اسفسار عن منفاخ الهوا

[سلومي]

السلام عليكم اخواني المكشاتية

قبل حوالي سنة وجدت موضوع بالمنتدى عن مواطير الهواء لنفخ الكفارات وبحثت عنه ولم اجدة لأني رحت ابشري ولقيت حسب ما قالو هنا في المنتدى وقالوا لي الشباب ابو جمل لقيل ابو جمل اكثر من نوع شي ابو لي اسود قصير وشي لي اصفر طويل وشي به 2 بستم مديري :confused: وش اختار لاني صراحة بغيت اشقق هدومي من القهر ابي اعرف وش الزين ابي شي يعيش

افيدونا مشكورين

[الساهر2003]

اخوي ارفق شوي على نفسك العجله مافيها خير
ماريته
1- الشنطه عليها رسمت جمل
2- بستم واحد وفلتره فوق
3- اللي اصفر او برتقالي فقط بدون لليي اسود قصير
4- هذه مواصفات الكبير وليس الصغير
5- واللي يشبك مباشرة مع الماطور
والرابط قريب

[سلومي]

اشكرك على سرعة الرد
انشاء الله آخذ ابو لي اصفر لقيتة عند برق الحيا سعره 259او 269

[الساهر2003]

http://www.mekshat.com/vb/showthread.php?t=113457
في الغرابي
ب250 تقريبا
وانا امس عند برق الحيا وكاني ما شفت ابو جمل واغلب مواطير الهواء للي اصفر
وفي الرابط صور له واضحه

[الرحال الجوال]

شف وأنا اخوك ..
أبو جمل الأصلي يجي منه نوعين لي قصير وسلك للبطارية طويل ، ولي طويل وسلك للبطارية قصير ، وهذا يرجع لرغبتك في تثبيت الماطور في كبوت السيارة أو لا ..
عموماً أبو جمل وماركة ثانية من مواطير الهواء مكتوب عليها " الأصلي " وأظنها انقطعت هي أفضل الموجود على الإطلاق ، وانتبه من الأنواع الجديدة اللي تجي ببستمين ، جربت كم نوع كل شي منها له عيوبه وميزة السرعة المزعومة فيها تتلاشى مع أول تعبئة كفر ، يعني لو وصل الضغط 50 مثلاً ما راح تقدر تكمل ، أو السرعة تضعف على المدى القريب ، وخذ حل قوي وعملي وسريع لو كنت راعي استعمال كثير ومتواصل وهي كالتالي :
اشتر ماطورين هواء وانصحك بماركة أبو جمل ، ورح للمكابس في صناعية أم الحمام وخلهم بشبكون الليين في الماطورين في مخرج واحد ، ثم خلهم يفصلون لك لي أعرض وبطول لا يقل عن 5 متر يكبس مع المخرج السابق مع طرف ، ومع الطرف الآخر تحط لها مكبس يمسك على البلف تلقاه عند عالم ساكو يجي بشكل مسدس مع عيار هواء ، أو تشتري سنة تربطها على سنة البلف ، وهذي عندي أحكم لأن الأولى يكون فيها تهريب وكبسها مع يضبط دايم على بلف الكفر إلا كود تمسكه ، وأنت أكيد تبي شي يريحك ، ثم رح لمحل نجارة وخله يثبت لك الماطورين على قاعدة خشبية ، ثم مر كهربائي سيرات وخله يزاوج لك الأسلاك بدل ما تكون أربعة تكون اثنين بس رايحة لبطارية السيارة وبطول لا يقل عن مترين ، ثم رح لبرق الحيا وتلقى عندهم أنواع الشنط من القماش التنزاني خذ وحدة مناسبة وحط المواطير فيها ، وتقدر تستغني عن هالمشاوير كلها لو كنت تحب تضبط الشي بنفسك . وشخصياً مجرب العملية ومرتاح لها كثير من عدة نواحي ، عمليّة ، سريعة ، وذفة ، مرتبة .. ومجربها على كفرات وايت سكس 10 كفرات ، عليها سرعة وقوة ما تتخيلها ..
ومستعد لأي استفسار ..

