المساعد الشخصي الرقمي

مشاهدة النسخة كاملة : وين أكشت في أيام العيد ..؟؟


ولد الدلم
15/12/2007, 05:23 AM
السلام عليكم

باختصار .... انا بكشت أيام العيد كم يوم في البر ... وابغى الله لايهينكم تقولون لي وش البر اللي فيه ربيع هالسنة !!!
أسالكم لأني ما تابعت اخبار الامطار ولا ادري عن الاماكن اللي صابها مطر!!!!!!!!
سااااعدوني يالربع...
ربيع الشرقيه
15/12/2007, 05:42 AM
اي ربيع الله يهديك والله يمدحون تونس والجزائر والمغرب يقولون السنه هذي عندهم ربيع طيب وفقع :cool: :cool:
والله وناخوك الجزيرة العربيه بأكلمها الوسطى والشمال والشرقيه والحفر والصمان والغربيه حتى الجنوب ماجاة مطرحتى الان :( :( :(
جفاف عظيم نسال الله عز وجل ان يبدل الحال وان شاء الله اجازة نص السنه تعين خير
المتحير
15/12/2007, 11:49 AM
اللهم اغثنا غيثا مغيثا هنيئا مريئا غدقا سحا نافعا غير ضار عاجلا غير آجل برحمتك يا ارحم الراحمين
راع الابل
15/12/2007, 11:57 AM
تبي تكشت جهز موترك وعزبتك وكلم ربعك يستغفرون كثير ووص كل من تشوف يستغفر الله كل وقت ويمكن كذا يجينا مطررررررر وتكشت

الشكر لك
النعامي
15/12/2007, 01:39 PM
إعزمو امركم ثم توكلو على الله وعليكم بالإستغفار والتكبير ورفع الصوت به وإستغيثو وانتم في بركم واطلبوه فإنه قمن ان يستجاب لكم واذنولصلاتكم وإرفعوصوتكم بها وعليكم بتقوى الله بارك الله فيكم واعادكم سالمين غانمين
اللهم اغثنا ياحي ياقيوم ياذا الجلال والإكرام
اسأ ل الله ان يمطركم ويغيثكم وانتم في بركم وتعودون بالعلم الطيب إن شاء الله
قفار
15/12/2007, 02:07 PM
الله المستعان ..

حتى لو نزل مطر ما يمدي الربيع يطلع ..
عسّاس المطر
15/12/2007, 11:40 PM
يالطيف يالطيف
شف وانا اخوك الخيمة وشبة النار مع غيبة الشمس والسمرة والقدر يطبخ وزانك هذي تكفي للي يبي يبعد عن المدن وهم الروتين أما مطر عسى الله يجيب الخير متفائلين خير من نص المربعانية ووراء وسبحان القادر والفعال لما يريد
خيال العرفا
15/12/2007, 11:42 PM
اللهم أغثنا
ويجي الربيع ان شاء الله
ناصح
15/12/2007, 11:45 PM
يا حليلك عاجل جدا مرة وحدة

أخفتني بهذا العنوان ...:confused:

على كل حال ياليتك تختار العنوان المناسب دائما فبل كتابة الموضوع ..

أما بالنسبة للكشتات أنا في رأيي طالما أنه لا يوجد ربيع فلا أجمل من المناطق الرملية ..

وبالتوفيق في إجازة العيد ....:D

واسمح لي بتغير العنوان ونقل موضوعك للمكان المناسب ...
الكونترولCONTROL
15/12/2007, 11:49 PM
وسع صدرك
==============
يوجد الكثير من المنتزهات البرية التي تكون طيبة غالبا اذا سلمنا الله من العجاج
========================================
و من ثاني العيد ملتقى ام حزم ......... مناسب و ممتاز ...... الله يجيب الخير
دمعه
15/12/2007, 11:54 PM
يجيب الله خير ""
ابومحمدالراحل
15/12/2007, 11:55 PM
زي ماقال مشرفنا المناطق الرملية

مثلا عندك الدهنا عسى الله يسقيها عاجلا آمين

بالتوفيق ان شاء الله
الصقار2007
16/12/2007, 12:11 AM
يمدحون حقل وتبوك
((( الحر)))
16/12/2007, 12:20 AM
حياك الله يالغالي

الطلعه من المدينه والبيوت في هالاجازه اعتقد انه شي طيب ... ولعل الله يجيب خير من عنده ويصير النفود والدهنا احسن مكشات...

التمشي في قرى وهجر نجد يحتاج الى ايام كثيره وانصح الجميع بذلك خلال هذه الاجازه.. خاصة العيون التي عاودة الجريان في منطقة السر وهذي وقفت عليها انا شخصيا وتستحق الزياره ...

بالتوفيق للجميع:)
jaheez
16/12/2007, 12:32 AM
الله يرزقنا من فضله انه سميع مجيب الدعاء
VXR.2007
16/12/2007, 12:38 AM
عندك حوطة بني تميم حياك الله
wannan
04/01/2008, 11:00 AM
مشكورين اخواني
المنصوري 1
04/01/2008, 12:34 PM
ان شاء الله بينزل مطر قيب