موقع الإستعلامات الشعرية

[السمح]

نظراً لأن الكثير منا لا يخلو من أن يكون لديه أبيات أوقصيدة سمعها أو قرأها أو يعرف اجزاء منها ولكنه لا يعرف قائلها أو بقية القصيدة .. ولأن مثل هذه الأسئلة ترد دائماً في الخيمة فأرى تثبيت هذا الموضوع ( من القائل ؟؟ ) وكل من لديه سؤال يضعه هنا ، والرجاء كل الرجاء ممن يعرف الإجابة أو يريد أن يعلق على إجابة معينة أن يتفضل مشكوراً بالرد والتوضيح لتعم الفائدة .. فلا تتردد عزيزي العضو في وضع سؤالك او جوابك وتعليقك ..
فقط أرجو أن تكون الأبيات منسقة بواسطة برنامج تنسيق الشعر ، والمشروح في هذه الخيمة (http://www.mekshat.com/vb/showthread.php?s=&threadid=2177) ..
اشكر العضو ( حجرف ) الذي اقترح هذا الاقتراح الجميل ، والذي له الفضل حقيقة في طرح هذا الموضوع الرائع ..

أحبكم كلكم ..

[السمح]

من القائل ، وهل للبيت بقية ؟؟


يازين فرّع وقض الراس=خل الازارير دلاّعه

[عاشق الصحراء]

هلا و الله بالمشرف المبدع الي دائم ما شاء الله عليه يجد حلا للمعضلات .
هذا الموضوع اسمه موقع الاستعلامات الشعري:D

اما عن الاستعلام عن قائل القصيدة فلا اعلمه
:what:
اما بقية القصيدة......... استلم:cool:


يا زين فرع و قض الراس=خل الازارير دلاعه
ودي بشوفك يزول الباس=و املا النظر منك لو ساعه
شربت حبك بغير قياس=و صارت لك النفس خضاعه
كلن شرب بالهوى له كاس=و انا معك حيلتي ضاعه
لولا الهوى وش حياة الناس=كل الهوى القلب مرباعه

[السمح]

مشكور يالغالي عاشق الصحراء على تجاوبك وتكملة القصيدة .. وتعطي أكثر يابعدي ..

كما أشكرك كل الشكر على توضيح الخطأ في البيت وإن لم تشر إليه ، وقد تلاحظ أنني تلافيت ذلك ..

لك التحية والتقدير ..

[صالح2]

وانا ايها الأخوة ارجو ممن يعرف بقية هذه القصيدة أن يتحفنا بها وله الشكر وهي لعلي الخياط :


هذي عنيزة مانبيعه بالزهيد=الى فرعن البيض نحمى جالها

[المسفهل]

قال علي بن إبراهيم الخياط من أهالي عنيزة :






يا دارنا لا ترهبي يومك سعيد=حنا مقابيس اللقا ورجالها

هذي عنيزة ما نبيعه بالزهيد= لا فرعن البيض نحمي جالها

دونك ودون الغين مخضر الجريد=نروي من الضد الحريب سلالها

يا ما ذبحنا دون غضات تميد=جنايز ترمى ولا احد شالها

يا شيخ يا للي ما نشا مثلك وليد=لا رفعن الخيل شهب اذيالها

لو جبت عناز وشمر والرشيد=ونجد جميعه دقها وجلالها

جبته وخليته كما حلقة حيديد=شرق وجنوب وغربها وشمالها

الدار دون اهلابها تحمي الطريد=صعب على كل العدا منالها

كم سابق يوم اللقا جريه يزيد=عاداتنا ضربه وضرب امثالها

ياطا حديدوفوق راكبها حديد=توطته مركوبته بنعالها

عينت وين الجرو تكفى لا تحيد=قل لي تعشته الضرا وعيالها

والشيخ مثلك ما يحايد من بعيد=يقلط على العقدة يهد اجدارها

لي بندق ترمي اللحم لوهو بعيد=ما وقفت بالسوق مع دلالها

خمس رصاصهْ سته أشبار تزيد=ملح الجريف محيل يعبالها

ربعي هل الطولات والباس الشديد=خطر عزايمها تهد اجبالها

وإن كان تبغي الحكم والراي السديد=ادحم على الديرة وحضب جالها

قطع النخل مهوب عيب والوقيد=العيب باللي ماتتم أقوالها

والله يجازي كل جبارٍ عنيد=منا ومنكم يوم عرض أعمالها

[صالح2]

اشكرك يالمسفهل ونردها لك بالأفراح ان شاء الله .

[المسفهل]

من القائل :

ياحافرين القبر خلوه ميداني ------------ واللي على قد راسي لاتهدونه ؟؟


وياليت ذكر القصيدة كاملة أو المرجع إن أمكن .

[ابو زياد]

ما اعرف منها الا بيت وهو
خلوني اشوف من سير ومن جاني واشوف غض النهد يمشي على هونه

[((( الحر)))]

حسب معرفتي القصيده ثلاثة ابيات ولا سمعت احد يقول زياده عليهم والابيات هي:

ياحافرين القبر خلوه ميداني = والي على قد راسي لاتطمونه
خلوني اشوف من سير ومن جاني = واشوف غض النهد يمشي على هونه
غض النهد وان مشى في واديً سالي = تلقى النفل والزبيدي منه يجنونه

وسلامتكم

[المسفهل]

كل الشكر للأخوين أبي زياد ، و ((( الحر))) على إفادتهم لي عن سؤالي بخصوص البيت :

ياحافرين القبر خلوه ميداني --------- واللي على قد راسي لاتهدونه

فجزاهما الله خيرا وزادهما علما وفهما .

[هب الريح]

هذى اظن لجديع السبيعى وهى منها
ينحر اللى شب فى قلبى وجيده= ينهزم بك والرفارف طافحات
=صنعة اللى مايعرفون الصلاة

[((( الحر)))]

اخوي هبة الريح حياك الله مادري انت تستعلم عن البيت او ماذا
ارجو التوضيح وسلامك.

[هب الريح]

اخى الحر اطال الله عمرك
اسال عن القصيدة من يعرفها كامله
انا مره سمعتها من واحد من الجماعه وحنا راجعين من جلاجل للرياض الله يحفظهن
وبس ماغيبتها السبب واانه مشترى عراوى جديد وهو ايطوح بها
من عشرين سنه واكثر
اظن اللى قالها هو جديع السبيعى
وهى فكاهيه غزليه فى آن واحد

[المسفهل]

من يدلني على القائل - مشكورا - :

الله من بيت ورا الصدر مكنون ................. أخاف من جهال الملا يدمرونه

[السمح]

أخي المسفهل .. أنا معك أنتظر إجابة على هذا السؤال ..

إن كان ما نيب واهم فهو لأحد شعراء عنيزة ويا قربه يكون محمد العبدالله القاضي ..

وإن لم يكن كذلك فهو للأمير السديري .. كني سامعن هالشيء ..

وينكم .. يالرواة .. تكفى يا عاشق الصحراء ..

[عاشق الصحراء]

الله يهديك بس يا ابو تركي لا تزقفن بالحيل للسماء (رواه):D
ترن ما اداني الارتفاعات الشاهقه تنافض ركبي:D
الله يطولّي عمرك و السامعين دوّرن عند هجينيات ملطوشه
مناّ,,, و الا مناّ,,,ااااشششييببب,,هه
اما راويه..... لا و الله..اسمح لي :)

يا ابو تركي و السامعين الله يسمّح دروبكم جميعا
شكرا على الاطراء اللي اعتز فيه و لا انساه لكم ابدا,
و هذا ان دل يدل على ثقتكم بي و تقدير لمجهوداتي الاقل
من متواضعة و التي لن ابخل بها.
الله يوفقكم و يجعل منتدانا من احلى المنتديات.
كل الحب و الولاء لادارة منتدانا و اعضاءه.
عاشق ااصحراء .
:good:

[صالح2]

ايها الأخوة هناك شاعر كبير منذ كان صغيرا في سنه ولكنه كان كبيرا في شعره ........ وله عدد كبير من القصائد ولكنه لم يشتهر ولم يكن يظهر نفسه ولولا أن بعضها مغناه لما عرفه أحد وقد انتحل بعضهم قصائد له وغناها بعض المطربين على أنها لأولئك بينما هي لشاعرنا .........وهذا الشاعر هو الفلته الكبير حمد المغيولي فمن كان يعرف من قصائده شيئا أو قصته في المحاورة التي جرت في الكويت- وكاد ان يقتل بسببها حسب ما سمعت - وكان عمره حين ذاك 16 عاما فليتحفنا بها مشكورا ......... وإن رأى مشرفنا ان يفرد موضوعا مستقلا له فهذا من كرمه وشاعرنا يستاهل ولكم كل التحية والتقدير .

