجيه ليس له شعبيه في السعوديه

[.أبوعبدالرحمن]

يا خوك مشكلته بالوكيل بس


والا الموتر ما يحتاج وبالذات اذا كان 3800 سي سي

[anas]

ما دام انك طلبت فزعة فأنا عندي باجيرو موديل 2004 فل كامل 3800 لتر، بصراحة السيارة ممتازة جدا في المدينة والبر وقوية جدا في التطعيس واقتصادية في البنزين هذه اهم السمات بها، لكن في السفر مزعجة حيث ان صوت المكينة وضجيج الهواء مزعج
باختصار العزل الصوتي سيء خاصة اذا وصلت سرعتك 130كلم/ساعة وفوق..

[مرقاب]

الموتر ماعليه كلام وبالنسبه لسعره ينزل انا ماارى انه ينزل مقارنة بغيره ومن ناحية فطع الغيار اطمنك كل الوكالات غاليه لكن اسال متى خبرك بااسعارهن لاني اشوف الباجيرو 2008 الجى ال اس 3000 سي سي سعره مرتفع 106 الف ريال بعكس 2007 دفعه اولى كان 90 الف ريال.

[الربذي]

شف اقولك سعر 2003 تجده في بحر الاربعينات واحد من الربع اشتراه قبل اسبوع 2003 قيرين عادي يمدحه ويقول اقتصادي جدا وهو3000 سي سي وكان معه باترول 99 باعه ب48500 واشترا 2003باجيرو ب48000 يقول انشط من الباترول والباترول 4500 والمشي يجيب طبلونه ويقول اشتريته عشانه قو تويوتا وارخص منها واجد ولايطلب قطع غيار وعيبه وكيله القطع عندة بس سعني ماكو منافسه

[المميـز]

توكل على الله وخذه

انا من اللي جربوا الباجيـــرو 2004 مكينه 3000 سي سي قير تماتيك

عزم السياره جداً حلوو ولا لاحظة مشكلة الصوت اللي يعاني منها اخوي anas

وسعر المستعمل مثل ماتفضلوا الاخوان , يعني الـ 2004 مكينه 3000 سي سي النظيف لا يقل عن 50 ألف

وفيه واحد واقف بتبوك 2004 وفيه طقه بالكبوت ورفرف وراء حاده بـ 48000


وعليك بالاستخاره بعد الاستشاره

[anas]

نصيحة لوجه الله انا بغيت اشري الباجيرو مكينة 3000 وجربتها لمسافة 70كلم تقريبا بصراحة العزم طايح بالحيل ولكن لما جربت باجيرو مكينة 3800 صراحة فرق السماء عن الارض وشريته بلا تردد، حيث ان الأول185 حصان تقريبا اما الثاني 230 حصان ..