المساعد الشخصي الرقمي

مشاهدة النسخة كاملة : الى خيال نجد والى ملاك الـ F j


مكشاتي متقدم
03/12/2007, 11:58 PM
السلام عليكم يا جماعة...

ياليت كل واحد استخدم الـ fj يعلمنا وش هي عيوبه ومميزاته الأساسية ومن ناحيه الإستخدام


الله يعافيكم
saad8794
13/12/2007, 07:42 PM
أنا عندي اف جي من شهرين تقريباً ورحت عليه للنفود وبصراحه سيارة النفود الاولى حسب تجاربي لآنها خفيفه والمميزات اللي فيها كذلك حلوه مثل الهزاز وزر ( A Traction) حق توزيع القوه على الكفرات هذا غير العوامل المساعدة الثانية مثل ارتفاع السيارة وقوة الفزه ( من صفر الى 100كلم 7 ثواني تقريباً ) , أما من ناحية الخط فهو رفيقك ( إن بغيت راحة فهو مريح جداً وان بغيت قوه فقوته مثل اللاند كروزر 240 حصان وان بغيت عزم فإذا كنت تمشي 160كلم/ساعة ودست على البنزين فز وتجاوب معك وهذي تنفع في التجاوز وغير هذا كله ثابت على الخط ولا يهتز إذا قابلتك تريله . هذا ماعندي بس عندي طلب لملاك الاف جي .. انهم إذا كان فيه أي اكسسوارات أو إضافات يمكن إضافتها في السيارة فلا يبخلون علينا ,
V.T.C
13/12/2007, 07:50 PM
أخوي سعد أنا إلي أعرفه إنه يجي قير عادي وإوتوماتيمك ، أيهما أفضل الله لا يهينك
وكم أسعارها ، ووشلون صرفيه البانزين زينه ولا لا، أدري إني طولت عليك بس تحملنا .


أخوك V.t.c
saad8794
13/12/2007, 11:36 PM
مرحبا اخوي ( v.t.c ) اللي في السوق حالياً اتوماتيك ويقولون في الوكالة إن القير العادي بيجي في الدفعة الثانية , واسعارها ماتبينت إلى الآن أما الاوتوماتيك نوعين الفل 112ألف والأقل منه سعره 102الف , أما صرفية البنزين فهو عادي يعني سعة الخزان تقريباً 65لتر ونوع البنزين 95 وصرفيته على حسب السرعة طبعاً وإذا كنت داخل المدينة أو خارجها وعموماً يمشي معك داخل المدينة حوالي 350كلم وخارجها حوالي 400 وانا مستعد لأي استفسار .
MyName
13/12/2007, 11:52 PM
عندي طلب لملاك الاف جي .. انهم إذا كان فيه أي اكسسوارات أو إضافات يمكن إضافتها في السيارة فلا يبخلون علينا ,

سمعت ان عبداللطيف جميل موفر إكسسوارات كثيره للـ FJ ولو تمر اي فرع رئيسي أتوقع تحصلها ...

وفيه مواقع كثيره بالإنترنت تبيع إكسسوارات بالهبل واسعار بعضها معقوله جداً ...

تفضل وهذي نقطه ببحر :)

http://www.man-a-fre.com/fjcruiser/fjcruiserauxiliarytank.htm

http://www.somo.com/FJ-Cruiser-s/3.htm

http://www.fjcruiserpartsstore.com/

http://www.central4wd.com/category.aspx?page=id%7C25288

http://www.ecarboutique.com/fjcruiser/

http://www.brockandbecca.com/files/fj/

http://www.trdsource.com/index.asp


تحياتي ,,,
saad8794
14/12/2007, 12:35 AM
مشكور اخوي My Name مريت الوكالة ولابعد جا من الاكسسوارات الا الدعامة اللي قدام وماهي عملية والدعاسات اللي عند الابواب وهذي تجي فيه أصلاً , وانا أنتظر السلة اللي من الوكالة وخاصة للاف جي لانه صعب تركيب أي سلة من السوق على الاف جي لان تندته مقوسه ولاهوب أي سلة تركب عليه , والله يعطيك العافية على عناوين المواقع .
MyName
14/12/2007, 01:57 AM
مشكور اخوي My Name مريت الوكالة ولابعد جا من الاكسسوارات الا الدعامة اللي قدام وماهي عملية والدعاسات اللي عند الابواب وهذي تجي فيه أصلاً , وانا أنتظر السلة اللي من الوكالة وخاصة للاف جي لانه صعب تركيب أي سلة من السوق على الاف جي لان تندته مقوسه ولاهوب أي سلة تركب عليه , والله يعطيك العافية على عناوين المواقع .

حياك أخوي وانا بالخدمه :)
ابو_هيا
14/12/2007, 01:13 PM
بصراحه يا اخوان انا فلوسي كاااااااش ابي اشتري fj ورحت للوكاله ومعي الكاش وقالو ماعندنا حاليا خلصت السيارة من جميع الفروع قلت عطوني لو اي لون قالو مالك الا تصبر الدفعه الجايه كلها محجوزة والدفعه اللي بعدها محجوزة وقلت طيب متى قال بعد انشاء الله 3شهور .

وانا الان محتار وبيني وبينكم مريت معرض في النسيم ولقيته عارضه الفل كامل عنده لون اسود ب 125000 وهذا السعر خيال واغلى من الوكاله بكثير .

