يجب تغيير زيت السيارة / وش الحل في هالعبارة

[راعي طويق]

يالربع عندي صالون جمس 2003 اغير الزيت والسيفون توها جدد وتطلع لي هالعبارة اذا شغلت السيارة كيف اتعامل معها واخفيها علمان بأن كل تغييرة زيت اغير السيفون

[لن أمل من العطاء]

اعتقد والله اعلم
الرسالة تجي كل 5 دقاليق او اقل يعني متكرر
اذا ظهرت الرسالة اظغط على زر انتر السهم الذي في الدركسون وخلك مطول عليه لفتره حتى تشاهد الشاشة تغيبر فيها شيء رايح تروح هذي المشكلة
ولا تنسى عند كل مره تغير الزيت لازم تسوي هذا الشيء
وهذا شيء طبيعي جدا لان الكمبيوتر حق السيارة ما برمج على الزيت الجديد ولا تخاف
اذا ماراحت بهذه الطريق رد عليه وافيدك بطريقة اخرى

[راعي طويق]

ماعندي ازرار في الدركسون وجعل عمرك طويل لتجاوبك

[سعد777]

دور زر لها مكتوب عليه رستات بالأنقليز تلقاه في مجوعه الفيوز اللي داخل الغماره اضغط عليه مرتين وراء بعض او 3 وضغطه طويله الين تطفي واذ ماحصلتها افصل اصبع البطاريه الـ + حوال دقيقه

[المميـز]

عليك بهذه الطريقه ( مجربه )

اذا غيرت الزيت

شغل السويتش على الاخير ( قبل التشغيل ) خل انوار الطبلون تولع كلها

وادعس على دعسة البنزين ثلاث مرات ( ادعس الدعسه كاااامله )

طف ( سكر ) سويتش السياره وطلع المفتاح

وارجع شغل السياره واول ماتشتغل السياره راح تطلع لك العباره مره وحده بس

ويستحسن تشغيل السياره بعد ماينتهي الجرس ( طن طن طن ... )


أتمنى اني وصلت لك المعلومه

واي استفسار حاضرين ,,,

[ابوعزوز]

نعم كلام أخي المميز مجرب وصحيح انا عندي 2003

[راعي طويق]

ماقصرت يالمميز من عقب صلاة الفجر وانا مسمي بالله اهلي ارتاعو قالو وين بتروح مشغل في هالفجرية
لكن لقيت علمك هو الوكاد

[المميـز]

ماقصرت يالمميز من عقب صلاة الفجر وانا مسمي بالله اهلي ارتاعو قالو وين بتروح مشغل في هالفجرية
لكن لقيت علمك هو الوكاد

هههههههههههههههه

لكن الحمد لله انك عرفت للطريقه

واي خدمه جاهزين ,,,

[الكلاسك]

شكرا اخي المميز تم اضافة معلوماتك الى الذاكره شكرا مره اخرى