مرض خطير أصاب موتري...!! عجزوا عنه أكثر من ميكانيكي!!

[عاشق النفود 111]

بسم الله الرحمن الرحيم

أولا: الحمد لله على رجوع المنتدى وكل الشكر للقائمين عليه..

يا شباب أعذروني على كتابة الموضوع بالطريقه هذي مو مني من إلي شفته بموتري..



]

الموتر جمس وانيت 79 .... 454

بختصار إلي صار إني ادوس على الكلتش ودق الريوس يوم ارفع رجلي تبدأ السياره بالرجوع إلى الخلف زين..

والسياره راجعه إلى الخلف أدوس كلتش توقف مباشره وكأني صادمن شي وراي وتنتع نتعه بسيطه قدام ... ( عرفتوا قصدي الحين ليا منك صدمت شي وراك مثل صبه توقف السياره مباشره مع قمزه او نقزه بسيطه قدام .... ارجوا إنها وضحت الحاله )
الحاله بس بالريوس قدام عادي..

طبعن رحت عند أكثر من 10 ميكانيكين منهم من قال أول مره أشوف الحاله ما أعرف..

وواحد قال أغيرلك قير وعلى مسؤوليتي هذا من القير ...

ولي قال غير دفرنش...

ولي قال الفرامل ...

ولي قال ...... المهم أنواع الفتوى بهالحاله..

ولي أغرب من كذا إنها إستمرت يوم ونصف الحاله دائمه..

والآن لي يومين السياره من أحسن ما يكون رجعت طبيعيه....... والله عجيب..!!!

ليش شايلن همها الحين جاء الشتاء وجت طلعات البر و الكشتات أخاف لا صرت بوسط الصمان وتجي الحاله بعدين تعرفون وش يصير http://www.efi4500.com/vb/images/smilies/sefi/sm16.gif ههههه

الله الله ياربع إلي ما يعرف يقول ما أعرف...

ولي مرت عليه الحاله نقوله الفزعه رحم الله والدينا والديك..

تقبلوا تحياتي

[عاشق النفود 111]

يا شباب وين الفزعات

22 مشاهده بدون رد

[.أبوعبدالرحمن]

اخوي لا تستعجل القروم جاينك في الطريق

[عاشق النفود 111]

اخوي لا تستعجل القروم جاينك في الطريق



هلا بك أخوي

الله يعين عسى ما يتأخرون...

كل الشكر على مرورك

[ابو صقر 111]

الظاهر أنه من القير اذا كان اوتوماتيك وهذا مافهمته

[عاشق النفود 111]

الظاهر أنه من القير اذا كان اوتوماتيك وهذا مافهمته


أخوي الله يعافيك الدعوه فيها كلتش يعني القير عادي وأنا خوك.:)

شاكر ومقدر للمرورك

[محمد111]

السلام عليكم

لا يصير الكارونه كد فكت وقمز سنه

مادري
يمكن

[عاشق النفود 111]

السلام عليكم

لا يصير الكارونه كد فكت وقمز سنه

مادري
يمكن



وعليكم السلام ورحمة الله وبركاته

هلا بك أخوي الكارونه ما جيتها أبد..

إذا قصدك إنها فكت من نفسها كان أتوقع إن الحاله مستمره على طول لكن الغريب إن الحاله لها يومين ما رجعت مع إني دايم أروح وأجي على الموتر عشان أتأكد منه..

[رجل كريم]

السلام عليكم ورحمة الله وبركاته:اغلب الظن من وصفك انها من الفرامل وخاصة الخلفية .. تقدر من تتأكد من هالشي اذا رجعت الحالة هذي لموترك طف الموتر وحط عصا الجير على الفاضي وخذ معك واحد ودفوا الموتر للخلف ثم خلوه اذا وقف فجأة وتحرك قدام حركة بسيطة فهذا يأكد كلامي وعادة تبان المشكلة هذي اذا الموتر بارد يعني مامشيت به كثير ..وعليك بعدها تغير فرامل مع خرط هوبات وتأكد ايضا من سلامة البيرنقات (الرمان بلي) الامامي والخلفي لانه اذا كان فيه تلف ممكن يسوي نفس المشكلة ..الله ييسر لك امرك وتلقى الحل ان شاء الله سريعا .. تحياتي ..