ياليت تشوفون لي حل مع ان هالموتر خاااااااااااااش مزاجي

والمشكله اني مار الفرع نفسه قبل شهرين وكانت عندهم كميه كبيره من الاف جي وجميع الالوان بس ياشين التردد ياليتني توكلت على الله وشريت

وعلى فكرة ترى اخوي شاري واحد وانا بنفسي جربته قسم بالله ماشاء الله طيارة في الطعوس اقوى من الشروكي في الفزة
قناص الوعول
14/12/2007, 01:23 PM
انا محصل اف جي عند معرض الحجيلان بقل من 14000 الف ريال ممكن 14 أو 13 مو متئكد
أشيقراوي
14/12/2007, 02:19 PM
انا ولله الحمد ملكت الاف جي من اسبوعين ونص ,, وجربته في الطعوس
بصراحه ابداااع ,, خفة وقوة مكينه وعزم ,, واللي تبي ,, وبصراحه حتى صوته طرب

وسحبت فيه هايلوكسات ولاندكروز , ودوج الجيب ,, واللي تبي ,,

من ناحية العيوب
عيبين
العيب الاول ,, تنسيم الهواء (( احيانا )) ,, مثل اي سيارة تويوتا للأسف
العيب الثاني,, عدم القدرة على فصل مانع الانزلاق اذا كنت تبي تطعس بدون دبل ما تقدر
لانه يفصل البنزين ,,

ولم اجد فيه غير العيوب والموتر لايفوتك


اللي يقول الوكاله ما عندهم
فعلا انا انتظرته حوالي شهرين ,, والحمدلله وصل بعد معاناة ,, وبالنسبه للقير العاادي 6 تعشيقات ولكن ما وصل في السعوديه والوكاله ما بينوا متى بيوصل

والتوماتيك 5 تعشيقات
والموتر عزم ماشاء الله
يعني اول ما تعطيه بنزين يفز معك على طول مثل ما سبق وقال واحد من الاخوان

واي استفسار انا حاظر
saad8794
14/12/2007, 06:40 PM
اخوي ابو هيا .... فيه اف جي لونه أزرق في الفرع اللي في شارع السويدي عند بنك الاستثمار اللي عند الاشارة , بس أنا أنصحك انك تصبر لين تاخذ اللون اللي عاجبك عشان ماتندم بعدين ولافرقت شهر والا شهرين .. وتقبل تحياتي .
بواردي الدلم
14/12/2007, 07:03 PM
العيب الثاني,, عدم القدرة على فصل مانع الانزلاق اذا كنت تبي تطعس بدون دبل ما تقدر
لانه يفصل البنزين ,,



السلام عليكم اخوي الغالي انا سمعت ان له سلك فوق المكينه افصله وريح بالك والله اعلم
سرمد2007
14/12/2007, 10:03 PM
الف مبروك مقدما السيارة
انا يوم الاثنين كنت في فرع تويوتا في العليا
في لون الازرق والاصفر يقول مندوب المبيعات
اتصل على الرقم المجاني او شوف فروع الشرقية ان شاء الله تلاقي والف مبروك
أشيقراوي
15/12/2007, 12:22 AM
اخوي بواردي الدلم

وشو السلك

المكينه مليانه اسلاك

اتمنى الافاده عاجلا

شكرا
MyName
15/12/2007, 03:51 AM
تفضل أخوي هذا هو السلك ...

أسهل طريقه وأعتقد الطريقه الوحيده لفصله نهائياً .. بس للأسف عواقب هذه العمليه على السياره او كمبيوتر السياره مو معروفه يعني إذا تبي تسويها او اي واحد انت اللي تتحمل المسؤوليه http://www.assayyarat.com/forums/images/smilies/smile.gif

http://i93.photobucket.com/albums/l70/rjr84/vsc002.jpg



http://i93.photobucket.com/albums/l70/rjr84/vsc001.jpg


http://i93.photobucket.com/albums/l70/rjr84/vsc003.jpg


المصدر : http://www.fjcruiserforums.com/forum...vsc-works.html (http://www.fjcruiserforums.com/forums/4x4-off-road-tech/7462-how-disable-vsc-works.html)

وهنا معلومات عن توصيل فاصل للتراكشن كنترول : http://www.fjcruiserforums.com/forum...el-switch.html (http://www.fjcruiserforums.com/forum...el-switch.html)

تحياتي ..
مكشاتي متقدم
15/12/2007, 12:55 PM
مشكورين يا اخوان على التفاعل

الصراحة انكم شوقتونا بالموتر

وجزاكم الله الف خير
>> ابوعلي <<
15/12/2007, 02:10 PM
وانا أنتظر السلة اللي من الوكالة وخاصة للاف جي لانه صعب تركيب أي سلة من السوق على الاف جي لان تندته مقوسه ولاهوب أي سلة تركب عليه , .


السلام عليكم ،،،

اخوي الغالي سعد السله ياطويل العمر تجي المفروض وكاله وانا متأكد من ذا الكلام لان وارد امريكا يجي فيه من الوكاله سله وانا رحت وتاكدت بنفسي لكن تعرف عبداللطيف :mad: يبي يستفيد ويبيعها كانها اكسسوار ادخل هذا الموقع حق تويوتا امريكا www.toyota.com (http://www.toyota.com) ورح لسيارات الاس يو في اختر الاف جي وفيه خيار تلقاه على اليسار مكتوب اكسسواريز بالانقليزي بتطلعلك جميع اكسسوارات الوكاله بامريكا

امل اني افدتك