السلام عليكم: رجال مكشات استفسار بسيط (وأبي جوابه)

[سنا البرق]

السلام عليكم ورحمة الله وبركاته
بعد السلام والتحيه
أخواني الله يجزاكم خير عندي تانكي فصلته تقريبا من 6 شهور وأصبح فيه(صدأ) وصدى خلال 3 شهور وفصلته عند ورشه أتوقع إنها معروفه عندكم اسمها (المميز)وضيق صدري وأبي حل الله يجزاكم خير، مثل ماأنتم عارفين صعب تفصل مره ثانيه في فتره وجيزه .
وش الحل أبي علاجها يارجال والله يجعله في ميزان أعمالكم

أخوكم : سنا البرق

[حمد808]

وش نوع المعدن حق التانكي

[سنا البرق]

معليش نسيت المعدن حديد واللحام ستيل

[سنا البرق]

كان بودي أن هناك حلول بس الشكوى على الله

[بواسامه]

غسله كم مره وانا اخوك
وغير غطاه لبلاستيك
ودايما خله مليان لاتجعل فرصه للرطوبه وتيار ماء داخل التانكي يعني اترس ابوه
والحقيقه قد سمعت ولم اجرب انك تغسله بشاهي تلقيمة وثقيل وتخليه فيه كم يوم وانه يسوي طبقه عن الصدأ
ولا تضحك علي ترى مجرد سماع ولم اجرب
وفقت للخير

[سنا البرق]

الف شكر بواسامه بس خليته مليان مانفع دايم مليان ثم جربت أغسله أكثر من مره مانفع وش دعوه هذي حلول ماينضحك عليها الله يجزاك خير

[لن أمل من العطاء]

يا حبيبي
خذ لك علبتين او ثلاث كوكا كولا حجم عائلة وصبها في التانكي مع شويه تراب اعزك الله وخلها بالتانكي يوم او اثنين طبعا مع المشواير عشان يتحرك ما بداخل التانكي وشوف بعدها كيف النظافة

[desertman777]

السلام عليكم ،،

هناك طريقة مجربة سمعتها من من ركبوا توانك الحديد؛

ما عليك الا ان تترس التانكي ماء هماج (غير عذب)!!

وتخليه فترة طويله حتى تتكون طبقة داخل الجدار الداخلي

تحميه (بأذن الله) من الصدأ...

وتقبل تحياتي...

[سنا البرق]

الله يجزاكم خير على المبادره بالحل
والف شكر لعلي أتوصل لحل طيب
أخوكم سنا البرق

[winchester]

أخوي تبغى خبرة سنوات مع توانك الحديد

ركبـت أربع مرات
الاولى حدود 1415هـ ولم يتقن العامل شغله ونزلتهن بأقل من شهر.
الثانيه حدود 1417هـ وبعت السياره 1424هـ ولم تصداً لكن لاتفضي من الماء نوع الخامه حديد لكن ليس الموجود الان بالاسواق اللي قبل كان أصلي الحين ماينفع بريال.

الثالثه حدود 1424هـ ركبـت توانك حديد لسياره الجديده لكن للأسف صدت بأقل من ثلاثه أشهر الماء كان يصيرأبيض وبعدها صـار لون أحمر من الصدأ نزلتهن ورميتهن .

الرابعه عام 1425هـ ركبـت توانك عند نفس المصنع لكن هالمره أستيل مع ضمان سنتين ولله الحمد الحين لي ثلاث سنوات لم الاحظ أي شي عليها علماً بأن مبلغ التوانك للواحد 600 ريال الثنين 1200 ريال لكن يستاهل

فـلا تضحي بصحتك علشان كم قرش أذا بتطيع نصيحتي ركـب ستيل



دمـت بود

[سنا البرق]

وصلت للستيل الف شكر هو الحل اللي خلاني أدور حل لاني قد ركبت حديد ولا خذ مده
والله يجزاك خير