[ابوعبدالله 22]

طيب اخوي رحال بسئلك الله لايهينك عن لي الهوا حق ماطور ابو جمل انا ذاب عندي اللي من الحراره من عند الماطور وذببيت اللي مادريت انه يتصلح وشريت لي يشبهله من عند العلياني في الغرابي بس من اول تفخه ذاب من الحراره شكله مهوب اصلي وصلحته وطلعتي مشكله ثانيه في اللي ينفصل المكبس الي من اللي للماطور لازم امسك المكبس فيه محل يبيع ليات اصليه تركب على ماطور ابو جمل تتحمل الحراره وهل فيه قطع غيار لماطور ابو جمل مثل فلتر الهوا لانه انكسر عندي ومعليش كاني ثقلت عليك بالاسئله

[شمالات نجد]

على طاري المواطير

وين نحصل أبو جمل هذا ووشلون أعرف أنه الأصلي لأنهم يقولون له تقليد أكثر من واحد

دخلت على الرابط اللي في الأعلى ولقيت الصور اللي توضح الأصلي منلغيه

أفيدونا أثابكم الله

[ثورة الشك]

مريت السنيدي امس وكان عنده نوعين من ابو جمل لكن كلهن صناعتهن صيني

كنت ناوي اشتري لكن ردتني صناعتهن قلت يمكن فيه منهن صناعه اصليه امريكي


ياجماعه الخير دلونا قبل مانورط بشي ما منه فايده

[الساهر2003]

ابو جمل الاصلي صيني لكن يبيض الوجه
والليات الزينه ايطالية في شارع الريل خذ الماطور وجرب اي ليي يركب في شارع الريل
مع اطيب تحية

[نمر بن حثلين]

بالنسبه لابو جمل الاصلي

الصور انمسحن من الموقع

وهذاي انزلهن من جديد


هذي صورة الكرتون من قدام

http://www.mekshat.com/pix/upload02/images55/mk7373_20071217141.jpg

الكرتون من ورا ولاحظ لصقة احذرو التقليد ولصقه الاصلي

http://www.mekshat.com/pix/upload02/images55/mk7373_20071217139.jpg


http://www.mekshat.com/pix/upload02/images55/mk7373_20071217138.jpg


على الماطور اللصقه الدائريه احذروا التقليد الاصلي

http://www.mekshat.com/pix/upload02/images55/mk7373_20071217142.jpg

[ابوعبدالله 22]

الله يعطيك العافيه يا الساهر ولا يهونون الشباب بس مدري فيه قطع غيار لابو جمل مثل الفلتر لانه منكسر عندي اتمنا احد يفيدني من الشباب الي عندهم خبره في المواطير واكون له شاكر

[ناوي نيه]

انا لقيتلي واحد بستمين مختوم عليه السنيدي وشنطته بلاستيك رصاصي
وشرايكم فيه

[الساهر2003]

الله يعطيك العافيه يا الساهر ولا يهونون الشباب بس مدري فيه قطع غيار لابو جمل مثل الفلتر لانه منكسر عندي اتمنا احد يفيدني من الشباب الي عندهم خبره في المواطير واكون له شاكر


اخوي ممكن في الغرابي تحصل او ترهم له فلتر واسال وكيله في الغرابي ما اعرف اسمه اسالهم وهم يدلونك عليه
مع اطيب تحية للجميع

[الساهر2003]

انا لقيتلي واحد بستمين مختوم عليه السنيدي وشنطته بلاستيك رصاصي
وشرايكم فيه


اخوي انصحك ببستم واحد
وفي احد ردودي في نفس الموضوع مرفق فيه رابط موضوع احد الشباب عن مقارنة بين ماطور بستم واحد وبستمين
مع اطيب تحية

[ناوي نيه]

يعطيك العافيه ياالتميراوي

[كارلس]

السلام عليكم ورحمة الله

بكم سعر أبو جمل
وبكم سعر أبو فرس
ووين موجود في الرياض
هل موجود في برق الحيا

[شمالات نجد]

الله يعطيك العافية أخوي نمر ما قصرت والله

[ناوي نيه]

السلام عليكم ورحمة الله

بكم سعر أبو جمل
وبكم سعر أبو فرس
ووين موجود في الرياض
هل موجود في برق الحيا


على حسب المكان هو حدود 260 اغلب الاماكن هذا ابو جمل

[الساهر2003]

يعطيك العافيه ياالتميراوي

حياك الله اخوي هههههه

[كارلس]

وبفرس كم قيمته
كأني شفته 190 في اكسترا

[حمد808]

الفلتر ممكن تلقاة عند الشراع وكيل ابو جمل اللي في الغرابي بعد السليماني يمين امام الحديقة

[alkongrs]

ابو جمل وبس