[قايم البخت1]

1= ياونتي ونت الجالي =اللي جلاعن بني عمه

2= اشرب الفنجال واكب البياله=طيب(ن)واحب سلم الطيبيني
3=سرى البارق اللي له زمانين ماسرى=صدوق المخايل بارقه يجذب الساري
على فرعة الوادي وسيله تحدرى=تعني طيور الماء على جاله الجاري


كما ابي تكملت الابيات التاليه وهي على ماأعتقد الشاعر الكويتي مفرح الضمني

1=ياوجود القلب ياشوفته نوبه=قبل تقضي ايامنامع لياليها
1=ياعرب ورعكم لاتطقونه= طقكم للورع يثر على حالي

[المسفهل]

هذه القصيدة للشاعر سليمان بن ناصر بن شريم
سرى البارق اللي له زمانين ماسرى=صدوق المخايل بارقه يجذب الساري

على فرعة الوادي وسيله تحدرا=تغـني طيور الماء على جاله الجاري

مرابي غزالٍ عقب عرفه تنكرا=عليه الله أكبر كل ما حل به طاري

نطحني بدق الهيل حدر المشجرا=جميل المحاسن لا ضخيمٍ ولا عاري

أبو لنبة مثل القمر ضاح واسفرا=تواسى على الماء جل خلاقه الباري

ترى سلبة العاتق إليا صد ما درى=مثل سلبة العرجون في صفحة الذاري

برى الجرح منه ومني الجرح ما برى=وهو يحسبه يوم طال المدى باري

صويب الهوى مسكين مشيه على ورى=ترى النقص فيه وحاله أقوى من الضاري

[السمح]

الأستاذ الفاضل صالح2 :
صدقت والله والشاعر حمد المغيولي من الشعراء المعروفين جداً وخاصة في مدينة عنيزة ، وبالذات على مستوى شعر الرد أو القلطة هو ورفيق دربه المرحوم عبدالعزيز بن بادي ...
ولكني مع الأسف لا اعرف قصته في الكويت التي أشرت إليها ، فياليت إن كان أحد الإخوان يعرف هذه القصة أو وقعت في يدك انت أخي صالح ان تتحفنا بها ولك كل الشكر ..
من القصائد التي أعرفها للشاعر حمد المغيولي هذه القصيدة الرائعة جداً .. وأعذرني أخي الكريم على التقصير :

تعزّيت أهوم الصبر والصبر ما أطيقه=عيوني من الفرقا شِقاها يْلاحقْْها
ألا يا عيوني من طِوى الهم والضيقه=إلى أقبل سواد الليل هلّت غوَارقها
أنا إنْتَلّ قلبي وانْصَرم من معاليقه=جِزَع وانْمزع والروح شبّت حرايقها
ألا يا وجودي وَجْد من قِلْ توفيقه=غدا لـه ذِهيبٍ جرّته ما يْعتّقها
على جادلٍ كِنْ الكواكب عشا ريقه=تهاوى القمر والشمس من فوق عاتقها
عليه أشقر منْقوض تسبح دوَاليقه=على نهْدها المركوز والنهد خانقها
ألا وَاهني من صام وافْطر على ريقه=شَهَر من زمانه عندها ما يْفارقها
عسى مزنةٍ من عَصْر تكشف بواريقه=عليها يْحوّل الطير من قوْ بارقها
تحدّّر على نِفْدٍ هَوَايَه مشاريقه=جنوب الشعيب وشرقها الجال فارقها
تجي غبّها الريضان تضحك زماليقه=حَمَارْ وبَيَاضْ زاهيه جَلْ خالقها

[صالح2]

جزاك الله خير اخوي السمح ...........وحاشاك عن التقصير- ولهب لمك - واشكرك على القصيدة الرائعة وهي من القصائد التي غناها سلامة العبدالله وكنت اسمعها في الماضي و احمد الله على التوفيق ونسأله الثبات الى يوم نلقاه ........وعلى ذكر سلامة العبدالله فهو غنى كثيرا من قصائد حمد المغيولي . وأضم صوتي لصوتك واناشد الأخوة ممن يعرف قصائد له او قصة المحاورة في الكويت ان يذكرها هنا حتى تكون فرصة لجمع اكبر عدد ممكن منها واشكرك اخي السمح مرة اخرى .

[المسفهل]

أخي العزيز صالح 2 هذه ثلاثة أبيات من شعر الشاعر الكبير حمد المغيولي تدل على علو الهمة

و الاعتزاز بالنفس وعدم الرضى بالإهانة والإذلال :
كان شفك بغيري يا حياة الروح قل لي =أنت المخير وأنا حقك علي أطوي حبالي

من باعني بالرخا بعته عسى قربه يولي= والله ما اغلي هنوف عندها ما نيب غالي

والله فلا يطرد المقفين رجل يستدلي= خلك بفالك وأنا يا صاحبي خلن بفالي

[المسفهل]

محاورة جرت بين الشاعرين الكبيرين/حمد بن عبدالرحمن المغيولي/ وعبدالعزيز حمد البادي رحمهما الله والتي جرت في محافظة عنيزة:
[[/poet]
عبد العزيز:
روح الليل والمسرا على الطاروق
وأخلف الوضع من طاروق للعادي
المعاني ذلول وقابله للسوق
خل نارك لها سلهوب وقادي

حمد:


خلها يا المغني مثل اول فوق
لا تسرب معانيها مع الوادي
يا مسافر ترى إنك بالسفر مرفوق
نضوتي فوقها المعلوق واشدادي

عبدالعزيز:


قم قبل ياصلك رمح الخطا مزروق
كان دكت مع الميدان مرجادي
كان ودك تحق الشوق يامرزوق
خل اذانك تسمع هرج ابن بادي

حمد


انتعش قلبي اللي باسفل المعلوق
طبعنا ما يفاخت طبع الأجوادي
هاتها في سنعها والشقا ملحوق
انت فنان بالجابات وستادي

عبدالعزيز:


ان لقيت بالبضايع في مفيض السوق
ارغب الزين لو فيه الثمن زادي
كان شمس الضحى لك بادرت بشروق
غير محدار ابو حدري ومسنادي

حمد:


راعي الذود زار القاع ابو رقرروق
ما نشد عن حميد قبل حمادي
غير سواق اقشر ما يعرف يسوق
لو يضيع القوايل قلت له غادي

عبدالعزيز:


يمكن انك غويت الدرب يا مخلوق
خل فكرك يروق والله الهادي
كل طير يرفرف بالفضاء بسبوق
مير خذلك مع الطاروق مرقادي

حمد:


انت رجل بصير وغير انا مطفوق
خابرين السلوم بعصر شدادي
خل عندك مجامل هالسنة ورفوق
مانبيها مجاذب هرج وعنادي

[السمح]

سلمت والله يالمسفهل .. وما قصرت ..

اشكر لك نشاطك الواضح في هذه الخيمة وغيرها من الخيام ..

يا عل ربي يخليك ويزيد علم على علم ...

[المسفهل]

أخي العزيز السمح تحية طيبة .. وبعد : فكم لك في هذا المنتدى من أياد بيضاء لاينكرها إلا حاسد أو مكابر

إن هذه المشاركات المتواضعة ماهي إلا ثمرة من ثمارك , وزهرة من بستانك ..

فكلماتك العذبة التي نشاهدها خلف كل مشاركة لها من الوقع والأثر ما يفوق التصور ويجل عن الوصف..