[شروكي ربع]

السلام عليكم ورحمة الله وبركاته:اغلب الظن من وصفك انها من الفرامل وخاصة الخلفية .. تقدر من تتأكد من هالشي اذا رجعت الحالة هذي لموترك طف الموتر وحط عصا الجير على الفاضي وخذ معك واحد ودفوا الموتر للخلف ثم خلوه اذا وقف فجأة وتحرك قدام حركة بسيطة فهذا يأكد كلامي وعادة تبان المشكلة هذي اذا الموتر بارد يعني مامشيت به كثير ..وعليك بعدها تغير فرامل مع خرط هوبات وتأكد ايضا من سلامة البيرنقات (الرمان بلي) الامامي والخلفي لانه اذا كان فيه تلف ممكن يسوي نفس المشكلة ..الله ييسر لك امرك وتلقى الحل ان شاء الله سريعا .. تحياتي ..



اضم صوتي للأخ الكريم ..


من الفرامل ..

[z a n h o r]

اخوي يمكن يكون عندك الفرامل شاد

ومن تخف قوة الدفع للخلف مع دعسك على الكلتش توقف وتصير هل الحاله

عموما هذا توقع مني

اذا لقيت حل لها افدنا الله لا يهينك

[عاشق النفود 111]

السلام عليكم ورحمة الله وبركاته:اغلب الظن من وصفك انها من الفرامل وخاصة الخلفية .. تقدر من تتأكد من هالشي اذا رجعت الحالة هذي لموترك طف الموتر وحط عصا الجير على الفاضي وخذ معك واحد ودفوا الموتر للخلف ثم خلوه اذا وقف فجأة وتحرك قدام حركة بسيطة فهذا يأكد كلامي وعادة تبان المشكلة هذي اذا الموتر بارد يعني مامشيت به كثير ..وعليك بعدها تغير فرامل مع خرط هوبات وتأكد ايضا من سلامة البيرنقات (الرمان بلي) الامامي والخلفي لانه اذا كان فيه تلف ممكن يسوي نفس المشكلة ..الله ييسر لك امرك وتلقى الحل ان شاء الله سريعا .. تحياتي ..


هلا بك أخوي

ردك يدل على خبرااااتك الله يوفقك دنيا وآخره

بنسبه للقماشات الخلفيه غيرتهن أمس منتهيااات مره... حتى الهوبات الخلفيه موليه...بس ما لقيت نفس إلي عندي رجعت القديمات لين ربك يفرجها أما أروح الرياض ولا القصيم أدورلهن..
وإذا تخبر إلي يبيعونها عطني أرقامهم ولا عليك أمر..
الهوبات معد بهن سماكه ما تنخرط والوزنيه على آخر شي ... والرمانات تماام.

كل الشكر أخوي على ردك المميز بارك الله فيك

[عاشق النفود 111]

اضم صوتي للأخ الكريم ..




من الفرامل ..




هلا بك أخوي .... جزاك الله خير

لتوضيح.. الحاله أختفت من قبل تغير القماشات

وإلى الآن الموتر عاااادي

[عاشق النفود 111]

اخوي يمكن يكون عندك الفرامل شاد

ومن تخف قوة الدفع للخلف مع دعسك على الكلتش توقف وتصير هل الحاله

عموما هذا توقع مني

اذا لقيت حل لها افدنا الله لا يهينك


هلا بك أخوي

أنا أحس أن الفرامل طبيعيه..لو أنها شاده تحس فيها يوم تهدي فيها قساوه وتمسك بسرعه ( يعني محجره )..

أبشر أخوي بإذن الله أوافيكم بعد فتره... والحمدلله الموتر طبيعي إلى الآن.

كل الشكر على مرورك يعطيك العافية

[عاشق النفود 111]

يا أخوان عادة المشكله اليوم سويت الطريقه إلي قالها أخوي في رده خليت الموتر في الفاضي وهو شغال ورجع ورى بدون تدقير وقبل شوي جربته أختفت ورجع طبيعي :eek: :confused:

يوم رجعت المشكله كان التعشيقات ثقيله وخاصع يوم تكون السياره واقفه وأبي أحطها بالأول...
كذا أعتقد إنه من الكلتش أو القير...والله أعلم

وش السواة يا الربع..:( :(

[سيد النشاما..]

