وشرايكم بالسياره؟؟؟؟؟

[بـــدر]

السلام عليكم ورحمة الله وبركاته،،،
اخوني حبيت استشيركم ؟
يجي سيارات امريكية استخدام ياباني يعني التصنيع امريكي والاستيراد والإستخدام يباني مثل (الجمس والفورد والشفر والمرسيدس)
لقيت شفر بليزر موديل 1997 اللون اخضر عشبي من الداخل بيج، فيه مواصفات اول مره اشوفها بحياتي
* تلفزيون مع نظام ملاحة GPS
* ثلاجة مصغره تبريد مع مطبخ مصمم في اليابان في خلفية السياره
* السياره نفس الموصفات الي عندنا بس انضف واجد ، يعني شبه جديده ماشية فقط (41000 كلم)
* الكفرات يوكوهاما شبه جديده
بالختصار المفيد السياره شبه وكاله حتى الفرش الداخي جديد حتى اني تخيلت ان السياره ما مشت ولا 1000 كلم.
ابي مشـــــورتكم ياهل الشــور هل هي زينه للإستخدام ابي شــور مجرب النوع هذا من قبل
لان سعرها حوالي( 27000 ) درهم إماراتي يعني سعرها مو بغالي مره
هذا صوره لها
http://www.mekshat.com/pix/upload/images2/blazer.jpg

[المري]

الشكل والله حلو والاستخدام الله العالم ولا مرة سقتها ...


اخوك / المري

[laith]

الاخ "بدر" يامرحبا بك ........

ان كانه اخو الجيمي .... فلابالله حط رجلك وانحش ....... والسعر يدل ....;)

[بـــدر]

أخوي ليث ودي اعرف السبب يعني انت سبق وان استخدمتها :what:

بالنسبه لسعر لا تنسى انها تصدير. والتصدير يطيح حوالي الربع من سعرها انا سبق وان جبت مرسيدس (E230) كلفتني حوالي 24000 الف ريال وبعد ما استخدمتها بالرياض حوال الشهرين نزلتها السوق وسوت( 30500 ) وبعتها يعني ربحت والحمدلله والسبب انها تصدير . التصدير من اليابان رخيص مقارنه بالي عندنا

الجيب الاند كروزر درقسيون يمين يجي سعره من الييابان 68000 ريال وتحوله ب 16000 ريال تقريبا يعني كل الكلفه حوالي 84000 ريال وخوه عند مستر عبداللطيف :mad: يسوى 144000 ريال :confused: فلاتحكم على السعر.

[ابوسلطان]

عندنا بالشركه مسلمين حوالي 10 سيارات من نفس النوع بليزر الى بعض المدراء وهل الوسطات :D عموما :البليزر جيد مره وخفيف واقتصادي بالبنزين :good: بس طبعا ما اقارنه بجيب تايوتا لاكن عموما الموتر طيب لان ما عمر اشتكا احد منه من المدراء الي اعرفهم وهو تعرف معطينها عيالهم يلعبون بها في نفود الثمامه كل خميس . كانك معزم توكل على الله واشترها واتوقع انها بتسد محل جيب قيمته 70000 ريال .
والله بوفقنا وبوفقكم للخير

[ولد روضة سدير]

السلام عليكم .....
لا يغرك السعر رخيص ...بس بعدين اجيك الخرابات ....وما انصحك فيه ابدا ...شكل حلو بس مافي عزم قوي ولو تلاحظ انتشاره قليل ...وانه اقولك الكلام هذا لأن واحد من الربع مجربه 96ما يمدحه مره

[Y&Y_4X4]

انصحك ابعد عن الامريكي بأنواعه ما هو رجل على قولت اخواننا الشمامرة ولا يغرك المواصفات الباهرة و لا اللين في الممشى الرك وانا اخوك على المعنى ( اقصد التعب والفزعة ) أذا انت راعي بر يعني تبي عضيد ما تبي عنيد !!

[القماري]

اخونا بدر حياك الله
بخصوصالسؤال عن السيارة أقول:
معظم السيارات القادمة من اليابان والغير مخصصة للتصدير لا تكون بحسب المواصفات والمقاييس الخليجية ومعظمها يمل له تصليح ( ترهيم) كنقل الدركسيون من اليمين لليسار ونقل كل ما يتعلق به من أجهزة وخلافه،
كما هو حاصل مع الكثير من سيارات لاندكروزر والتي يشتري منها الكثير من الشباب بسبب رخص الأسعار والحقيقة إنها سيارات معده للتصدير من اليابان مباشرة لأفريقيا ، لكن الورش بالأمارات تقوم بالترهيم والتغيير وتباع على إنها سيارات حديثة ورخيصة.
هذه نقطه تخص السيارات الغير معدة لمنطقة الشرق الوسط عموما وتستطيع الرجوع للمصادر للتأكد أكثر في هذا الموضوع.
ثانيا : سيارات شفروليه عموما سيارات قوية ومنافسه ومشابهة جدا لسيارات GMC ولو بتغغير خفيف بين الموديلات
لكن السيارات الحديثة (كالبليزر أو الجيمي أو تريل بليزر أو انفوي ) فهذه السيارات صنعت كسيارات متعددة الإستخدام ( سبورت يوتلتي كارز) لكنها ليست بقوة السيارات الرباعية الدفع المعتمدة كاليوكون مثلا.
وسعرها في السوق غير مرضي للبائع في معظم الأحيان لقلة الطلب عليها وقلة مستخدميها .
ومن يشترى مثل هذه الأنواع فهو شخص يكون راغب لمثل هذه الفئة أو شخص ليس لديه علم بهذه النوعية من السيارات أو معرفة بالسوق المحلي.
لذا إذا كان لك رغبة بمثل هذه السيارة فالأفضل أولا التوجه للمعرض والبحث عن السيارة بالمواصفات الخليجية وإذا لم توفق فأسأل عن هذه السيارة ولا تشتري إلا وأنت متأكد 100 بالمئة . وبالتوفبق

[ابوسلطان]

-