فالشكر كل الشكر لك - مشرفنا الغالي - ولمن معك من المشرفين الذين ضحوا بأوقاتهم من أجل

إنجاح هذا المنتدى ورفع مستواه إلى ما نشاهد ونلمس ..

فجزاكم الله عنا وافر الخير وأوفاه .

[ابو نجود]

السلام عليكم ورحمة الله وبركاته وبعد
اشكر الاخوة القائمين على هذا المنتدى على الجهود التي يبذلونها في سبيل الرقي بهذا المنتدى وخصوصا المشرف الرائع السمح وكذلك صاحب اقتراح منتدى الاستلامات الشعرية الذي نحن باشد الحاجةاليه وانا احب ان اعرف قائل هذا البيت ونبذة عن حياته وتكملة القصيدة ان امكن

يا قصر ليتك للوداعين جارا= والا مع ال سويد يم داورد

[السمح]

حياك الله أبونجود ويا هلا ومرحبا ..
وأشكرك على الكلمات اللطيفة التي وردت في مشاركتك .. والشكر كل الشكر حقيقة للأعضاء الرائعين الذين يثرون هذه الخيمة والخيام الأخرى في المنتدى بكل مفيد وطريف ..
عزيزي لعلك تسمح لي بنقل السؤال إلى موضوع الاستعلامات الشعرية الذي أشرت إليه ، فهناك قد يجد الاهتمام الأكثر .. ونحن ننتظر من يفيدنا عن قائل البيت وتكملة القصيدة ..

[ابو نجود]

تمون يا اخوي السمح انقل على كيفك وانا كنت ابغى المشاركة في الموقع لكن جت هنا والعذر والسموحة على الخطأ
مع تحيات ابو نجود

[الخبير]

السلام عليكم
يا جماعة انا قصيدة حافظ بعضها و دايم ارددها ولكن ما اعرف قائلها منهو و اعرف تكملتها

حياتي اليوم مابيها = ولاني يا عرب شفقان
انا عاشق حيات البدو = و البدوان من ساسي
ياليت اقضي ربيع العمر = بين النوق و الحيران
مع البدوان احب اقضي = حياتي و الفظ انفاس
واحب اتبع قطيع الزمل = ويوم تسرح القطعان
احب اسرح و احب امرح = واحب ارقى على الضلعان
واحب الثوب يوم يصير = يابس من عرق راسي

=========================

http://nobody.jeeran.com/expert.jpg

[السمح]

أحب أن أعرف قائل هذا البيت .. وإن كان له تكملة .. لأني أبحث عنه منذ زمن ولكن مع الأسف لم أجد إجابة ..


لعبّي زماني لعبة الزير في جسّاس=يطالب بدم كليب وافنى بني مرّه

[صالح2]

اخي / المسفهل
ماقصرت .....

[البارع]

اخوي صالح 2 على حد ماوصلني
انه لما بغى يقتل كان في مراد في زواج في قرية العمار مع الشاعر المطيري شلويح بن شلاح المطيري وكان الشاعر شلويح من اهل الكويت وسببها فهم بعض الحضور شعر الرد فهم خاطىء مما اعتقدوه انه سب مباشر لهم ولكن الشاعر شلويح قال للشاعر حمد المغيولي استمر وخذ راحتك .
اما يوم عمره 16 فاعتقد انها في الاحساء .

[صالح2]

اشكرك اخوي البارع على المعلومة وقد تكون معلومتك هي الحقيقية اذا كنت متأكد منها او حاضرها ويكون خلط الراوي الحادثتين والموقع كون الشاعر كويتيا ......... والله أعلم .

[حيمود]

للاخ اللي سأل عن ..

قصيدة ..

يا حافرين القبر خلوه ميداني ..

هي اطول من سبعة تابيات ..
ومذكورة في كتاب .._ السامري والهجيني ) للحمدان .....راعي البير

وهذي بعضها واعذرني لو اخطيت فهي من زمان في راسي ..

وادمح الخطأ عن اخوك

تفضل


عديت في مرقب بالشفا العالي=مدهال غيً يظل الطير من دونه
يا حافرين القبر خلوه ميداني=واللي على حد راسي لا تغطونه
خلوني اشوف من سير ومن جاني=واشوف غض (..)يمشي على هونه
اصويحبي وان مشى في واديً سالي=نبته نفل والزبيدي منه يجنونه
حب الحبيب صبغ ما عاد ينشالي=لو كل يوماُ بصافي الماء يغسلونه
له مشيت ما مشاها اول ولا تالي=اللي وراه واللي قدامه يراعونه
سمعت عقب العصير صياح رجالي=واثره حراجاً على عفشه يبيعونه




سمعت عقب العصير صياح رجالي=واثره حراجاً على عفشه يبيعونه

[بالطقاق]

السلام عليكم
انا يالربع ضيف جديد عليكم
وابغا منكم قصيدة الجمس حقت ضيدان ابن قضعان كامله
اللي يقول مطلعها
(قم يانديبي فوق جمس(ن)مصمم)
اخوكم بالطقاق.

[الجازي]

بالفعل سعدت عندما وجدت هذا الموضوع الاكثر من رائع ...
فالشكر لكم أخواني وعلى جهودكم المبذولة...
لدي إستفسار بسيط عن قصيدة ياخاين العشرة وهو ...
إلى من تنسب هذي القصيدة؟؟
من هو قائلها؟؟
ولكم مني جزيل الشكر وفائق الإمتنان؟؟


كنتي مناة القلب والروح والعين*** واليوم عينك يعلها ما تباتـــي
كنت أحسبك للعهد والحب توفين *** قلتي الغدر بالحب ماهي بسواتي
وحلفتي يمين الله ما منك اثنتين *** وانك ملاك دون كل البناتـــي
وانك على عهد المودة تسيرين *** ولا تسمعين أهل الحسد والوشاتي
وصار اليمين ستار خلفه توارين *** ورماح غدرك بالخفا مشرعاتـي
وبان الغدر سم جرى بالشرايين *** الله عسى يسقيك سم الفعاتـــي
كلي سقيتك حب واليوم تنسيـن *** تقولين حلم ايام واليوم فاتـــي
خذتي الهوى لعبه على ما تحبين *** لين عصفت بالهوى عاصفاتـي
من زينك يا بنت بالشعر تزيين *** من صورك بابياته الطايلاتــي
انامن غرامي قلت كانك تذكرين *** قلت الخجل صاب البدرمن مناتي
وصرتي بشعري في العذاري تباهين *** تقولين اناشمس العصر في حلاتي
زينتك بشعري ولا غربك الزين *** ما زانتك صبقات حمر الشفاتــي
صورتك بالشعر حزام ورياحين *** واثرك هضاب وشوك ما به هداتي
رسمتك سحابه خير قطر تنفين *** فزت لك الصحراء زهور ونباتـي
رسمتك مهاه للجميله تقودين *** واثرك قطيعه وضيعتها الرعاتي
واثرك غراب يوم سدل الجناحين *** كنت احسب اني شايف لي قطاتي
بالشعر غليتك على كل غاليين *** واثرك دنيه وتعشقين الدناتــي
وبالشعر عاتبتك عتاب المحبين *** انا من يسوم الروح لك يا غناتي
توسلت لك خايف على حب عامين *** عامين لكن في حسابي مئاتــي
ناديت لكن لي ابد ما تسمعين *** عمري وروحي فكري في ثباتي
حذراك للشينات عمري تماشين *** عديمات اصل اخلاقهن دانياتي
غاب الولي عنهن ولعبن بحبلين *** يا خس واليهن وخس الولاتي
ما همهن في الناس زين ولا شين *** وقلوبهن من حقدهن مظلماتي
وقلتي وربك لو يكونا ملايين *** ما غيرن بالطباعهن من سماتي
تحسبين انك بالمهافه ترقين *** كيف الصعود يكون للهاوياتي
وخنتي وبعتي كل عهد وايامين *** ما عاد يفرق بين ماضي واتي
وصرتي مثل غيرك برخص تبيعين *** يا مرخصتني ما بقى لك غلاتي
صبري نفذ واليوم ثارت براكين *** مظلوم انا وباكر تحل ادعواتي
سمعي عسى من بعدها ما تسمعين *** سمعي دعا من صار قلبه حصاتي
ادعي عسى من ناضرك ما تشوفين *** وتطحن بك الايام طحن الرحاتي
وعساك عوق منه ما عاد تبرين *** عوق تشافق له قلوب العداتي
ويالله عسى يحتار فيك المداوين *** تبين الممات ولا يجيك المماتي
ويالله عسى كف الندامه تعضين *** تندمين يوم انه يفوت الفواتي
وتبكين دم يسيل من مقلة العين *** وتحتار امك عن عناك وتحاتي
عسى ما تلاقي من له القلب تهدين *** وان هو حصل ادعي عساك الشتاتي
يا بلوة اللي وسط بيته تعيشين *** ساهي وحوله شب جمر الغضاتي
عسى بعمرك ساعه ما تهنين *** وتمضي حياتك بين هم وشقاتي
يا بنت قلبي وين مثله تلاقين *** قلبا عطاك الحب ما قال هاتي
جيتك وروحي شلتها لك بكفين *** وفي التاليه رمح الخيانه جزاتي
يالله عساك النار يا أم وجهين *** كله انكشف لا ما تفيد العباتي
ويالله عسى تلبسك جن وشياطين *** وتكونين مدعاة الحكي والشماتي
يا حية رقطا تقود الثعابين *** باكر تحن ايامك المعتماتي
وباكر على فعلك بمثله تجازين *** ظلم المشاعر ما تحكمه قضاتي
بيني وبينك تحكم ايام وسنين *** وانا شاهدي قلبا من الغدر ماتي
ويا دمعة التمساح لالا تذرفين *** العيون رغم ادموعها كاذباتي
لا ما عرفتي الحب لا ما تحسين *** وغدرك تعدى غدر ذيب الفلاتي
الذيب يعوي قبل يغدر بمسكين *** وانتي غدرتي خافقي في سباتي
لو كان غدرك في كفوف الموازين *** لكان رجح كل غدر البناتي
انتي السبب سقتي على القلب جرحين *** غدر الغرام وموجع الذكرياتي
وانتي السبب واليوم لالا تلومين *** وان جاك باكر شوفي اشلون يأتي
والله لاكتب وافضحك في دواوين *** وارقص واغني يوم خبر الوفاتي


