المساعد الشخصي الرقمي

مشاهدة النسخة كاملة : مشكله بـ fj حصلت اليوم


ولد وايل
14/12/2007, 06:40 PM
السلام عليكم ورحمة الله وبركاته


اسعد الله جميع اوقاتكم



المشكله حصلت عصر اليوم الجمعه 5/12/1428هـ الا وهي انني مسرع عالطريق بالـ fj وفجاءه سمعت صوت قوي ثم صوت هوى يدخل بالسياره...
واناظر خلف السياره الا حديده منطلقه وطايره


وقفت السياره الا على برواز القزازه الاماميه منطلق (طايح) ...
المشكله ان السياره فيها تنسيم هوى بشكل خيالي كنك بددسن 79 الهوى عكس
رجعت واخذته وبطلع باذن الله للوكاله طبعا خلل مصنعي


سؤال شباب اذا لم يتم انصافي ابي منكم حل غير رقم الشكاوي 8002444400
وش الحل برايكم وما خاب من سأل
بواردي الدلم
14/12/2007, 06:55 PM
افضل حل


الشكوى لله وتحسب عليهم

ولا تشيل هم ربك مايضيع عباده
ولد وايل
14/12/2007, 07:28 PM
ادري ان الله فوق كل شي وربي لو تركب السياره تسمع صوت تنسيم يفجر راسك كنك راكب 79
هوى يدخل السياره بشكل خيالي
.أبوعبدالرحمن
14/12/2007, 07:37 PM
ما عليك منهم


هذا الخلل منهم هم

يعني خلل مصنعي


رح للادارة وادخل على اطلق مدير وحسهم


وان شاء الله تلقى علاج موترك
ولد وايل
14/12/2007, 07:45 PM
بيض الله وجهك اخوووووووووووووي عموما القطعه اخذتها معي متعفطه عشان مايقولون انها منسرقه
المعرفه
14/12/2007, 09:18 PM
سلام
اخوي ادخل على المدير وخلك منفعل ونافخ عليهم
وحط ببالك ان رواتبهم حنا الي ندفعها من جيوبنا ولا ترضى الا بعرض يقدمونه لك مثل
تضليل حراري و تغير الزيت مجانا حتى 60 الف
وخلك حامي العين
تصدق تحمست معك الله يقلعهم
pharamazar
14/12/2007, 11:43 PM
بالفعل خلك شديد ولا تتنازل .
انا عندي من ثلاث شهور والحمد الله مافي اي تنسيم هوى بل عكس ذالك كان معي صديقي وماشي 140 وقالي وراك ماش علي مهلك وبعد ماشاف العداد قال ماشاء الله .
Black VTC
15/12/2007, 12:00 AM
خابرك اخوي ولد وايل مستضيفينك في برنامجهم في الهوليدي ان قبل فترة ما حاولت في تلك الاستضافة انك تبشك احد منهم او تتعرف على حقين الصيانة لانه هذا وقت الفائدة من وقتك اللي استغلوك فيه ..

عموما ً ان كنت لا تزال تحتفظ باوراق تثبت انك حضرت الدعوة ذيك ممكن تنفعك في مطالبك ... ويبقى اسلوبك الراقي في احراجهم و لا تنفعل ولا تخطي على احد عندهم وتذكر ان تبي تخلي موترك عندهم يعني اي واحد يبي ينتقم منك انتقام الجبناء راح يخرب موترك بكل بساطة ...

عاملهم بالمنطق و المح لهم انك راح تتقدم بشكوى رسمية على المصنع لان هذا خطاء مصنعي ... لا تنسى تلمح لهم ان ثمة اخرين تضرروا من طيران هذه القطعة وراح يطالبونك - مجرد قنبلة لتكبير الحدث - وان اللي متضرر رافع عليك شكوى عند المرور و انت هالحين بلش فيه وفي الموتر و من هالكلام حايلهم وخذ حقك منهم والله يصبرك اللين بكره ............
وسيـع البـنايد
15/12/2007, 12:11 AM
التفاهم مايصلح في مثل هالظروف ..

- ارفع صوتك وأنت تتكلم مع المدير وإذا حصل إنك تكون في المعرض قدام الزبائن يكون أفضل
- ما أرضى ما أقبل بالإصلاح
- ابرفع شكوى على أكبر مسؤول
- ابتصل بالصحيفة ( ..... ) وانزل المشكلة كاملة

وشد حيلك
قناص الوعول
15/12/2007, 12:26 AM
يا حليل شركه تيوتا متعونين مع العميل مرررررررررررررررررره
اما شركه نيسان زفت وسيئه مرررررررررررررره
Abu Saad
15/12/2007, 12:26 AM
التفاهم مايصلح في مثل هالظروف ..

- ارفع صوتك وأنت تتكلم مع المدير وإذا حصل إنك تكون في المعرض قدام الزبائن يكون أفضل
- ما أرضى ما أقبل بالإصلاح
- ابرفع شكوى على أكبر مسؤول
- ابتصل بالصحيفة ( ..... ) وانزل المشكلة كاملة

وشد حيلك

صدقت .في هالديرة مايمشي الا هالاسلوب للاسف .. ..
ان سويت مؤدب وهادي ومحترم والله مايجيبون خبرك ويصرفونك ولاتاخذ منهم شي .
وياليت تعطينا الاخبار اول باول .
الله ييسرها ان شاء الله.
أشيقراوي
15/12/2007, 12:43 AM
غريبه انا معي اف جي ولا فيه تنسيم الا مره وحده صارت لي

