اي لون على السفاري ابيض بصدفي اسود سلفر ابي رايكم بشتري

[شحبار]

اي لون على السفاري ابيض اسود سلفر نبي رايك لاني بشتري

بكره ان شاء الله بقدم على سفاري 2008
ومافيه الا ابيض صدفي وسلفر واسود
وابي راكم اي لون آخذ

[فتى احد]

السلام عليكم ...

السلفر : لوني المفضل

الابيض الصدفي : أحسه صار قديم في نظري

الاسود : أسميه الكنق ورسمي ورزة وتكانة ولد شيوخ

أذا أنت في مدينة مثل الدمام أو الرياض أو جدة أفضل الأسود كشخة وهيبة تحسه رسمي أما إذا أنت في مدن أخرى أصغر من تلك التي ذكرت فالأفضل السلفر والله يوفقك .

[طحنون]

الف مبروك والله يعطيك خيره ويكفيك شره
ونصيحه الالوان اذواق
والنصيحه الاهم ابعد عن الالوان الغامقه
لانها بعد فتره راح تفقد بريقها وتحتاج الى نظافه مستمره والجيب اكثر وقته راعي صولات وجولات
وراح يصير الموتر دايم مغبر والشي الثاني الالوان الغامقه يبين فيها
المشوخ والحكات والطقات
لو انها نمله تحك ضروسها بينت




خلك على الالوان الفاتحه والاختيار للك
ونكانك راعي سنه وتبيع الموتر خذ اللون الغامق علشان مايبطي معك ويتغير للونه ويصير باهت
والشي الثاني النيسان بطبيعته بديه خفيف لا يتحمل المشوخ البسيطه
وبالتوفيق ان شاء الله

[شحبار]

جزاكم الله خير على الرد السريع وارائكم الي مالنا غنا عنها

[المميـز]

ارشح لك اللون الابيض الصدفي

والله يطعمك من خيره ويكفيك شره مقدماً

وعليك بالاستخاره بعد الاستشاره

[ابن الكرام]

اخي الكريم اضن الالوان الفاتحه اكثر ملائمة في منطقتنا وخاصة على الجيوب ,, وتبقى المسأله أذواق .. واللة يطعمك خيرها ويكفيك شرها مقدماً .

[غضنفر]

الابيض
ولا تدور غيره
لا يحتاج الى عناية
ومرغوب وقت البيع

[بومعطش]

والله ياغالي أنا أرشح السلفر حلو على السفاري
وعليك بالفاتح إذا أنك في ديرة جوها حار والشمس تصقعها مضبوط

[z a n h o r]

الؤلؤي نظره

والاسود كنق

والفضي ما يعجبني

والؤلؤي ارغب عند البيع

[الدبل الثقيل]

الأبيض اللؤلؤي...

[شقران نجد]

اخوي الغالي انحش من الأسود هو حلو ولكن مشكلته يبي له عنايه خاصه اي مسحه بمنشفه ناشفه تعدم عليك البويه حساس جداَ .....والفضي مو شين لكن افضلهم من وجهة نظري الابيض اللؤلؤي حتى في البيع هو المرغوب

وفقك الله

[شحبار]

جزاكم الله خير
على الردود وما نستغنا عن مشاوراتكم

[سفاري نجد]

ما خاب من أستشار ،،،

نصيحة مجرب لا تتعدى اللون الأبيض اللؤلؤي ،،، ابرد بالصيف وانظف

الألوان الغامقه تغسله اليوم بكره تشوف اثر الغبار والتمسيح على البدي ،،،

وأنت جرب بنفسك اللون الابيض والغامق بالشمس تحسس الحراره بيدك بالظهر وتشوف الفرق ،،

تحياتي