السموحة في الاطالة ولكن احببت ان تستمتعوا معي بابياتها...


أختكم....
الجازي

[صــــ الوادي ـــقر]

وأنا ابي اعطيكم هذين البيتين أرجو أن ينال استحسانكم

يقول محمد أنا الحال مني تردى *** والقلب زدات همومه وأوجاعه
سبايب من داخلي وتحـــــــــــدي *** كل شبيه وزينة اطباعــــــــــــــه

[الغاطس]

السلام عليكم

هذا البيت سمعته من أحد الشباب ويليت اللي يعرف القصيده الكامله لهلبيت لايبخل علينا


ولو أن قولت أح تبري الجرح "=" كان كثرت من قولها ودويت جروجي


يمكن يكون في البيت خطأ بسيط لاني اذكر البيت هذا مر علي من سبع سنوات ولي فتره وانا ادور القصيده كامله

اخوكم

الغاطس

[البواردي1]

الله يعطيكم العافيه يالقائمين على هذه الزاويه من المنتدى بس عندي اكثر من طلب لو تكرمتو;)
ابي قصايد الشاعر الكبير محمد بن لعبون ومنهم ( ياعلي صوت بالصوت الرفيع,ياذا الحمام,............) ان وجدت عندكم او لها موقع تعطوني الوصله للموقع
وعندي طلب
هالقصيده منو قايلها والله اني كنت حافظها بس عاد ابي اسوق عليكم اللي الحين احفظه عاد تسمحو لنا ان كان من اول القصيده والا من تاليها
هيج اسباع الجو والبر والبحر ** والشمس تشكي حج خيله ينالها



وكلي شكر لكم وان كنت يالغالي تحفظ لابن فوزان
فا ياليت اتزودني بالقصيده اللي يمتدح اهل زبير فيها
اللي ايقول في مطلعها
هلي هل الطولات مكرمين الضيوفي .......................
عاد المعذره لانني انساها الحين من كثر المشاغل والتفاكير يالغالي
وشاكر لك
اخوك ابو عبد الله
الكويت

[ابو نجود]

هلا ....شعيل ماله داعي هالمقدمة كلها عن الدوادمي لانني اعرفه كله وسؤالي كان عن تكملة القصيدة وقائلها ولم اطلب شرحها او توضيح معانيها ....
عى فكرة انت من السويد الا من الجهيم ؟.....ماله داعي اكمل لانني اعرفك معرفة تامةواعرف اهل الدوادمي كلهم واصلهم وفصلهم وتاريخهم القديم والحديث .. ...عرفت من انا ؟
ابو نجود

[السمح]

إخواني الأعزاء : شعيل وابونجود :
السلام عليكم ورحمة الله وبركاته ..
ياجماعة ودي أقول شي .. حنا ما صدقنا اللي صار في موضوع الجكس ، وانتظرناكم طويلاً حتى تحلوا المسألة بالود والتصافي ولكن لم يحدث هذا مما اضطرنا إلى اقفال الموضوع ..
الآن انتقل الحوار إلى هذا الموضوع وبصورة أسوأ قد تثير النعرات القبلية المقيتة مما يخرج عن سياسة منتديات مكشات .. فرجاء إذا كان بينكما حوار خاص فليظل بهذه الصفة ولكن ليس على صفحات المنتدى ، حتى لا نضطر آسفين إلى وضح حل نهائي لمثل هذه المهاترات .. ليكن تراسلكما على الإيميل أو الرسائل الخاصة إذا كنتما مصرين على استخدام المنتدى ..

السلام عليكم ورحمة الله وبركاته ..

[ابو نجود]

هلا والله وغلا بالمشرف الغالي ولك حق تزعل ولك حق نرضيك
موضوع الجكس اقفلته انا من يوم الثلاثاء الماضي وقلت ان هذا ردي الاخير عليه وهذا الرد كان عن مشاركة قديمة لي عن قصيدة كنت اريدها ولازلت اريدها ولم يكن في نيتي الرد نهائيا عليه مرة اخرى ..
اقدم اعتذاري الشديد مرة اخرى لك ولجميع رواد المنتدى ....
اخوك ابو نجود

[ينبع]

هذا بيت من قصيده لشاعر كويتي الرجاء من الذي يعرفها يكملها وله الشكر
يالطلح مامرك مع الصبح صافي ======= طيرا غدالي امس والشمس حيه

[ذيب حوما]

الأخ العزيز (( السّمح ))




مهمانقول ونكتبه مايوفـّــــــــــي = في طيب أبو تركي تخون التعابـيـــر
أجهربها بالصــوت مابه تخفّــــي = بين الرجال الطيّـــبـيـــن المناعيــــر
في منتدى مكشات فعله مكفـّــــي = وفعله مع أهل المنتدى دايمٍِ خيــــــــر
يستاهل التقدير وايضا التحفـّــــي = والي مثل شرواه نعطيــــــه تقديــــــر
ممتاز تقديــره بلا شـك شفـّـــــــي = ولالي بها مطلوب والقصد توقيــــــــر
ومكشات واللي به تراهم بصفـّــي = كلن يقول أبوتركي زبون المخاسيــــر
وإلا الرّدي ياعل ماله ملفـّـــــــــي = والمدح لأهل الطيب من غير توفيــــر
ماكن قلبي عبّرت عنه كفـّــــــــــي = والله يجيره من ســــهوم المقاديـــــــر
واللي يبي يزعل تراه المصـفـّــــي = ولا همّـــني هرج السّـعه والخناثيـــــر

تقبّل تحيات أخيك ///// ذيب حوما /////

[السمح]

والله ياذيب حوما إني ما ألحق جزاك .. ياليت إني شاعر وأرد عليك بأحسن ..
والله إنك أخجلتني بما تضفيه علي من حلل المديح والثناء بما لست أهلاً له ..
أرفق على أخوك ترى يصيبني الغرور يابعدي ..
كلمات الشكر والثناء لا تكفي مقابل شعورك ، ورسائلك التي تنبي عن طيب معدنك .. فبارك الله فيك أخي العزيز .. والقلوب عند بعضها .. ومالك جزا إلا ....... ..:D
عسى الله يخليك وعشت لعين ترجيك ...
مشكور ياعيوني .. :love2:

[ابو زياد]

صح لسانك يا ذيب حوما
يستاهل ابو تركي

[نداي الشامل]

جميل جد جميل ................نعم شيلات محكمه ..................اللي يشلونها في السامري
نبغى نسمع ونشوف مثل القصيد.........................