تأكد من الفحمات الأمامية
وبعدين.>>>>>>> ماتسمع قرقعة فحمات والا قماشات بالسيارة وأنت ماشي ؟؟؟

عموما قد مرت حالة بالسيارة ......... بس على قدام مو ريوس
يعني كنت ماشي مرة من المرات وشوي مادريت الا الموتر يمسك فرامل ويوقف ولاعاد يمشي قدام إلا لين أرجع شوي للخلف
وصارت المشكلة عندي فضاوة بكراسي الفحمات ولما تتآكل الفحمات شوي يسوي كذا

[جي اكس أر 3]

حياك الله اخي العزيز/ ابو قايد
بنا علي كلامك مره تجي ومره تختفي ومثل ماذكرت ان تغيير النمره ثقيل مره هذي من تروس القير والمشكله في القير فقط وقبل ما تعمل اي شئ عليك بمعايره زيت القير يمكن ناقص او غير صالح بتاتا وانا علي حسب خبرتي بلميكانيكا ان المشكله في تروس الجير فقط لاغير 000 اما في حاله تقويم السياره تحس ان السياره فيها رعشه او لما تدوس بنزين ماهناك عزم وصوت المكينه ظاهر اكيد من الكلتش والدزق 00ارجو انني افدتك 00 والله يعينك انشاء الله
تحياتي لك

[عاشق النفود 111]

تأكد من الفحمات الأمامية
وبعدين.>>>>>>> ماتسمع قرقعة فحمات والا قماشات بالسيارة وأنت ماشي ؟؟؟

عموما قد مرت حالة بالسيارة ......... بس على قدام مو ريوس
يعني كنت ماشي مرة من المرات وشوي مادريت الا الموتر يمسك فرامل ويوقف ولاعاد يمشي قدام إلا لين أرجع شوي للخلف
وصارت المشكلة عندي فضاوة بكراسي الفحمات ولما تتآكل الفحمات شوي يسوي كذا


أخوي الله يعافيك

ما فيه ولا قرقعه ولا صوت أبدا

بالنسبة للفحمات توني مغيرهن والهوبات ما بها شي

والقماشات الخلفية بعد غيرتهن أما الهوبات الخلفيه لك عليهن لأني مالقيت نفس إلي عندي ولا عاد تنخرط....

كل الشكر أخوي على مرورك

[عاشق النفود 111]

حياك الله اخي العزيز/ ابو قايد
بنا علي كلامك مره تجي ومره تختفي ومثل ماذكرت ان تغيير النمره ثقيل مره هذي من تروس القير والمشكله في القير فقط وقبل ما تعمل اي شئ عليك بمعايره زيت القير يمكن ناقص او غير صالح بتاتا وانا علي حسب خبرتي بلميكانيكا ان المشكله في تروس الجير فقط لاغير 000 اما في حاله تقويم السياره تحس ان السياره فيها رعشه او لما تدوس بنزين ماهناك عزم وصوت المكينه ظاهر اكيد من الكلتش والدزق 00ارجو انني افدتك 00 والله يعينك انشاء الله
تحياتي لك


أخوي الله يعافيك


بالنسبه لزيت القير مشيكن عليه وقبل أسبوعين كان به تهريب مع الغطى الخلفي وزينته وزوته زيت بعد شيكت عليه مره ثانيه تمااام ما به شيء.
أما بالنسبه للرعشه مثل ما قلت أكيد من الدسك ولكن عزم الموتر طيب وعادي جدا..ولا يهوي لا دستله بانزين والموتر ماشي ( تخبر تجي هل حركه لا صار الكلتش مره منتهي )

كل الشكر أخوي على مرورك

[الذيب المغترب]

شوف جرب الكي تراه علاج والا اقولك حط زيت خروع يمكن ينزل البلا مع الشكمان خخخخ امزح امزح تخبر العيد قرب عموما ماراح تعرف حالة الا اذا عرضته على ميكانيكي والمشكلة قائمه فية يعني اذا جتة الحالة مرة ثانية

[الصقار2007]

للبيع هالجمس

[عاشق النفود 111]

شوف جرب الكي تراه علاج والا اقولك حط زيت خروع يمكن ينزل البلا مع الشكمان خخخخ امزح امزح تخبر العيد قرب عموما ماراح تعرف حالة الا اذا عرضته على ميكانيكي والمشكلة قائمه فية يعني اذا جتة الحالة مرة ثانية


كل الشكر على مرورك

[عاشق النفود 111]

للبيع هالجمس


ما أنصحك فيه ولا هو للبيع :);)

[dejjo]

السلام عليكم ورحمة الله وبركاته

اخوي لو سمحت الموتر دبل والا سنجل .

[عاشق النفود 111]

السلام عليكم ورحمة الله وبركاته

اخوي لو سمحت الموتر دبل والا سنجل .


وعليكم السلام ورحمة الله وبركاته

لا عادي دفرنس واحد

[BUUFAHAD]

السلام عليكم يا لطيب مشكله موترك بتروس القير تعلق وتقفل اذا رجعت ريوس شيك عليها والعاده تكون مجيمه نبي منك الدعاء لي لاني بحاجته تحياتي