وكنت على سرعه عاليه مره 180 ,, وهديت وراح الصوت ودزيت مره ثانيه ولعد رجع

وبعدين الصوت موجود بالبرادو والفورتشنر احيانا
اعرف واحد معه فورتشنر وكان فيه الصوت قال المهندس بنغير الجلد بس ما نضمن لك
يعني ماله سنع التغيير
على العموم خلك اسلوب في دخولك على المدير ولمح بالشكوى

الله يوفقك
غضنفر
15/12/2007, 01:04 AM
طبيعي جدا يكون فيه تنسيم هواء
انت ما لاحظت قزازته الامامية كيف وضعها
تقريبا واقفة بزاوية 90 درجة
ما فيها انسيابية
وغير التنسيم
اتوقع ان القزازة عرضة للكسر بسبب طريقة ميلانها
ولد وايل
15/12/2007, 01:25 AM
الموضوع مو تنسيم هوى اقروا الموضوع زين الحديده (برواز) للزجاجه الاماميه طاحت
ولد وايل
15/12/2007, 01:27 AM
خابرك اخوي ولد وايل مستضيفينك في برنامجهم في الهوليدي ان قبل فترة ما حاولت في تلك الاستضافة انك تبشك احد منهم او تتعرف على حقين الصيانة لانه هذا وقت الفائدة من وقتك اللي استغلوك فيه ..

عموما ً ان كنت لا تزال تحتفظ باوراق تثبت انك حضرت الدعوة ذيك ممكن تنفعك في مطالبك ... ويبقى اسلوبك الراقي في احراجهم و لا تنفعل ولا تخطي على احد عندهم وتذكر ان تبي تخلي موترك عندهم يعني اي واحد يبي ينتقم منك انتقام الجبناء راح يخرب موترك بكل بساطة ...

عاملهم بالمنطق و المح لهم انك راح تتقدم بشكوى رسمية على المصنع لان هذا خطاء مصنعي ... لا تنسى تلمح لهم ان ثمة اخرين تضرروا من طيران هذه القطعة وراح يطالبونك - مجرد قنبلة لتكبير الحدث - وان اللي متضرر رافع عليك شكوى عند المرور و انت هالحين بلش فيه وفي الموتر و من هالكلام حايلهم وخذ حقك منهم والله يصبرك اللين بكره ............


اخي الكريم هالبلد حقك مهضوم جدا عموما ما عندي الا الساحات وجريدة الرياض كان لي كتابات فيها
ولد وايل
15/12/2007, 01:32 AM
ياراعي اوشيقر الاف جي جميل جدا ومعي من رمضان بس المشكله هذي بعد ما سقطت على جيب هدد اللي فيه تلفتوا يطالعون اول ما تعديته انطلق البرواز ودخل الهوى بصوت عالي جدا جدا

الله يصبرني على الوكاله بيماطلون بقولون نطلب القطعه من جده او اليابان وتعطل لين بعد العيد
ابوريناد1979
15/12/2007, 02:31 AM
لاتوج راسك اذا ماتجاوبو معك رح لحماية المستهلك على طول
ترا يجي منهم
سامي 77
15/12/2007, 03:05 AM
أذا ما تجاوبوا معك الوكالة أو قاموا يماطلون .. ابحث بالانترنت عن رقم المدير الاقليمي لشركة تويوتا ( الشرق الأوسط ) وتواصل معه وأكيد بتحصل نتيجة .. لأنه مفوض من الشركه الأم و حريص على سمعة الشركة .
والله يعينك و ييسر أمرك
ولد وايل
15/12/2007, 12:28 PM
بارك الله فيكم الان الساعه 12.30 وهم يفتحون على الساعه 1 ظهراَ بمرهم واشوف ردهم لي
ولد وايل
15/12/2007, 03:03 PM
ابشركم الان السياره عندهم والصيانه على حسابهم مع القطع واعطوني سياره بديل حتى تطلع سيارتي بعد العيد وباذن الله ساؤافيكم بعد ذلك بكل ما يحدث
سعد777
15/12/2007, 03:59 PM
ماتراء شر وتنحل مشكلتلك بمشيئة الله

وشكل راعين الهدد يدربلون مضبوط الله يكفينا شرهم
Black VTC
15/12/2007, 08:16 PM
ابشركم الان السياره عندهم والصيانه على حسابهم مع القطع واعطوني سياره بديل حتى تطلع سيارتي بعد العيد وباذن الله ساؤافيكم بعد ذلك بكل ما يحدث


ما شاء الله ........ الله يبشرك بالخير و هذي تحسب للوكالة . وانا ملاحظ عبداللطيف جميل مهتم بالاف جي كروزر و هذه احدى مميزات السيارة ... على البركة والله يصبرك على الموتر البديل ان كان من نوع ديهاتسون هاتشباك تحس انك لازقن بالارض بعد الجيب :)
ولد وايل
17/12/2007, 08:06 PM
اخوي سعد اشكرك لمرورك الكريم
اخوي بلاك فتك كنك داري بهالديهاتسو كني بصتدوق شاهي الخشب القديم
Abu Saad
17/12/2007, 11:07 PM
اخوي ولد وايل ما سالتهم ماهو سبب الخراب ؟؟
يعني هل هو عيب مصنعي ؟ وهل جاهم زباين غيرك نفس المشكلة ؟
ولد وايل
17/12/2007, 11:23 PM
من الشباب اربع اشخاص لم تحصل لديهم المشكله بس يمكن بسبب العمال للي عندهم كنت مغير ربل الابواب عشان التنسيم ويمكن تعبث فيها واعدمها