اظغط[الشامل]http://www.alnadawi.com/samreyat.html[/الشامل]

[راعي الجبيل]

السلام عليكم
عندي استفسار بسيط
وهو من قائل هذه القصيده وهي :

يابن رخيص خل عنك الذواريب خوينا مانصلبه بالمصاليب

مع 100000000 شكر وتقدير

[المسفهل]

أخي العزيز راعي الجبيل هذه القصيدة لمحمد بن منصورالضلعان ، وقد وضعتها في هذا المنتدى
فاذهب إليها من هنا (http://www.mekshat.com/vb/showthread.php?s=&threadid=2758&highlight=%D1%CE%ED%D5)

[راعي الجبيل]

شكراً اخوي المسفهل

وعسى ايامك دايم مسفهله

[دله وفنجال]

مشكورين لاكن ارجو من الاخوه ان يدلوني على الابيات التي مطلعها:

يا ذيب بسئلك لاتاكل الذيب .....

مع العلم اني لا احفض الشطر الثاني وشكرا .....

[ابو نجود]

اخوي الاستبنة ...هذه القصيدة لشالح بن هدلان شيخ الخنافر من قبيلة قحطان قالها في ابنه عندما قتل ،والبيت كما يلي
ياذيب انا بوصيك لاتاكل الذيب كم مرة عشاك عقب المجاعة
كم مرة عشاك حرش العراقيب وكم شيخ قوم كزته لك ذراعه
والقصيدة اطول من ذلك،،،،،،
اخوك ابو نجود

[دله وفنجال]

مشكور اخوي ابو انجود ولاكن هل هذه القصيده موجوده في ديوان معين وشكرا لك ....

[ابو نجود]

اخوي الاستبنة هذة القصيدة موجودة في كتب كثيرة ومنها كتاب ابطال من الصحراء للامير محمد بن احمد السديري...
اخوك ابو نجود

[المسفهل]

هذه القصيدة كما قال الأ الكريم ابو نجود لشالح بن هدلان والقصيدة والقصة موجودة في كتاب أبطال من الصحراء لمحمد بن أحمد السديري - رحمه الله - صفحة : ( 163 )


ياربعنا ياللي على الفطر الشيب=عز الله انه ضاع منكم وداعة
رحتوا على الطوعات مثل العياسيب=وجيتوا وخليتوا لقلبي بضاعة
خليتوا النادر بدار الاجانيب=وضاقت بي الآفاق عقب اتساعه
تكدرن لي صافيات المشاريب=وبالعون شفت الذل عقب الشجاعة
ياذيب انا بوصيك لا تاكل الذيب=كم ليلة عشاك عقب المجاعة
كم ليلة عشاك حرش العراقيب=وكم شيخ قوم كزته لك ذراعه
كفه بعدوانه شنيع المضاريب =ويسقي عدوه بالوغى سم ساعة
ويضحك ليا صكت عليه المغاليب =ويلكد على جمع العدو باندفاعه
وبيته لجيرانه يشيد على الطيب =وللضيف يبنى في طويل الرفاعة
جرحي عطيب ولا بقي لي مقاضيب =وافختّ حبل الوصل عقب انقطاعه
كني بعد فقده بحامي لواهيب =وكني غريب الدار مالي جماعة
من عقب ذيب الخيل عرج مهاليب =ياهل الرمك معاد فيهن طماعة
قالوا تطيب وقلت وشلون اباطيب=وطلبت من عند الكريم الشفاعة

[شَعَّـاااال]

من منكم يعرف بقيه الابيات هذي ومن قائلها ...



طيرك غدا بالصيف شاف التناكير "=" حدنه العقبان لين قلعـنه .
عندي عوض طيرك ليالٍ مخاضير"=" فرخٍ قرانيس الهوا علمنه .
قبلك بكينا الطير هو والغنادير"=" قد عذبن القلب ثم جرحنه .



أظنها كذلك أرجو الافاده عاجلاٍ وللجميع الشكر .

[أبـــوصــالـح]

لسلام عليكم

ابي تكملة القصيدة

لاصرت بالصمان والقيض حاديك..................

ترا بدعي للي يجيبه
وجزاكم الله خير

[أبـــوصــالـح]

السلام عليكم

ابي تكملة القصيدة

لاصرت بالصمان والقيض حاديك..................


وجزاكم الله خير

[naef1382]

السلام عليكم ورحمه الله وبركاته

ماقصرتو والله جميعا ويعطيكم 1000 عافية واحب ان انقل لكم هذه القصيده للشاعر راشد بن معدية الخنفري القحطاني وفيها البيت ( يــاذيــب أنــــا بــوصـيـك لا تــاكــل الــذيــب )

والمصدر
http://www.tathleeth.net/vb/showthread.php?s=&threadid=656
به ايضاح للقصيدتين ابن هدلان وابن معديه




مرثيه في وفاة الشيخ / ذيب بن جعفر بن عبود

شــــدو صــــلاةٍ فـــي هـــوى شــمـخ الـنـيـب وخــلــوا عــلــى الــعــد الـمـسـمـى بــضـاعـة

يــاذيــب أنــــا بــوصـيـك لا تــاكــل الــذيــب كــــــم لــيــلــة عـــشـــاك حـــــل الــمـجـاعـه

كـــــم لــيــلـة عـــشــاك حــــرش الـعـراقـيـب وكــــم شــيــخ قــــوم كــزتــه لــــك ذراعــــه

شــف عـايـض ٍ ومـعـيض جــو لــك مـعازيب ونـــــــا بـــشــيــرك بــالــعــشـا والــشــبـاعـه

وخــوانــهــم مـــثـــل الـــحــرار الــمـراقـيـب كـــــم هــجــمـةٍ بـأيـمـانـهـم جــــت طــمـاعـه

وعــــــرار خـــيـــال الــبــكــار الــحــنـازيـب لا قــــــل هــــــوش مــســدريــن الــجــمـاعـه

وأولاد مـــســـعــود رمــــــــاة ومــعــاطــيـب يـــاويــل مـــــن يـعـطـونـه الــوجــه ســاعــه

خــيــالــة الــشــرفــا رجــــــال الــمــواجـيـب لا جــــاء نــهــار الــهــوش يــــوم الـقـطـاعـه

مــرعــيـن ســمــحـات الــبــكـار الـمـخـازيـب يـــازيــن شـــــوف بــيـوتـهـم فــــي رفــاعــه

بــرمــاحـهـم يــنــحــون عـــنـــا الاجــانــيــب ولــشـيـخـهـم يــمــشــون ســـمــع ٍ وطـــاعــه

-
-
الــشـاعـر / راشــــد بــــن مــعـديـه الـخـنـافر

[naef1382]

ياذيب أنا بوصيك لاتاكل الذيب... كم ليلية عشاك حل المجاعة
كم ليلة عشاك حرش العراقيب...وكم شيخ قوم كزته لك ذراعه

لقد بلغ هذان البيتان من الشهره عنان السماء وفي نفس الوقت اختلط على كثير من الناس قائلها فهناك من يقول
انها لشالح ابن هدلان في ابنه ذيب وهناك من يقول انها لراشد ابن معديه والصحيح انها لراشد ابن معدية والدليل اننا اذا قمنا بحذف البيتين من قصيدة شالح فأن القصيدة لاتتأثروأما اذا قمنا بحذفهما من قصيدة راشد فان القصيدة سوف تتأثر وتفقد معناها لانها مرتبطة بالبيتين فالشاعر في القصيدة يخاطب الذيب اما قصيدة شالح فهو يذكر فيها محاسن ابنه ولم يخاطب الذيب.


وفيما يلي سوف اورد القصيدتين بدون البيتين ولاحظو اي القصيدتين سوف تتأثر:

قصيدة راشد:

شدّو من الماء في هوى شمخ النيب... وخلو على العد المسمى بضاعه

************************... ************************
***********************... ************************

شف عايض ومعيض لك معازيب... ونا بشيرك بالعشا والشباعه
واعرار خيال البكار الحنازيب... لاقل هوش مسدرين الجماعه
واخوانهم مثل الحرار المراقيب...كم هجمه بايمانهم جت طماعه
واولاد مسعود رماة معاطيب... ياويل من يعطونه الوجه ساعه
برماحهم ينحون عنا الأجانيب... لاجا نهار الهوش يوم القطاعه



لاحظ كيف انه يخاطب الذيب ويوصيه بقوله ( شف عايض ومعيض لك معازيب)
وايضا يبشر الذيب بقوله ( وانا بشيرك بالعشى والشباعه)
فالقصيدة بدون البيتين صارة مبهمه لانعرف الشاعر من يخاطب

اما اذا نظرنا الى قصيدة شالح :

ياربعنا ياللي على الفطر الشيب ... عز الله أنه ضاع منكم وداعه
رحتوا على الطوعات مثل العياسيب ... وجيتوا وخليتوا لقلبي بضاعه
خليتوا النادر بدار الاجانيب ... وضاقت بي الافاق عقب أتساعه
وتكدرن لي صافيات المشاريب ... وبالعون شفت الذل عقب الشجاعه

********************* ..... *************************
********************* ..... *************************

كفه بعدوانه شنيع المضاريب ... ويسقي عدوه بالوغى سم ساعه
ويضحك ليا صكت عليه المغاليب ... ويلكد على جمع العدو باندفاعه
وبيته لجيرانه يشيد على الطيب ... وللضيف يبني في طوبل الرفاعه
جرحي عطيب لابقى لي مقاضيب ... وافخت حبل الوصل عقب أنقطاعه
كني بعد فقده بحاني اللواهيب ... وكني غريب الدار مالي جماعه
من عقب ذيب الخيل عرج مهاليب ... يالهل الرمك ماعاد فيهن طماعه
قالوا تطيب وقلت وشلون باطيب ... وطلبت من عند الكريم الشفاعه


تلاحظون ان القصيدة لم تتأثر بفقد البيتين وهذا دليل على ان
البيتين من ظمن قصيدة راشد وليس العكس لكنها اظيفة
الى قصيدة شالح لأنها على نفس القافية والوزن ولشهرة
شالح وقصائده وبالذات بعد كتاب ابطال من الصحراء
الطبعه الأولى فعلى ماأظن انها عدلة في الطبعات الأخيرة.


واللي عنده راي يتفضل مشكور.




::::::::::::::::::::::::::ـــــــــــــــــ

يتبع__________

[المسفهل]

أخي الكريم أبو صالح القصيدة ( لاصرت بالصمان والقيض حاديك ) موجودة في هذا المنتدى فاذهب إليها من هنا (http://www.mekshat.com/vb/showthread.php?s=&threadid=3884)

[العاس]

عندما كان مجموعه من الصيادين يطاردون قطيع من الغزلان وهم يزحفون على بطونهم قرصة افعه بطن احدهم فاصبح ينازعه الموت ثم اجمعوا الرفاق أن يتركونه لانهم لاحول لهم ولاقوه فتركوه فذهبوا ليكملون صيدهم وبعد اربع ايام من رحلتهم مرو على صاحبهم فوجدوه قد كتب قصيده على صخره وقدمات
وللمعلوميه هو وحيد ولدته العجوز


ياذيب لاتاكل عضامي والارداف 000000000 وأنا خويك والعرب فارقوني
شدو صليب منتويناَ بمصياف 0000000000 وحال السراب وشمخ القور دوني
يايوه مالك مع هل الصيد لقاف 0000000000 عزي لعينك من ترجي العفوني



وله تكمله ولاكن للأسف لم احصل عليها

[altameem]

البيت هو
أح لو كثر تبري المجرح لأكثرت من قول أح وابريت روحي
وكنت فعلاَ احفظ يعض الأبيات ولكن مع الأسف نسيتها لأنها قديمة جداَ
وشكرا

[راعي النحل]

من القائل :

عيدوا بي بالخلا والفريق معيدين *** والبنات مخضبه بالشمال واليمين.

نريد معلومات عن القائل والقصيده وسمعنا انها اسمها بخيته .. نرجو الافاده .

[ابن شارخ]

السلام عليكم جميعا ورحمة الله وبركاته

صدفه اتصفح بين هالصفحات الجميله ومريت على مشاركة الاخ
( ينبع ) وهو يسأل عن قصيدة (( الطلح)) وهي محاوره للشاعر المبدع حمد السعيد
بينه وبين الطلح وفيها يسأل ويتوجد على فقدان طيره الغالي واليكم القصيدة بصوت الشاعر:

http://www.dwaihi.com/poem/1hmad13.ram

اتمنى ان تفي بالغرض

تقبلوا تحياتي

اخوكم
ابن شارخ

[ابن شارخ]

الله يمسيكم بالخير

الاخ الكريم (((((( الغاطس )))))))
والاخ ((((( altameem))))))))

يسألون عن قصيدة اللي منها هالبيت ومن هي له


لون قول أح يبري المجرح = لكثرت من قول اح وابريت روحي


هذا البيت من قصيدة للشاعر الكويتي الكبير صقر النصافي يرحمه الله والقصيدة هذي تكملتها:


لو ان من قال اح يبري المجرح = كثرت من قول اح وابريت روحي
مير ان قول اح مالي بها صح = زودٍ على مابي تنقض جروحي
عليك ياللي لحني بالهوى لح = لحة خطاة العجل خطو اللحوحي
جيته نهار العيد يرقص ويلفح = العين خرسا والمبيسم ذبوحي
العام يومن الحبيب على صح = يفرح على الهرجه وقلبه نصوحي
واليوم يومن الحبيب تنزح = لا قلت ريض قال عجلٍ بروحي
توي دريت انه بفرقاي يفرح = أثره يبي غيري وانا اتعبت روحي

صقر النصافي


اتمنى ان تفي بالغرض
وتقبلوا تحياتي

اخوكم ابن شارخ

[راعي الأوله]

مساء الخير يالربع عندي أستفسار عن بيت بودي أعرف من قائله ولو فيه كماله له الله يعطيكم العافيه :

تكفى ترى تكفى تهز الرجاجيل
**** ولولا ظروف الوقت ما قلت تكفى

تحياتي .

[حلحيل]

هل لهذه القصيدة باقي الشاعر"الأمير (خالد بن سعود )

أتمنى لو أعثر على بقية القصيدة



على خد الثرى نسعى عسى سعي القدم مشكور

................................. عسى حجاتنا في تالي الاعمار مبروره

عسى ذنب الجهل والعمد والغفله يجي مغفور

............................. إلى عرضت صحايفنا على الاشهاد منشوره

ألا يا نفسي الجهلا ترى الدنيا متاع اغرور

..................................ترى الايام لو طالت على الآجال مقصوره

ترى عقب الترف والعز والراحه وظل اقصور

................................. يزورك هادم اللذات والاقدار ما موره


:what:

[السكب]

كيف حالك أخوي السمح
بأسلك عن الأبيات اللي هي توقيعك
متى على الله تنطفي جمرة الصيف ....
أكملها ...تكفـــــــــــــــــى

[السكب]

كيف حالك ياأخ السمح
أبغى تجيب لي من القائل لقصيدة اللتي نشوفها في توقيعك
متى على الله تنطفي جمرة الصيف ...ويهب من صوب الشمال البراد
أكملها لو تسمح يالسمح .مشكورا لا مأموراً

[الاكلبي]

هل من شي عن الشاعر سعد جدلان

[شاهين15]

قلبي كمـــا سمح تنثر إبداحه........ وشلون نجمع السمح والرمل غاشيه

يجيه وابل من الثرايا طياحه ....... يــنبت ودايــر الحــــــــــول نـجـنيـــــه


من يعرف عن قصة هذين البيتن او كمالتهما

وله منا جزيل الشكر

[إمرؤ القيس]

السلام عليكم

هذاآخر شطر من قصيدة كامله اللي يعرف باقيها او قايلها او قصتها لا يبخل

فزعة تكفون

الشطر هو :

لو شافها الكافر دخل دين الإسلام


وحياكم

[ميراج]

الاخ العزيزالسمح قائل القصيده التى مطلعها.

يازين فرع وقض الراس=== خل الازاريردلاعه

الشاعرالكبير احمد الناصر

تحياتى لجميع الاعضاء

[المسفهل]

أخي الكريم ميراج ...

القصيدة التي تسأل عنها والتي نتها هذا البيت : ( يا زين فرع و قض الـراس

خـل الازاريـر دلاعــه ) موجودة في هذه الخيمة اذهب إليها من هنا (http://www.mekshat.com/vb/showthread.php?s=&threadid=2749&highlight=%C7%E1%C7%D2%C7%D1%ED%D1)

[قشاع الرمث]

السلام عليكم ورحمة الله وبركاته
يالله وانا طالبك حمرا هوا بالي
لا روح الجيش طفاح جنايبها

وتكفون نبي اسم الشاعر ومن يعرف تاليه..

[عاشق الصحراء]

قال ابن قرقاح عدّى مرقب عالي=باعلى المراقيب تومي به هبايبها
هيضني الرجم و انا من قبلهم سالي=و هيض القلب اوطان شطيت بها
الله يرحمك يا عود شراها لي=من واحد جابها في السوق جالبها
حديدها و اذكر الله كنها ريال=كن الحيايا تطوّى في مقاضبها
كم فرّحت بندقي من صدر زمّال=و كم سرحة فرّقت منها ربايبها
يا الله انا طالبك حمرا هوى بالي=حمرا من الجيش طفّاح جنايبها
لا روّح الجيش حاديه اشهب اللالي=الي هي تورد وسيع صدر راكبها
اللي على عيزها و اللي بالحبال=و اللي على كورها و اللي بغاربها
لا وجّهت مع تخاتيل الخلا الخالي= كن الذيابه تنهّش من ترايبها
الشاعر:فرّاج ابن زيفه القرقاح.



نسقت بواسطة راعي مرات

[راعي الأوله]

أتمنى من جميع المشاركين مساعدتي في معرفة من قائل هذه القصيدة مع كل التقدير والأحترام لكم .



ياجاهلٍ بالحــــب وين أنــت ويني = مثل السماء بيني وبينك عن القاع
لجلك أنا ضيعـــت غـالي سنينـي = ولجلــــك أنا متحملٍ كل الأوجـــاع
مانتب كفو أرخص لك دموع عيني= ومانتب كفو تأمر وتنهي وتنطــــاع
ومانتب كفو أعطيك باقـي حنيني= يكفي عطيعك يومني فيك منصـاع
لا . لا تمـــــــد يديك تبغي يديني = خـــلاص أنا كفيت يادنس الأطباع
كرامتي مع عـــزة النفس فينـــي=تسوى جميع اللي خلق فوق هلقاع




نسقت بواسطة راعي مرات

[الهيلع]

ياشباب ارسل لي واحد هالبيت :-




أصبحت من عقب الرفاقة خلاوي = يقطعك ياجو الخلا عقب الاصحاب



ارجو من يعرف القائل ان يفيدنا

[راع الكحيلة]

أخي المسفهل
فكرة (من القائل) فكرة جميلة جدا

ولكن أظن أنه من الأفضل لو استحدثتم خيمة خاصة لذلك حتى يسهل علينا وعلى الاخوان المشاركة والمتابعة

فالموضوع ما شاء الله طال وزادت صفحاته وصعب معه التتبع

وقد رفعت إقتراحا في خيمة الاقتراحات بهذا الخصوص على هذا الرابط
http://www.mekshat.com/vb/showthread.php?s=&postid=63050&t=7264#post63050
بعد إذن أخونا المسفهل

[قشاع الرمث]

قال ابن قرقاح عدّى مرقب عالي=باعلى المراقيب تومي به هبايبها
هيضني الرجم و انا من قبلهم سالي=و هيض القلب اوطان شطيت بها
الله يرحمك يا عود شراها لي=من واحد جابها في السوق جالبها
حديدها و اذكر الله كنها ريال=كن الحيايا تطوّى في مقاضبها
كم فرّحت بندقي من صدر زمّال=و كم سرحة فرّقت منها ربايبها
يا الله انا طالبك حمرا هوى بالي=حمرا من الجيش طفّاح جنايبها
لا روّح الجيش حاديه اشهب اللالي=الي هي تورد وسيع صدر راكبها
اللي على عيزها و اللي بالحبال=و اللي على كورها و اللي بغاربها
لا وجّهت مع تخاتيل الخلا الخالي= كن الذيابه تنهّش من ترايبها


الشاعر:فرّاج ابن زيفه القرقاح.


مشكور اخوي عا شق الصحرا بس مافيه شريط مسجل
عليه هالقصيده وان كان فيه وين يباع في الرياض
وتراي دورتهفي مكتب مجالس الشعراء الي على طريق الامير بندر ولا لقيته .
ومشكورين مره ثانيه .

ــــــــ
نسقت بواسطة راعي مرات

[قشاع الرمث]

ليتكم تعطونا اسم القصيده

[القناص]

سلام عليكم من الله ورحمة وبركات

احبتي في الله
ودي اسئلكم عن قصيدة وقصتها وقد سمعتها منذ زمن بعيد ولا اتذكر منه الا شطر البيت التالي:
ودي بالمرجله والمرجله ما تستوي لي......................................

سووا فيني خير وعطوني علمها
ودمتم

[معرب الخال]

القصيدة لا اعرفها كاملة ولا اعرف سوى بيت واحد منها


باب ورى باب ورى الباب بواب *** وعيون راعي الباب مايرحمني

[الفهد]

اخوانى الكرام
الرجاء من يعرف باقى القصيدة لايبخل على فيها
ياهيا ليتك عن الرقص هونتى العن ابو غيرك بغيتى تطيحين
ومشكور مقدما

[جوكر]

شباب فيه قصيدة ودي اعرف تكملتها ومن هو الشاعر؟؟.....الله لا يهينكم .....المشكلة اني ماأعرف الا الشطر

الأول ::-

طيري غدا والسلوقي ضاع......؟؟؟؟؟؟؟؟؟؟؟؟؟؟؟؟؟؟؟

معليش ياشباب....لأني والله وماحديتوني على حلف...اني ماعرف الا الشطر هذا......؟؟؟؟


















يالــــيت رجــالٍ يبدل برجـــــال.......وياليت في بدل الرجاجيل حيله
ياابوهلا طير الهوا خبث البال.......الطــير نزرٍ والحبـــاري قليلــه

[خيط العنكبوت]

السلام .. عليكم

الأخ .. راعي .. النحل ..

القصيده اللي .. تسأل عنها .. هي .. ل بخوت المريه .. من قبيلة المره .. وهذي بعض اباتها ..


يا جماعة وان نويتوا على انكم راحلين =غمغموني عن مظاهيركم لا أشوفها
عيدوا بي بالخلا والفريق معيدين =وكل عذراً نقشت بالخضاب كفوفها
كن في كبدي سنا ضو ربع نازلين =برزوها في الخلا والهبوب تلوفها



وتحيتي .. والسلام


نسقت بواسطة راعي مرات

[بـلـيـهـان]

اعتذر للجميع
عن هالخربطه اللي صارت ..


عموما كنت اسأل عن الابيات هذي
اذا كان لها كماله

ولمن

انا سمعت انها لسليمان بن شريم
وسمعت انه للقاضي

أتمنى تفيدوني
ولكم الشكر ..



صبرت لين الصبر بيح كنيني=ولاشفت لي من جملة الصبر نوماس
شابت عوارض لحيتي قبل حيني=وقنعت من عقب الفوايد بالافلاس
من شوف دنيا تجهر الغافليني=ترفع ذنب وتطمن المتن والراس
تبدلت هرج العرب بالرطيني=وقامت تجنس على سبعة اجناس
رخص الحصان ورخصوا الطيبيني=وغلا الحمار ومااشتبه من الناس

[الربيع]

الاخ الكريم السمح
اسعدالله مساك ان قرأت هذه الاحرف مساء واسعدالله صباحك ان تصبحت بناضريك
كلك خير واسم على مسمى انت سمح وهذا المنتدى من اسمح المواقع التي تتقبلها النفس وتأنس بها وبالمشاركين فيها
من القائل فكرة جميلة جدا ويسرني ان اشارك بقصيدة بحثت ردحاً من الزمن عن قائلها فلم يسعفني الحظ اتمنى ان اجد ضالتي بين طيات الذاكرة لديكم ياليتني بارض الخلا
الى الاخوة مشاركي هذا المنتدى الرائع

انا احفظ بعض الابيات من قصيدة سبق ان قرأتها
ولكني لا اعرف بقيتها ولا قائلها فمن يعرفها فليسعفني بذلك وله مني جزيل الشكر






ياليتني بارض الخلا اليوم سواح = ارعى الغنم واطرد طيورالحباري
ماهمني من قال ذا جا وذا راح= واعيش عمر ما يعرف الطواري
وان زارني ليلي بدا الكون وضاح= اشب ناري واتحدى الذواري
واحضن حياتي وارتمي شوق وارتاح = اسمع سواليف القمر والسواري


القصيدة حسب حفظي لها قد تكون كلماتها غير موزونة ولكن هذه الاخطاء ان وجدت فمؤكد انها ليست من الشاعر بل من حفظي لها فارجو المعذرة

__________________

[جوكر]

بسم الله الرحمن الرحيم










دام انكم ماعرفتوا تكملة القصيدة الأوله ولا عرفتوا من هو اللي كاتبها......

طيب هذي ياشباب من هو اللي كاتبها......الله لايهينكم يالذيابه......



مفجوع ياقلــبٍ بـــدا فيــه خلـــــــــــه..........من ناظري يطيب الكرى لجفن جافيـه
بكيت لين أجريت مــن دمــعة لــــــــه..........دمعٍ كمـــا شع الدوالـــي دواليــــــــه
وان ثــل من صفــق المحــاجر وهله..........موقٍ هطل وأبل البكى والجواديـــــــه
علــمٍ لفــى مــن سيد روحــي لعلــــه..........عما شكى له باعث الروح يشفيــــــه
جاني وفاجانــي نبــا علــةٍ لــــــــــــه..........سوا الخبر في منصب الأمر واليــــــه
فزيت يوم أوحيت بالتــرف خلـــــــــه..........قلـــت الخبر بـــالله الخل وش فيـــــــه
قالــوا:عليل قلت روحي فــداً لـــــــه..........ياليت مابه ينتقل بــــي وأنا أفديــــــــه
وأحييت ميت النوح والويــل كلــــــه..........وأرخصــت روحٍ سندت وادي التيـــــه
أنحــــى وغربت الحيــا عن محلــــه..........من الويل ول ول والـــهٍ تلمهاميــــــــه
وعذرت قلــــبٍ كـل مـــافقد خلـــــــه..........يعزاله المرقــــوب ينهش حوانيــــــــه
يـالله حبــل العســــر باليسر حلــــــه..........في شفاك بين النون والكاف كافيــــــه
بطاها ويـــاسين ومنزلــت كلـــــــــه..........حله وبــآيــــات التشافــــي تشافيـــــــه
وبأسماك أسأل باسم الأعظم دواً له..........افرج لجرحٍ فـــي الفرج منك راجيـــــه
يـــامنجـــيٍ يــونس وظلـه بظلــــــــه..........ويـــامن دعـــاه ايوب وأبراه تبريــــــه
يامخرج يوسف من السجن حلــــــه..........وافــــرج ليعقوب ان تفــرج لغاليـــــــه
قم يانديبي بالرســــــالة وقل لــــــــه..........والله من جاني الخــــبر طحت باكيـــــه
كني صريــعٍ دَكْ فيــه ألف علــــــــه..........من شاف حالي سال وأقسمت ما أبديه
وأقسمت له لي بالرضى في محلـــه..........ما حل به يرفع ويوضـــع لداعيــــــــــه
ويسخي بها القلـــب المتيم لخلــــــه..........وتخضع له الروح المريضه وترضيـــه
لا شك مايجري الدهر من هواً لـــه..........ولاينفـــع القلـــب المـحرق تمانيـــــــــه





.....

[خل عطاف]

السمح (نائب المشرف العام)هذه القصيده للشاعر المرحوم بأذن الله

من اهل حائل(ابراهيم الاشقر)

يازين فرع وقض الراس ..خل الازارير دلاعي

[الماضي الدفين]

قصيدة رائعه للشاعر المعروف سعد ابن جدلان الاكلبي

ون أبن جدلان من لايعٍ لاعه
كن في كبدي دوافير صناعي

ألعب المنكوس وأحب روباعه
مملٍ في الوقت والوقت خداعي

مادريت أن ضحكة الوقت خداعه
شفت مدخالي ولاشفت مطلاعي

لابغيت أسج والا انبسط ساعه
دق قلبي من وراء حدب الأضلاعي

كن مابين الضلوع آلة طباعة
تشتغل لانمت وأقوم مرتاعي

هم قلبي مايفرق تجمَاعه
غير جر الصوت والناس هجاعي

فاقدٍ لي سلعةٍ وأكبر أبضاعه
سلعةٍ تشراء ولاهيب تنباعي

رفقة الطيب ليا غير أطباعه
أشهد أنها كيةٍ توجع أوجاعي

راكب إلي صممه صاحب أصناعه
جمس بيك أب من حديثات الأنواعي

الغريب الي جديدٍ من أنواعه
حوض رفرف مايبي شد وشراعي

لا أونس البنزين عجلٍ تفرقاعه
مخطرٍ من سرعته يقلع أقلاعي

لاتحرك شفت في القاع مشلاعه
والتواير تظهر الماء من القاعي

ينعش القلب الحزين أبتهملاعه
لامشا قام يتهملع تهملاعي

لاوطى الأرض العتش كن تهزَاعه
بنت شيخٍ طامحٍ من ولد راعي

في رجاء الغايب تحَرا لمرجاعه
تنقد العشاق وتطق الأصباعي

نفسها من جملة الناس منصاعه
ماتبي إلا واحدٍ ذكره أيشاعي

ينحر اللي يأخذ الطيب بذراعه
الصديق الصافي الصامل الواعي

الوفاء والطيب ساسه ومنباعه
يوم بعض الطيب تقليد وصناعي

لاوصلتوا فأخبروني عن أوضاعه
وأخبروا راعي السمارا عن أوضاعي

أنشدو ويش السبايب بمهزاعه
لاعلي ناقص ولا أبيه فزَاعي

ودَنا نرضيه ونحاول أقناعه
كان بن مهمل بعد يسمع الداعي

كان يبغا حق للحق قطَاعه
نقنعة والحق ماعنه مجزاعي

وكان مبغضٍ في الرياجيل بتَاعه
لايجي ناقد ويلحقني أرياعي

لصَديق نخلَي النفس خضَاعه
مانوريه الجفا والتمطَاعي

الصداقة عندنا ذخر وطماعه
صحبةٍ ماهيب صحبة تمتاعي

حد جدتها على البرق لماعه
وإن خذت يومين مفعولها ضاعي

إن تليمنا على العز والطاعه
وأن تفرقنا فجوج الله أوساعي

ما أطرد المقفي ليا صفط أشراعه
مخبل اللي للمقفين تبَاعي

من يحط أذنه على كل سماعه
جاه فرقاً مابعدها تجمَاعي

والزباد أختام هرجي ومطلاعه
يدفعه من ريحة المسك ذعذاعي
وسلامتكم